ଅର୍ଗସ ବ୍ୟୁରୋ: ଟିମ ଇଣ୍ଡିଆର ପୂର୍ବତନ ବ୍ୟାଟ୍ସମ୍ୟାନ ବିନୋଦ କାମ୍ବଲି ହଠାତ୍ ଅସୁସ୍ଥ ହୋଇପଡିଛନ୍ତି । ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ଗତ କିଛି ମାସ ହେବ ବିନୋଦ ସ୍ୱାସ୍ଥ୍ୟଗତ ସମସ୍ୟା ଦେଇ ଗତି କରୁଥିଲେ । ଥଣ୍ଡା ସମ୍ବନ୍ଧିତ ସମସ୍ୟା ଲାଗି ରହିଥିଲା । ଶନିବାର ତାଙ୍କ ସ୍ୱାସ୍ଥ୍ୟରେ ଅଧିକ ଅବନତି ହେବାରୁ ତାଙ୍କୁ ଥାଣେର ଆକୃତି ହସ୍ପିଟାଲରେ ଭର୍ତ୍ତି କରାଯାଇଛି । ଏବେ ତାଙ୍କ ଅବସ୍ଥା ସ୍ଥିର ରହିଛି।

ତେବେ ସୋସିଆଲ ମିଡିଆରେ କାମ୍ବଲିଙ୍କ ସ୍ୱାସ୍ଥ୍ୟକୁ ନେଇ ଏକ ଭିଡିଓ ଭାଇରାଲ ହୋଇଥିଲା । ଏଥିରେ ତାଙ୍କୁ ସଚିନଙ୍କ ସହ ଦେଖିବାକୁ ମିଳିଥିଲା । ଉଭୟ ସେମାନଙ୍କ ପିଲା ଦିନର କୋଚ ରମାକାନ୍ତ ଆଚରେକରଙ୍କ ଏକ କାର୍ଯ୍ୟକ୍ରମକୁ ଯାଇଥିଲେ ।ସେହି ଭିଡିଓରେ କାମ୍ବଲିଙ୍କ ସ୍ୱାସ୍ଥ୍ୟକୁ ଦେଖି ସମସ୍ତେ ଆଶ୍ଚର୍ଯ୍ୟ ହୋଇଯାଇଥିଲେ । ସେ ବହୁତ ରୋଗିଣା ଦେଖାଯାଉଥିଲେ ।