ଏକାଠି ବସି ଫାଷ୍ଟଫୁଡ ଖାଇଲେ ବିଲଗେଟ୍ସ ଏବଂ ସଚିନ ତେନ୍ଦୁଲକର । ମାଇକ୍ରୋସଫ୍ଟ କୋ ଫାଉଣ୍ଡର ବିଲ ଗେଟ୍ସ ଏବଂ କ୍ରିକେଟ ଲିଜେଣ୍ଡ ସଚିନ ତେନ୍ଦୁଲକରଙ୍କର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି । ଏହି ଭିଡିଓକୁ ପ୍ରଥମେ ବିଲ୍ ଗଟ୍ସ ନିଜେ ସୋସିଆଲ ମିଡିଆରେ ଶେୟାର କରିଥିଲେ । ଯେଉଁଥିରେ ସେ ଲେଖିଛନ୍ତି, "କାର୍ଯ୍ୟକୁ ଯିବା ପୂର୍ବରୁ ଜଳଖିଆ ବ୍ରେକ" ।

ଏହି ଭିଡିଓରେ ସଚିନ ଏବଂ ବିଲ ଗେଟ୍ସ ବଡାପାଓ ଖାଉଥିବା ନଜର ଆସିଥିଲେ । ଭିଡିଓରେ " ସର୍ଭିଙ୍ଗ ସୁନ୍' ବୋଲି ଲେଖା ହୋଇଥିଲା । ତେବେ ବିଲ ଗେଟ୍ସ ଭାରତ ଭ୍ରମଣ କରିବା ପରେ ନିଜ ବ୍ଲଗରେ ଲେଖିଥିଲେ , " ମୁଁ କିଛି ନୂଆ ଉପାୟ ସହ ଆସିଛି । କାରଣ ଭାରତରେ ଖୁବ ସ୍ମାର୍ଟ ଏବଂ ମହତ୍ବକାଂକ୍ଷୀ ଲୋକ ଥାଆନ୍ତି । ଯେଉଁମାନେ ବିଶ୍ବର କଠିନ ସମସ୍ୟାର ସମାଧାନ କରିଥାନ୍ତି ।

ତେବେ ତେନ୍ଦୁଲକରଙ୍କ ସହ ତାଙ୍କର କିଛି ସ୍ପେଶାଲ ପ୍ଲାନ ଥିବା ଭିଡିଓରୁ ଜଣାପଡିଛି । ତେନ୍ଦୁଲକରଙ୍କୁ କ୍ରିକେଟର ଭଗବାନ ବୋଲି କୁହାଯାଏ । ସେ ଏବେଯାଏଁ ମଧ୍ୟ ଦିନିକିଆ ମ୍ୟାଚରେ ସର୍ବାଧିକ ରନ କରିବାର ରେକର୍ଡ ବଜାୟ ରଖିଛନ୍ତି । ୧୦୦ଟି ଅନ୍ତର୍ଜାତୀୟ ଶତକ ହାସଲ କରିବାରେ ମଧ୍ୟ ତାଙ୍କର ସଫଳତା ଅଛି ।

View this post on Instagram

A post shared by Bill Gates (@thisisbillgates)

Argus News: ଓଡ଼ିଶାର ଖବର | Breaking News, ରାଜନୀତି, କ୍ରୀଡ଼ା ଓ Live TV