ଅହମ୍ମଦାବାଦ 2030 ରାଜ୍ୟଗୋଷ୍ଠୀ କ୍ରୀଡ଼ା ଆୟୋଜନ କରିବାକୁ ପ୍ରସ୍ତୁତ । ରାଜ୍ୟଗୋଷ୍ଠୀ କ୍ରୀଡାର ଶତବାର୍ଷିକୀ ସଂସ୍କରଣ ପାଇଁ ଅହମ୍ମଦାବାଦକୁ ଆୟୋଜକ ଭାବରେ ସୁପାରିଶ କରାଯାଇଛି। ନଭେମ୍ବର ୨୬ ତାରିଖରେ ସଂସ୍ଥାର ସାଧାରଣ ପରିଷଦରେ ଚୂଡ଼ାନ୍ତ ନିଷ୍ପତ୍ତି ନିଆଯିବ। ରାଜ୍ୟଗୋଷ୍ଠୀ କ୍ରୀଡ଼ା ଆୟୋଜନ ପାଇଁ ଅହମ୍ମଦାବାଦ ପ୍ରସ୍ତୁତ ଥିବା କାର୍ଯ୍ୟନିର୍ବାହୀ ବୋର୍ଡ ପକ୍ଷରୁ ନିଶ୍ଚିତ କରାଯାଇଛି । ସୋସିଆଲ୍ ମିଡିଆ `X'ରେ ଗୃହମନ୍ତ୍ରୀ ଅମିତ ଶାହ ଏନେଇ ସୂଚନା ଦେଇଛନ୍ତି । ପ୍ରଧାନମନ୍ତ୍ରୀଙ୍କ ନିରବଚ୍ଛିନ୍ନ ଉଦ୍ୟମ ଯୋଗୁଁ ଏହା ସମ୍ଭବ ହୋଇଛି ।

ପ୍ରତ୍ୟେକ ଭାରତୀୟଙ୍କୁ ଅଭିନନ୍ଦନ ଜଣାଇଛନ୍ତି ଶାହ । 2030 ରାଜ୍ୟଗୋଷ୍ଠୀ କ୍ରୀଡ଼ା ଆୟୋଜିନ ପାଇଁ ଅହମ୍ମଦାବାଦ ଓ ନାଇଜେରିଆର ରାଜଧାନୀ ଆବୁଜା ପକ୍ଷରୁ ବିଡ୍ ଦାଖଲ ହୋଇଛି । କମନୱେଲ୍ଥ କ୍ରୀଡା ମୂଲ୍ୟାୟନ କମିଟି ଦ୍ୱାରା ବିସ୍ତୃତ ପ୍ରକ୍ରିୟା ଅନୁସରଣ କରାଯିବ । ଯାହା ବୈଷୟିକ ବିତରଣ, ଖେଳାଳି ଅଭିଜ୍ଞତା, ଭିତ୍ତିଭୂମି, ଶାସନ ସହ ବିଭିନ୍ନ ମାନଦଣ୍ଡ ଆଧାରରେ ପ୍ରାର୍ଥୀ ସହରଗୁଡ଼ିକର ମୂଲ୍ୟାଙ୍କନ କରିଥାଏ। ଏହି ସୁପାରିଶ ରାଜ୍ୟଗୋଷ୍ଠୀ କ୍ରୀଡ଼ା ଆନ୍ଦୋଳନ ପାଇଁ ଏକ ଐତିହାସିକ ମୁହୂର୍ତ୍ତ। 2030 କ୍ରୀଡା 1930 ମସିହାରେ କାନାଡାର ହାମିଲଟନରେ ଅନୁଷ୍ଠିତ ଉଦଘାଟନୀ ଇଭେଣ୍ଟର ଶତବାର୍ଷିକୀ ପାଳନ କରିବ।

ତଥାପି, ଗତ କିଛି ବର୍ଷ ଧରି, ଅହମ୍ମଦାବାଦକୁ ଦେଶର କ୍ରୀଡା ହବ୍ ଭାବରେ ଗଢ଼ି ତୋଳିଛି କାରଣ ଏହା ୨୦୨୩ ରେ ଦିନିକିଆ ବିଶ୍ୱକପ୍ ଫାଇନାଲ୍ ମଧ୍ୟ ଆୟୋଜନ କରିଥିଲା। ରାଜ୍ୟଗୋଷ୍ଠୀ କ୍ରୀଡା ଭଳି ଏକ ବହୁ-କ୍ରୀଡା ଇଭେଣ୍ଟ ଆୟୋଜନ କରିବା ଦ୍ୱାରା ଭାରତକୁ ଆଗାମୀ କିଛି ବର୍ଷ ମଧ୍ୟରେ ସେମାନଙ୍କର ଅଲିମ୍ପିକ୍ ସ୍ୱପ୍ନ ଆଡ଼କୁ ଏକ ବିରାଟ ପଦକ୍ଷେପ ନେବା ସହିତ ଏହି ପ୍ରମୁଖ ଇଭେଣ୍ଟ ଆୟୋଜନ ପାଇଁ କି ପ୍ରକାରର ଭିତ୍ତିଭୂମି ଆବଶ୍ୟକ ତାହା ଏକ ସମ୍ଭାବ୍ୟ ଧାରଣା ଦେବ।

ଅଧିକ ପଢ଼ନ୍ତୁ ଖେଳ ଖବର: