IPL Controversy / ପନ୍ତଙ୍କ ପରେ LSGର ନୂଆ କ୍ୟାପଟେନ୍ ହେବେ କି ଏଡେନ ମାର୍କ୍ରମ? କ୍ୟାପଟେନସିକୁ ନେଇ ନିଜେ ଦେଲେ ବଡ଼ ବୟାନ

ରିଷଭ ପନ୍ତ ଲକ୍ଷ୍ନୌ ଛାଡ଼ିବା ପରେ କ୍ୟାପଟେନ୍ସିକୁ ନେଇ ଅଙ୍କ କଷା ଛିଡ଼ୁନି। କିଏ ହେବ କ୍ୟାପଟେନ? ଏହାମଧ୍ୟରେ ଏକ ବଡ଼ ଅପଡେଟ ଆସିଛି। ଆଇପିଏଲ ୨୦୨୭ ଲକ୍ଷ୍ନୌ ସୁପର ଜାଏଣ୍ଟ୍ସ ପାଇଁ ଏକ ବଡ଼ ପରିବର୍ତ୍ତନ ଦେଖିବାକୁ ମିଳିବ। ଆଇପିଏଲ ୨୦୨୬ରେ ଏଲଏସଜିର ନିରାଶାଜନକ ପ୍ରଦର୍ଶନ ପରେ, ରିଷଭ ପନ୍ତ ଅଧିନାୟକ ପଦ ଛାଡି ଦେଇଥିଲେ। କିଛି ଦିନ ପରେ, ଖବର ଆସିଥିଲା ଯେ ପନ୍ତ ଦିଲ୍ଲୀ କ୍ୟାପିଟାଲ୍ସକୁ ଫେରିଛନ୍ତି। ଏହି ବାଣିଜ୍ୟ ଚୁକ୍ତିର ଏକ ଅଂଶ ଭାବରେ, କୁଲଦୀପ ଯାଦବ ଦିଲ୍ଲୀ ଛାଡି ଲକ୍ଷ୍ନୌ ଦଳରେ ଯୋଗ ଦେଇଥିଲେ। ଏବେ, ସବୁଠାରୁ ବଡ଼ ପ୍ରଶ୍ନ ହେଉଛି:

• ପରବର୍ତ୍ତୀ ସିଜନରେ ଲକ୍ଷ୍ନୌ ସୁପର ଜାଏଣ୍ଟ୍ସର ଅଧିନାୟକ କିଏ ହେବେ?

ଏଲଏସଜିରେ ଏଡେନ୍ ମାର୍କରାମ ଏବଂ ନିକୋଲାସ୍ ପୁରନ୍ ଭଳି ଅଭିଜ୍ଞ ବ୍ୟାଟସମ୍ୟାନ ଅଛନ୍ତି, ଯେଉଁମାନେ ଉତ୍କୃଷ୍ଟ ଅଧିନାୟକ ବିକଳ୍ପ ହୋଇପାରନ୍ତି। ମାର୍କରାମ ଦକ୍ଷିଣ ଆଫ୍ରିକାର ଟି୨୦ ଦଳର ବର୍ତ୍ତମାନର ଅଧିନାୟକ ମଧ୍ୟ। ତାଙ୍କୁ ପରବର୍ତ୍ତୀ ସିଜନରେ ଲକ୍ଷ୍ନୌ ଦଳର ଅଧିନାୟକତ୍ୱ ବିଷୟରେ ତାଙ୍କର ମତାମତ ପଚରାଯାଇଥିଲା।

• କ’ଣ ଏଡେନ୍ ମାର୍କରାମ ଅଧିନାୟକ ହେବେ?

Cricinfo ରିପୋର୍ଟ ଅନୁଯାୟୀ, ଏଡେନ୍ ମାର୍କରାମ ଅଧିନାୟକତ୍ୱ ପ୍ରଶ୍ନର ଉତ୍ତରରେ କହିଥିଲେ, "ମୋର ଏବିଷୟରେ କୌଣସି ଧାରଣା ନାହିଁ। ସେମାନେ ଅଧିନାୟକତ୍ୱ ପାଇଁ ଯାହାକୁ ସର୍ବୋତ୍ତମ ବୋଲି ଭାବନ୍ତି ତାଙ୍କୁ ବାଛିପାରିବେ। ଆମ ଦଳରେ ବହୁତ ଭଲ ଲିଡର ଅଛନ୍ତି, ତେଣୁ ମୁଁ ଏହା ବିଷୟରେ ଆଦୌ ଚିନ୍ତା କରୁନାହିଁ। ଯିଏ ଅଧିନାୟକତ୍ୱ ପାଆନ୍ତି, ମୁଁ ଆଶା କରୁଛି ସେମାନେ ଏହାକୁ ସମ୍ପୂର୍ଣ୍ଣ ଭାବେ ନିଜର ଟିମ ଭାବି ପରିଚାଳନା କରିବେ।"

ଏଡେନ୍ ମାର୍କରାମ କେବେ IPLରେ ଲକ୍ଷ୍ନୌ ସୁପର ଜାଏଣ୍ଟ୍ସର ଅଧିନାୟକତ୍ୱ କରିନାହାଁନ୍ତି, କିନ୍ତୁ ସେ ଅନ୍ୟ ଲିଗ୍‌ରେ LSG ଫ୍ରାଞ୍ଚାଇଜ୍‌ର ନେତୃତ୍ୱ ନିଅନ୍ତି। ମାର୍କରାମ SA20ରେ ଡର୍ବାନ ସୁପର ଜାଏଣ୍ଟ୍ସ ଏବଂ ଦି ହଣ୍ଡରେଡ୍‌ରେ ମାଞ୍ଚେଷ୍ଟର ସୁପର ଜାଏଣ୍ଟ୍ସର କ୍ୟାପଟେନସି ସମ୍ଭାଳିଛନ୍ତି।
LSG ସ୍କ୍ବାଡ: ଆଡେନ ମାର୍କ୍ରାମ, ଅବଦୁଲ ସମାଦ, ଅକ୍ଷତ ରଘୁଭାନ୍ସି, ହିମାତ୍ ସିଂ, ମିଚେଲ ମାର୍ଶ, ନିକୋଲାସ ପୁରଣ, ଜୋଶ ଇଂଲିଶ, ମୁକୁଲ ଚୌଧୁରୀ, ମାଥ୍ୟୁ ବ୍ରିଟଜକେ, ଅନରିକ ନର୍ଟେଜେ, ଆକାଶ ସିଂ, ଅର୍ଜୁନ ତେନ୍ଦୁଲକର, ଆବେଶ ଖାନ, କୁଲଦୀପ ଯାଦବ, ଦୀଗଶ ରାଧା, ମାୟଙ୍କ ଯାଦବ, ଏମ୍ ସିଦ୍ଧାର୍ଥ, ମହମ୍ମଦ ସାମି, ମୋହସିନ ଖାନ, ପ୍ରିନ୍ସ ଯାଦବ, ମନନ ତିଓ୍ବାରି, ଆର୍ଶିନ କୁଲକର୍ଣ୍ଣି, ଆୟୁଷ ବାଡୋନି, ଜର୍ଜ ଲିଣ୍ଡେ, ଶାହାବାଜ ଅହମ୍ମଦ।