ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକରଙ୍କ ଆଜି ଜନ୍ମଦିନ। ୧୯୭୩ ମସିହା ଏପ୍ରିଲ ୨୪ ତାରିଖରେ ମୁମ୍ବାଇରେ ଜନ୍ମଗ୍ରହଣ କରିଥିଲେ। ସଚିନ ଆଜି ୫୩ ବର୍ଷରେ ପଦାର୍ପଣ କରିଛନ୍ତି। ଏହି ଅବସରରେ ତାଙ୍କ ପୁଅ ଅର୍ଜ୍ଜୁନ ତେନ୍ଦୁଲକର ତାଙ୍କୁ ଜନ୍ମଦିନର ଶୁଭେଚ୍ଛା ଜଣାଇଛନ୍ତି। ଯାହାର ଏକ ଭିଡିଓ ଲକ୍ଷ୍ନୌ ସୁପର ଜାଏଣ୍ଟସ ଶେୟାର କରିଛି। ପ୍ରକାଶ ଥାଉକି, ଅର୍ଜୁନ ଆଇପିଏଲ ୨୦୨୬ରେ LSG ଟିମର ଏକ ଅଂଶ। ତେବେ ଏଯାଏ ଏହି ଫ୍ରାଞ୍ଚାଇଜ ପକ୍ଷରୁ ତାଙ୍କୁ ଡେବ୍ୟୁ କରିବାକୁ ସୁଯୋଗ ମିଳିନାହିଁ।

Sachin sir, Arjun aur hamare taraf se aapke liye cake 🍰

Happy Birthday ❤️💙 pic.twitter.com/wuO4VrZNau

— Lucknow Super Giants (@LucknowIPL) April 24, 2026

ସଚିନ ତେନ୍ଦୁଲକର ମୁମ୍ବାଇର ଦାଦର ଅଞ୍ଚଳରେ ଜନ୍ମଗ୍ରହଣ କରିଥିଲେ। ତାଙ୍କ ପିତା ରମେଶ ତେନ୍ଦୁଲକର ଜଣେ ମରାଠୀ ଔପନ୍ୟାସିକ ଏବଂ କବି ଥିଲେ। ସଚିନଙ୍କ ନାମ ତାଙ୍କ ପିତାଙ୍କ ପ୍ରିୟ ସଚିନ ଦେବ ବର୍ମନଙ୍କ ନାମରେ ରଖାଯାଇଥିଲା। ସେ ତାଙ୍କ କ୍ରିକେଟ କ୍ୟାରିୟରର ପ୍ରାରମ୍ଭରେ 24 ମେ’ 1995ରେ ଅଞ୍ଜଳି ମେହେତାଙ୍କୁ ବିବାହ କରିଥିଲେ। ସଚିନ ଏବଂ ଅଞ୍ଜଳିଙ୍କ ଦୁଇଜଣ ସନ୍ତାନ ସାରା ତେନ୍ଦୁଲକର ଏବଂ ଅର୍ଜୁନ ତେନ୍ଦୁଲକର।
ଲକ୍ଷ୍ନୌ ସୁପର ଜାଏଣ୍ଟ୍ସ ଅର୍ଜୁନ ତେନ୍ଦୁଲକରଙ୍କ ଜନ୍ମଦିନରେ ଏକ ଭିଡିଓ ସେୟାର କରି କ୍ୟାପସନ ଦେଇଛନ୍ତି, "ସଚିନ ସାର୍, ଅର୍ଜୁନ ଏବଂ ଆମ ତରଫରୁ ଆପଣଙ୍କ ପାଇଁ ଏକ କେକ୍, ଜନ୍ମଦିନର ଶୁଭେଚ୍ଛା।" ଅର୍ଜୁନ ବର୍ତ୍ତମାନ LSG ଦଳ ସହିତ ଅଛନ୍ତି। ପୂର୍ବରୁ, ସେ ମୁମ୍ବାଇ ଇଣ୍ଡିଆନ୍ସ ଦଳର ଅଂଶ ଥିଲେ। ସେ IPL 2026 ପୂର୍ବରୁ ବାଣିଜ୍ୟ ମାଧ୍ୟମରେ ଲକ୍ଷ୍ନୌରେ ଯୋଗ ଦେଇଥିଲେ।

ଅର୍ଜୁନ କେକ୍ କାହିଁକି ଖାଇଲେ ନାହିଁ?
ସଚିନଙ୍କ ପରିବାରରେ ସବୁ ଠିକ ଚାଲିଛି ତ? ଶୁଭେଚ୍ଛା ଜଣାଇଲେ ହେଲେ କେକ ଖାଇଲେ ନାହିଁ କାହିଁକି... ଚାଲନ୍ତୁ ଜାଣିବା। ଅର୍ଜୁନ ପାଖକୁ ଆସି କେକ୍ ପ୍ଲେଟ୍ ଉଠାଇ କହିଲେ, "ଜନ୍ମଦିନର ଶୁଭେଚ୍ଛା ପାପା, କିନ୍ତୁ ମୁଁ ଏହାକୁ ଖାଇବି ନାହିଁ କାରଣ ମୁଁ ସୁଗାର ଖାଉନାହିଁ। ଆଇ ମିସ ୟୁ ପାପା। ଖୁବଶୀଘ୍ର ଦେଖା ହେବ।"

ସଚିନ ତେନ୍ଦୁଲକରଙ୍କ କ୍ରିକେଟ କ୍ୟାରିଅର
ତାଙ୍କର ୨୪ ବର୍ଷର କ୍ୟାରିଅରରେ (୧୯୮୯-୨୦୧୩), ସଚିନ ୨୦୦ ଟେଷ୍ଟ ଏବଂ ୪୬୩ ଦିନିକିଆ ଖେଳି ଯଥାକ୍ରମେ ୧୫,୯୨୧ ଏବଂ ୧୮,୪୨୬ ରନ୍ କରିଥିଲେ। ସେ ଗୋଟିଏ ଟି୨୦ ଅନ୍ତର୍ଜାତୀୟ ମଧ୍ୟ ଖେଳି ୧୦ ରନ୍ କରିଥିଲେ। ସଚିନ ବିଶ୍ୱର ଏକମାତ୍ର ବ୍ୟାଟ୍ସମ୍ୟାନ ଯିଏ ୧୦୦ ଅନ୍ତର୍ଜାତୀୟ ଶତକ (୫୧ ଟେଷ୍ଟ ଏବଂ ୪୯ ଦିନିକିଆ) ହାସଲ କରିଥିଲେ।