ଯେଉଁ ଷ୍ଟାଡିୟମ ଭାରତ ପାଇଁ କାଳ ହୋଇଥିଲା । ଯେଉଁ ଅମ୍ପାୟର ଭାରତ ପରାଜୟର ସାକ୍ଷୀ ଥିଲେ । ସେହି ସବୁ ଏବେ ପୁଣି ଥରେ ଦୋହରାଇବାକୁ ଯାଉଛି । କାରଣ ସମାନ ଷ୍ଟାଡିୟମ ରହିଛି ଏବଂ ସମାନ ଅମ୍ପାୟାର ରହିଛନ୍ତି ଟି ୨୦ ବିଶ୍ବକପ୍‌ରେ ।

ଅହମଦାବାଦ ଷ୍ଟାଡିୟମରେ ଭାରତ ବିଶ୍ବକପ୍‌ ଫାଇନାଲରେ ପରାଜୟ ହୋଇଥିଲା । ଆଉ ସେହି ବର୍ଷ ଅମ୍ପାୟାର ଥିଲେ ରିଚାର୍ଡ ଇଲିଂଓର୍ଥ। ଆଉ ଏବେ ସେହି ଷ୍ଟାଡିୟମରେ ଭାରତ ଖେଳିବାକୁ ଯାଉଛି ଟି ୨୦ ବିଶ୍ବକପ୍‌ ଫାଇନାଲ ମ୍ୟାଚ୍‌। ଏହି ମ୍ୟାଚ୍‌ରେ ଭାରତ ଏବଂ ନ୍ୟୁଜିଲାଣ୍ଡ ବିପକ୍ଷରେ ଖେଳାହେବାକୁ ଯାଉଛି ।

ଭାରତ ପାଇଁ କାଳ ହେବକି ଏହି ସଂଯୋଗ। ସମାନ ଅମ୍ପାୟାର ସମାନ ଭେନ୍ୟୁ । ୨୦୨୩ରେ ଭାରତ ଏବଂ ଅଷ୍ଟ୍ରେଲିୟା ବିଶ୍ବକପ୍‌ ଫାଇନାଲ ମ୍ୟାଚ୍‌ ଖେଳୁଥିଲେ । ଯେଉଁଥିରେ ଭାରତ ପରାଜୟ ହାସଲ କରିଥିଲା । କାନ୍ଦିଥିଲେ ସବୁ ଖେଳାଳି କାନ୍ଦିଥିଲେ ସବୁ ଭାରତୀୟ । ଆଉ ଏବେ ପୁଣିଥରେ ସେହି ଅହମଦାବାଦ ଷ୍ଟାଡିୟମରେ ଖେଳା ହେବାକୁ ଯାଉଛି ଟି ୨୦ ବିଶ୍ବକପ୍‌ ଫାଇନାଲ ।

ଏହି ମ୍ୟାଚ୍‌ରେ ସମାନ ଅମ୍ପାୟାର ମଧ୍ୟ ରହିଛନ୍ତି। ରିଚାର୍ଡ ଇଲିଂଓର୍ଥ ଯିଏ ଭାରତ ପରାଜୟର ସାକ୍ଷି ରହିଥିଲେ । ଏହି ଦୁଇ ସଂଯୋଗ ଭାରତ ପାଇଁ କାଳ ହୋଇ ପାରେ । ଅହମଦା ବାଦ ଷ୍ଟାଡିୟମରେ ଭାରତର ରେକର୍ଡ ଭଲ ଥିଲେ ବି ଗୁରୁତ୍ବପୂର୍ଣ୍ଣ ମ୍ୟାଚରେ ଭାରତ ପରାଜୟ ଗ୍ରହଣ କରିଛି ।

ସବୁଠାରୁ ଗୁରୁତ୍ବପୂର୍ଣ୍ଣ କଥା ହେଉଛି ଅହମଦାବାଦ ଷ୍ଟାଡିୟମରେ ଯିଏ ପ୍ରଥମେ ବ୍ୟାଟିଂ କରୁଛି ସେ ହିଁ ଜିତୁଛି । ପ୍ରଥମ ବ୍ୟାଟିଂ ଜିତିବାର ସମ୍ଭାବନା ସବୁ ବେଳେ ୫୭ ପ୍ରତିଶତ ରହିଛି । କାରଣ ଦ୍ବିତୀୟ ବ୍ୟାଟିଂ ବେଳକୁ ପିଚ୍‌ ବହୁତ ଧୀର ହୋଇ ଯାଇଥାଏ । ଯେଉଁଥିପାଇଁ ବ୍ୟାଟର ମାନଙ୍କୁ ଖେଳିବାକୁ ସହଜ ହୋଇ ନଥାଏ । ଯଦି ଦେଖିବା ଟି ୨୦ ବିଶ୍ବକପ୍‌ ଫାଇନାଲ ମ୍ୟାଚ୍‌ରେ ଫିଲ୍ଡ ଅମ୍ପାୟାର ରହିଛନ୍ତି ରିଚାର୍ଡ ଇଲିଂଓର୍ଥ ଏବଂ ଆଲେକ୍ସ ଓ୍ବାର୍ଫ ।