ଗତାକଲି କୋଲକାତା ନାଇଟ୍ ରାଇଡର୍ସ ବିପକ୍ଷରେ ମୁମ୍ବାଇ ଇଣ୍ଡିଆନ୍ସ ଆଉ ଏକ ପରାଜୟର ସାମ୍ନା କରିଛି । ଇଡେନ୍ ଗାର୍ଡେନରେ ଖେଳାଯାଇଥିବା ଏହି ଗୁରୁତ୍ୱପୂର୍ଣ୍ଣ ମ୍ୟାଚରେ KKR 4 ୱିକେଟରେ ବିଜୟୀ ହୋଇଛି । ଏହି ମ୍ୟାଚରେ ମୁମ୍ବାଇ ପାଇଁ ଅଧିନାୟକ ଭାବେ ହାର୍ଦ୍ଦିକ ପାଣ୍ଡ୍ୟା ପ୍ରତ୍ୟାବର୍ତ୍ତନ କରୁଥିଲେ, କିନ୍ତୁ ତାଙ୍କର ପ୍ରଦର୍ଶନ ପ୍ରଭାବଶାଳୀ ନଥିଲା । ଗୋଟିଏ ପଟେ ଦଳ ହାରିଥିବାବେଳେ ଏପଟେ BCCI ହାର୍ଦ୍ଦିକଙ୍କ ଉପରେ ଜରିମାନା ଲଗାଇଛି । KKR ବିପକ୍ଷରେ ପ୍ରତ୍ୟାବର୍ତ୍ତନ ମ୍ୟାଚରେ ଏକ ଭୁଲ ହାର୍ଦ୍ଦିକଙ୍କୁ ମହଙ୍ଗା ପଡ଼ିଛି ।

• କାହିଁକି ରାଗିଗଲେ ହାର୍ଦ୍ଦିକ ପାଣ୍ଡ୍ୟା ?

ଷ୍ଟାର ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟାଙ୍କୁ ତାଙ୍କ ମ୍ୟାଚ୍ ଫି'ର ୧୦ ପ୍ରତିଶତ ଜରିମାନା କରାଯାଇଛି ଏବଂ ତାଙ୍କୁ ଗୋଟିଏ ଡିମେରିଟ୍ ପଏଣ୍ଟ ମଧ୍ୟ ମିଳିଛି । ମ୍ୟାଚ୍ ସମୟରେ ସେ ଆଇପିଏଲ୍ ଆଚରଣ ସଂହିତା ଉଲ୍ଲଂଘନ କରିଥିବାରୁ ତାଙ୍କୁ ଏହି ଦଣ୍ଡ ଦିଆଯାଇଛି । କେକେଆର୍ ବ୍ୟାଟିଂ ସମୟରେ ୧୦ମ ଓଭରର ଚତୁର୍ଥ ବଲରେ, ହାର୍ଦ୍ଦିକ ପାଣ୍ଡ୍ୟା ତାଙ୍କ ରନ-ଅପକୁ ଫେରିବା ସମୟରେ ୱିକେଟରେ ଲାଗିଥିବା ବେଲ୍ସକୁ ଖସାଇ ଦେଇଥିଲେ । ତାଙ୍କର ଅପରାଧ ଆଇପିଏଲ୍ ଆଚରଣ ସଂହିତାର ଧାରା ୨.୨ ଅଧୀନରେ ଆସେ, ଯାହା "ମ୍ୟାଚ୍ ସମୟରେ କ୍ରିକେଟ୍ ଉପକରଣ କିମ୍ବା ପୋଷାକ, ଗ୍ରାଉଣ୍ଡ ଉପକରଣ କିମ୍ବା ଫିକ୍ସଚର ଏବଂ ଫିଟିଂର ଅପବ୍ୟବହାର" ସହିତ ଜଡ଼ିତ । ହାର୍ଦ୍ଦିକ ପାଣ୍ଡ୍ୟା ଏହି ସମ୍ପର୍କରେ ତାଙ୍କର ଦୋଷ ମଧ୍ୟ ସ୍ୱୀକାର କରିଛନ୍ତି ।

STORY | Pandya fined 10% of match fee, handed one demerit point for knocking bails off

Mumbai Indians captain Hardik Pandya has been fined 10 per cent of his match fee and handed one demerit point for abuse of cricket equipment after he forcefully knocked the bails of the wicket… pic.twitter.com/wQMMSvzZ9U

— Press Trust of India (@PTI_News) May 21, 2026

• ପୁଣି ହାରିଲା ମୁମ୍ବାଇ ଇଣ୍ଡିଆନ୍ସ

ଏହି ସିଜିନରେ ମୁମ୍ବାଇ ଇଣ୍ଡିଆନ୍ସର ପ୍ରଦର୍ଶନ ଅତ୍ୟନ୍ତ ଖରାପ ରହିଛି । ଦଳ ୧୩ଟି ମ୍ୟାଚ୍ ଖେଳିଛି, ମାତ୍ର ୪ଟିରେ ବିଜୟୀ ହୋଇଛି ଓ ୯ଟି ହାରିଛି । KKR ବିପକ୍ଷରେ ପ୍ରଥମେ ବ୍ୟାଟିଂ କରି ମୁମ୍ବାଇ ଇଣ୍ଡିଆନ୍ସ ୨୦ ଓଭରରେ ୧୪୭ ରନ୍ କରିଥିଲା, ମୋଟ KKR ୭ଟି ବଲ୍ ବାକି ଥାଇ ୪ ୱିକେଟ୍ ହରାଇ ବିଜୟୀ ହୋଇଥିଲା । ମନୀଷ ପାଣ୍ଡେ ଦଳର ପ୍ରମୁଖ ସ୍କୋରର ଥିଲେ, ସେ ୩୩ ବଲରେ ୪୫ ରନ୍ କରିଥିଲେ । ତେବେ ଗତକାଲି ମ୍ୟାଚରେ ମୁମ୍ବାଇ ଇଣ୍ଡିଆନ୍ସ ପକ୍ଷରୁ ହାର୍ଦ୍ଦିକ ପାଣ୍ଡ୍ୟା ଦ୍ଵିତୀୟ ଖେଳାଳି ଭାବେ ସର୍ବାଧିକ ରନ୍ କରିଛନ୍ତି । ତାଙ୍କର ପାଳି ବେଶ ଧିମା ଥିଲା । ସେ ୨୭ ବଲରେ ୨୬ ରନ୍ କରିଥିଲେ, ଯେଉଁଥିରେ ୧ଟି ଛକା ଓ ୨ଟି ଛକା ଥିଲା । ଯଦି ପାଣ୍ଡ୍ୟାଙ୍କ ବୋଲିଂ କଥା କହିବା, ତେବେ ସେ KKR ବିରୋଧରେ ୨ ଓଭରରେ ୧୩ ରନ୍ ଦେଇଛନ୍ତି, ତାଙ୍କୁ ଗୋଟିଏ ବି ୱିକେଟ୍ ମିଳିନାହିଁ ।

ପଢନ୍ତୁ ଏହି ଖବର: ହାର୍ଦ୍ଦିକଙ୍କ ପାରା ହାଇ ! MI ପରେ ଏବେ ରୋହିତ-ସୂର୍ଯ୍ୟଙ୍କୁ କଲେ ଅନଫଲୋ

କୋଲକାତା ନାଇଟ୍ ରାଇଡର୍ସ ବିରୋଧରେ ହାର୍ଦ୍ଦିକ ପାଣ୍ଡ୍ୟା ଆଇପିଏଲ ୨୦୨୬ରେ ନବମ ମ୍ୟାଚ୍ ଖେଳିଥିଲେ । ଏହି ୯ଟି ମ୍ୟାଚ୍ ମଧ୍ୟରେ ତାଙ୍କ ଅଧିନାୟକତ୍ଵରେ ମୁମ୍ବାଇ ଇଣ୍ଡିଆନ୍ସ ମାତ୍ର ୨ଟି ମ୍ୟାଚ୍ ଜିତିପାରିଛି । ଏହି ୯ଟି ମ୍ୟାଚରେ ହାର୍ଦ୍ଦିକଙ୍କ ପ୍ରଦର୍ଶନ ବିଷୟରେ କହିଲେ, ସେ ୧୭୨ ରନ କରିଥିବାବେଳେ ମୋଟ ୪ଟି ୱିକେଟ୍ ନେଇଛନ୍ତି ।