ବିସିସିଆଇ ନିୟମ କରିଥିଲା କିନ୍ତୁ ଭାରତର ଷ୍ଟାର ଅଲରାଉଣ୍ଡର ଖେଳାଳି କିଛି ମାନୁ ନାହାନ୍ତି। ବିସିସିଆଇ ନିୟମକୁ ଫୁ କରି ଗର୍ଲଫ୍ରେଣ୍ଡଙ୍କ ସହ ସମୟ ବିତାଇବାରେ ଲାଗିଛନ୍ତିି। ଭାରତର ପରବର୍ତ୍ତୀ ମୁକାବିଲା ପାକିସ୍ତାନ ସହ । ୧୫ ଫେବୃଆରୀରେ କଲମ୍ବୋର ଆର. ପ୍ରେମଦାସା ଷ୍ଟାଡିୟମରେ ଖେଳାଯିବ ହେବିଓ୍ୱେଟ୍ ମୁକାବିଲା । ଏହି ହାଇ-ଭୋଲଟେଜ୍ ମ୍ୟାଚ୍ ପାଇଁ ଭାରତୀୟ ଦଳ ଶ୍ରୀଲଙ୍କାର କଲମ୍ବୋରେ ପହଞ୍ଚି ସାରିଛି । ତେବେ ଏକ ଭିଡିଓ ସୋସିଆଲ ମିଡିଆରେ ଦ୍ରୁତ ଗତିରେ ଭାଇରାଲ ହେଉଛି । ଯାହା ପ୍ରଶଂସକଙ୍କ ମଧ୍ୟରେ ବହୁତ ଆଲୋଚନା ହେଉଛି ।

ଏହି ଭିଡିଓ ଭାରତର ଷ୍ଟାର ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟାଙ୍କୁ ନଜରରେ ରଖିଛି । କାରଣ ଏବେ ନୂଆ ଗର୍ଲଫ୍ରେଣ୍ଡ ପାଇବା ପରେ ହାର୍ଦ୍ଦିକ କୌଣସି ରୁଲ ମାନୁନାହାନ୍ତି। ତାଙ୍କର ଭିଡିଓ ଏବେ ଭାଇରାଲ ହେବାରେ ଲାଗିଛି। ଭିଡିଓରେ ଟିମ୍ ଇଣ୍ଡିଆର ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା ତାଙ୍କ ପ୍ରେମିକା ମାହିକା ଶର୍ମାଙ୍କ ସହ ନଜର ଆସିଛନ୍ତି । ଉଭୟ ଦଳ ଖେଳାଳି ସେଠାରେ ପହଞ୍ଚିସାରିଛନ୍ତି । ଖାସ୍ କରି ଏଥର ଟିମ୍ ଇଣ୍ଡିଆର ସମସ୍ତ ଖେଳାଳି ନିଜ ନିଜ ସାଥୀଙ୍କ ବିନା ସେଠାରେ ପହଞ୍ଚିଛନ୍ତି । ତେବେ ହାର୍ଦ୍ଦିକ କିନ୍ତୁ ବିସିସିଆଇ ନିୟମକୁ ଫୁ କରି ନିଜ ଗାର୍ଲଫ୍ରେଣ୍ଡ ସହ ନଜର ଆସିଛନ୍ତି । ଯାହା ପ୍ରଶଂସକଙ୍କୁ ଆଶ୍ଚର୍ଯ୍ୟ କରିଛି ।

ଏନେଇ ସୋସିଆଲ ମିଡିଆରେ ଅନେକ ଆପତ୍ତି ବି ଉଠିଛି । ଲୋକେ ଓଲଟା ପ୍ରଶ୍ନ ପଚାରୁଛନ୍ତି ଯେ, ହାର୍ଦ୍ଦିକ କ'ଣ ବିସିସିଆଇ ନିୟମ ଉଲ୍ଲଂଘନ କରୁଛନ୍ତି ?ପ୍ରକୃତରେ, ଏକ ସାମ୍ପ୍ରତିକ ରିପୋର୍ଟ ଅନୁଯାୟୀ, BCCI ଟି-୨୦ ବିଶ୍ୱକପ୍ ସମୟରେ ଭାରତୀୟ ଖେଳାଳିମାନଙ୍କୁ ସେମାନଙ୍କ ପତ୍ନୀ, ଭାବିପତ୍ନୀ କିମ୍ବା ପରିବାରର କୌଣସି ସଦସ୍ୟଙ୍କ ସହିତ ରହିବାକୁ ସ୍ପଷ୍ଟ ଭାବରେ ନିଷେଧ କରିଥିଲା। ଭାରତୀୟ ଦଳ ପରିଚାଳନା BCCI ଠାରୁ ଅନୁମତି ମାଗିଥିଲା । କିନ୍ତୁ ବୋର୍ଡ ଏହି ପ୍ରସ୍ତାବକୁ ସିଧାସଳଖ ପ୍ରତ୍ୟାଖ୍ୟାନ କରିଥିଲା।

ଏପରି ପରିସ୍ଥିତିରେ, ହାର୍ଦ୍ଦିକ ପାଣ୍ଡ୍ୟା ଏବଂ ମାହିକା ଶର୍ମାଙ୍କ ଦଳ ସହିତ କଲମ୍ବୋରେ ପହଞ୍ଚିବା ପ୍ରଶଂସକଙ୍କ ପାଇଁ ଆଶ୍ଚର୍ଯ୍ୟଜନକ ଥିଲା। ସୋସିଆଲ ମିଡିଆରେ କିଛି ବ୍ୟବହାରକାରୀ କହିଛନ୍ତି ଯେ ଏହା BCCI ନୀତିକୁ ଉଲ୍ଲଂଘନ କରୁଛି। ଏହି ଘଟଣା ଶୃଙ୍ଖଳା ଏବଂ ନିୟମ ବିଷୟରେ ବିତର୍କ ସୃଷ୍ଟି କରିଛି।କଣ କହୁଛି BCCI ରୁଲ୍ ? BCCIର ବର୍ତ୍ତମାନର ନୀତି ଅନୁଯାୟୀ, ପରିବାର ସଦସ୍ୟମାନଙ୍କୁ ଲମ୍ବା ବିଦେଶ ଗସ୍ତରେ (୪୫ ଦିନରୁ ଅଧିକ) ସର୍ବାଧିକ ୧୪ ଦିନ ପାଇଁ ଖେଳାଳିଙ୍କ ସହିତ ରହିବାକୁ ଅନୁମତି ଦିଆଯାଇଛି ।

ଏହି ନିୟମ ବିଶ୍ୱକପ୍ ଭଳି ପ୍ରମୁଖ ଟୁର୍ଣ୍ଣାମେଣ୍ଟରେ ପ୍ରଯୁଜ୍ୟ । ତଥାପି, ଯଦି ଖେଳାଳିମାନେ ଚାହାଁନ୍ତି, ତେବେ ସେମାନେ ସେମାନଙ୍କ ପରିବାର ପାଇଁ ପୃଥକ ହୋଟେଲ ବ୍ୟବସ୍ଥା କରିପାରିବେ । କିନ୍ତୁ ସେମାନଙ୍କୁ ଦଳର ସରକାରୀ ବାସସ୍ଥାନ କିମ୍ବା ଯାତ୍ରାରେ ସାମିଲ କରାଯାଇପାରିବ ନାହିଁ । ପୂର୍ବରୁ, ପରିବାରଗୁଡ଼ିକୁ ଅନେକ ସିରିଜରେ ଦଳ ସହିତ ରହିବାକୁ ବାରଣ କରାଯାଇଛି।