ଇଂଲଣ୍ଡ କ୍ରିକେଟ ଦଳର ଷ୍ଟାର ଅଲରାଉଣ୍ଡର ଏବଂ ଅଧିନାୟକ ବେନ୍ ଷ୍ଟୋକ୍ସ ବର୍ତ୍ତମାନ ଏକ ନାଇଟ୍ କ୍ଲବ୍ ଝଗଡ଼ା ପାଇଁ ବିବାଦଘେରରେ ରହିଛନ୍ତି। ସୋସିଆଲ ମିଡିଆରେ ଏହି ଖବର ଏବେ ହଇଚଇ ସୃଷ୍ଟି କରିଛି। ସ୍ଥିତି ଏପରି ହୋଇଛି ଯେ, ଇଂଲଣ୍ଡ ଆଣ୍ଡ ୱେଲ୍ସ କ୍ରିକେଟ୍ ବୋର୍ଡ (ECB) ଷ୍ଟୋକ୍ସଙ୍କୁ ଅଧିନାୟକ ପଦରୁ ହଟାଇବା ପାଇଁ ପ୍ରସ୍ତୁତି ଚଳାଇଥିବା ବେଳେ, କିଛି ଗଣମାଧ୍ୟମ ରିପୋର୍ଟ ଅନୁଯାୟୀ ଷ୍ଟୋକ୍ସ ଅନ୍ତର୍ଜାତୀୟ କ୍ରିକେଟରୁ ଅବସର ଘୋଷଣା ମଧ୍ୟ କରିପାରନ୍ତି। 

Ben Stokes Steps Down as England Test Captain, Likely to Retire from International Cricket. 👀

Ben Stokes and Gus Atkinson were involved in a nightclub altercation with a rugby player. Following an investigation by the ECB, Stokes was reportedly found guilty of breaching team… pic.twitter.com/9GqwD0ti7K

— Kartik🤠 (@pkartik600) June 9, 2026

ଏହି ଘଟଣା ପରେ, ଇଂଲଣ୍ଡ ଏବଂ ୱେଲ୍ସ କ୍ରିକେଟ୍ ବୋର୍ଡ (ECB) ଏହି ଘଟଣାର ତଦନ୍ତ ଆରମ୍ଭ କରିଛି। ଗଣମାଧ୍ୟମ ରିପୋର୍ଟରେ ଏହା ମଧ୍ୟ ଦାବି କରାଯାଇଛି ଯେ ଏହି ବିବାଦ ତାଙ୍କ ଅଧିନାୟକତ୍ୱକୁ ପ୍ରଭାବିତ କରିପାରେ। କିଛି ରିପୋର୍ଟରେ ତାଙ୍କ ସମ୍ଭାବ୍ୟ ଅବସର ବିଷୟରେ ମଧ୍ୟ ଆଲୋଚନା ହୋଇଛି। ସୋସିଆଲ ମିଡିଆରେ ପ୍ରସାରିତ ଏକ ଭିଡିଓରେ ବେନ୍ ଷ୍ଟୋକ୍ସ ଏବଂ ଗସ୍ ଆଟକିନସନ୍ ଏକ ନାଇଟ୍ କ୍ଲବ୍ ବାହାରେ ରାସ୍ତାରେ ଜଣେ ରଗବି ଖେଳାଳି ଏବଂ ତାଙ୍କ ସାଥୀଙ୍କ ସହ ଝଗଡ଼ା କରୁଥିବା ଦେଖାଯାଇଛି। ଭିଡିଓରେ ଦୁଇ ପକ୍ଷଙ୍କ ମଧ୍ୟରେ ପ୍ରବଳ ଝଗଡ଼ା ଦେଖାଯାଇଛି। ଦାବି କରାଯାଉଛି ଯେ ବହୁତ ମୁଥ ବିଧା ମାରିବା ଦ୍ବାରା ଜଣେ ବ୍ୟକ୍ତି ତଳେ ପଡ଼ିଯାଇଥିଲେ। ଘଟଣାଟି ରବିବାର ବିଳମ୍ବିତ ରାତିରେ ଘଟିଥିବା ଜଣାପଡ଼ିଛି। ଲର୍ଡସରେ ପ୍ରଥମ ଟେଷ୍ଟରେ ଇଂଲଣ୍ଡ ନ୍ୟୁଜିଲାଣ୍ଡକୁ ୧୧୫ ରନରେ ପରାସ୍ତ କରିବାର କିଛି ଘଣ୍ଟା ପୂର୍ବରୁ। ବିଜୟ ପରେ, ଖେଳାଳିମାନେ ଉତ୍ସବ ପାଳନ କରିବାକୁ ଏକ ନାଇଟ୍ କ୍ଲବ୍ ଯାଇଥିଲେ, ଯେଉଁଠାରେ ଝଗଡ଼ା ହୋଇଥିଲା।

ECB ଏନେଇ ତଦନ୍ତ ଆରମ୍ଭ କରିଛି
ଇଂଲଣ୍ଡ ଏବଂ ୱେଲ୍ସ କ୍ରିକେଟ୍ ବୋର୍ଡ ଘଟଣାର ତଦନ୍ତ ଆରମ୍ଭ କରିଛି। ଏକ ବିବୃତ୍ତିରେ, ବୋର୍ଡ କହିଛି ଯେ ନ୍ୟୁଜିଲାଣ୍ଡ ବିପକ୍ଷ ପ୍ରଥମ ଟେଷ୍ଟ ପରେ ଦଳର ପ୍ରୋଟୋକଲର ସମ୍ଭାବ୍ୟ ଉଲ୍ଲଂଘନର ତଦନ୍ତ କରାଯାଉଛି। ସୋମବାର ସକାଳେ ଯେଉଁ ନାଇଟ୍ କ୍ଲବ୍‌ରେ ଏହି ଘଟଣା ଘଟିଥିଲା ସେଠାରେ
ଷ୍ଟୋକ୍ସ ଏବଂ ଆଟକିନସନ୍ ଉପସ୍ଥିତ ଥିଲେ। ECB କହିଛି ଯେ ଅତିରିକ୍ତ ସୂଚନା ସଂଗ୍ରହ କରାଯାଉଛି ଏବଂ ଉପଯୁକ୍ତ ସମୟରେ ପରବର୍ତ୍ତୀ ନିଷ୍ପତ୍ତି ନିଆଯିବ। କ୍ରିକେଟ୍ ନିୟାମକଙ୍କୁ ମଧ୍ୟ ଘଟଣା ବିଷୟରେ ଅବଗତ କରାଯାଇଛି।

ଏହାସହ ପଢ଼ନ୍ତୁ: ଟିମ ଇଣ୍ଡିଆକୁ ଝଟକା…ଆଫଗାନିସ୍ତାନ ODI ସିରିଜରେ ଖେଳିବେ ନାହିଁ ଏହି ୩ ଷ୍ଟାର ଖେଳାଳି…ବଢ଼ିଲା ସମସ୍ୟା

ଷ୍ଟୋକ୍ସଙ୍କ ସପକ୍ଷରେ ବାହାରିଲେ ଷ୍ଟିଭ୍ ହାର୍ମିସନ୍
ଇଂଲଣ୍ଡର ପୂର୍ବତନ ଦ୍ରୁତ ବୋଲର ଷ୍ଟିଭ୍ ହାର୍ମିସନ୍ ତଥାପି ବେନ୍ ଷ୍ଟୋକ୍ସଙ୍କୁ ସମର୍ଥନ କରିଛନ୍ତି। ଟକସ୍ପୋର୍ଟ ସହିତ କଥାବାର୍ତ୍ତାରେ ସେ କହିଛନ୍ତି ଯେ କୌଣସି ନିଷ୍କର୍ଷ ବାହାର କରିବା ପୂର୍ବରୁ ମାମଲାର ତଥ୍ୟ ପ୍ରକାଶ କରାଯିବା ଉଚିତ। ହାର୍ମିସନ୍ କହିଛନ୍ତି, "ବେନ୍ ଷ୍ଟୋକ୍ସ ଜଣେ ମହାନ ଖେଳାଳି ଏବଂ ଜଣେ ସଚ୍ଚୋଟ ବ୍ୟକ୍ତି। ସମ୍ପୂର୍ଣ୍ଣ ସତ୍ୟ ପ୍ରକାଶିତ ହେଲେ ହିଁ ଏହି ବିଷୟରେ ନିଷ୍ପତ୍ତି ନିଆଯିବ। ଯଦି ସେ ଭୁଲ କରିଛନ୍ତି, ତେବେ ସେ ନିଜେ ଏହାକୁ ବୁଝି ଉପଯୁକ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିବେ।"

ପୂର୍ବ ରେକର୍ଡ ମଧ୍ୟ ବିବାଦୀୟ:
କହିରଖୁଛୁ ଯେ, ବେନ୍ ଷ୍ଟୋକ୍ସଙ୍କ ପାଇଁ ନାଇଟ୍‌ କ୍ଲବ୍ ବିବାଦ ନୂଆ ନୁହେଁ । ଏହାପୂର୍ବରୁ ୨୦୧୭ ମସିହାରେ ବ୍ରିଷ୍ଟଲ୍ ନାଇଟ୍‌ କ୍ଲବ୍ ବାହାରେ ମଧ୍ୟ ସେ ଏଭଳି ଏକ ମାରପିଟ୍ ମାମଲାରେ ଛନ୍ଦି ହୋଇ ଜେଲ୍ ଯିବାରୁ ଅଳ୍ପକେ ବର୍ତ୍ତିଥିଲେ । ଏବେ ପୁଣି ଥରେ ସମାନ ଘଟଣାର ପୁନରାବୃତ୍ତି ତାଙ୍କ କ୍ରିକେଟ୍ କ୍ୟାରିୟର ସେସ କରିଦେବାର ଆଶଙ୍କା ସୃଷ୍ଟି କରିଛି । କ୍ରିକେଟ୍ ପ୍ରେମୀମାନେ ଏବେ ECBର ଚୂଡ଼ାନ୍ତ ନିଷ୍ପତ୍ତିକୁ ଚାହିଁ ରହିଛନ୍ତି ।