ଅର୍ଗସ ବ୍ୟୁରୋ: ଦିନିକିଆ କ୍ରିକେଟ୍ ଇତିହାସରେ 48 ବର୍ଷ ପରେ ରେକର୍ଡ । କୌଣସି ବିଶ୍ୱକପ୍ ମ୍ୟାଚ୍ ରେ ପ୍ରଥମ ବଲ୍ ରେ ୱିକେଟ୍ ନେବାରେ ସଫଳ ହୋଇଥିଲେ ଭାରତୀୟ ଦ୍ରୁତ ବୋଲର ଯଶପ୍ରୀତ ବୁମ୍ ରା । ଶ୍ରୀଲଙ୍କା ବ୍ୟାଟର୍ ପଥୁମ୍ ନିଶଙ୍କାଙ୍କୁ ଏଲବିଡବ୍ଲୁ କରି ସେ ଏହି ବିରଳ ସଫଳତା ହାସଲ କରିଛନ୍ତି । ଷ୍ଟମ୍ପ୍ ରୁ ଷ୍ଟମ୍ପ୍ କୁ ଯାଉଥିବା ବୁମରାଙ୍କ ଲକ୍ଷ୍ୟଭେଦୀ ବଲ୍ ନିଶଙ୍କାଙ୍କ ପ୍ୟାଡ୍ ରେ ବାଜିବା କ୍ଷଣି ଅମ୍ପାୟାର ତାଙ୍କୁ ଆଉଟ୍ ଘୋଷଣା କରିଥିଲେ । ହେଲେ ନିଶଙ୍କା ତୁରନ୍ତ ଏହାର ରିଭ୍ୟୁ ନେଇଥିଲେ । ରିଭ୍ୟୁରୁ ସେ ଆଉଟ୍ ହୋଇଥିବା ସ୍ପଷ୍ଟ ହେବା ପରେ କ୍ରିଜ୍ ଛାଡିଥିଲେ । 

ଶ୍ରୀଲଙ୍କାକୁ ୫୫ରେ ଅଲଆଉଟ୍‌ କଲା ଭାରତ, ସେମି ଫାଇନାଲକୁ ପ୍ରବେଶ କରିଛି ରୋହିତ ସେନା

ଦ୍ୱିତୀୟ ଓଭର୍ ରେ ମହମ୍ମଦ ସିରାଜଙ୍କ ବଲ୍ ରେ ଦିମୁଥ ମଧ୍ୟ ସମାନ ଭାବେ ଏଲବିଡବ୍ଲ୍ୟୁ ହୋଇଥିଲେ । ସେ ମଧ୍ୟ ଅମ୍ପୟାରଙ୍କ ନିଷ୍ପତ୍ତି ବିରୋଧରେ ରିଭ୍ୟୁ ନେଇଥିଲେ । ହେଲେ ବଞ୍ଚି ପାରିନଥିଲେ । ଶ୍ରୀଲଙ୍କା ଗୁରୁବାର ଦୁଇ ଓଭର ଭିତରେ ଦୁଇଟି ରିଭ୍ୟୁ ନେଇଥିଲା । ଦୁଇଟି ୱିକେଟ୍ ହରାଇବାରୁ କିନ୍ତୁ ବର୍ତ୍ତି ପାରିନଥିଲା ।  

ବିଶ୍ୱକପ୍ 33ତମ ମ୍ୟାଚ୍ ରେ ଶ୍ରୀଲଙ୍କା ଶୋଚନୀୟ ପରାଜୟ ବରଣ କରିଛି । ଲଜ୍ଜାଜନକ ଭାବେ ଭାରତଠାରୁ 302 ରନ୍ ର ବୃହତ ବ୍ୟବଧାନରେ ପରାସ୍ତ ହୋଇଛି । ଆଉ ଏହାର ପ୍ରମୁଖ କାରଣ ଭାରତୀୟ ବୋଲରଙ୍କ ତୋଫାନି ବୋଲିଂ ।