ଦୁବାଇରେ ଭାରତ-ପାକିସ୍ତାନ ଏସିଆ କପ ଫାଇନାଲରେ ହାରିସ ରୌଫଙ୍କୁ ଆଉଟ କରିବା ପରେ ଯସପ୍ରୀତ ବୁମରା ‘ପ୍ଲେନ ଡାଉନ’ ପ୍ରତିକ୍ରିୟା ଭାଇରାଲ ହେଉଛି। ଲୋକମାନେ ଏହାକୁ ସୋସିଆଲ ମିଡିଆରେ ପସନ୍ଦ କରୁଛନ୍ତି। କେନ୍ଦ୍ର ମନ୍ତ୍ରୀ କିରନ ରିଜିଜୁ ମଧ୍ୟ ରୌଫଙ୍କ ଅଫ ଷ୍ଟମ୍ପ ଏବଂ ବୁମରାଙ୍କ ଇଙ୍ଗିତର ଏକ ସ୍କ୍ରିନସଟ ଶେୟାର କରିଛନ୍ତି। କିରନ ରିଜିଜୁ ଏହାର କ୍ୟାପସନ ଦେଇଛନ୍ତି, ପାକିସ୍ତାନ ଏହି ଦଣ୍ଡ ପାଇବାକୁ ଯୋଗ୍ୟ। ଗତକାଲି ରାତିରେ ଏସିଆ କପ ଫାଇନାଲରେ ଭାରତ ପାକିସ୍ତାନକୁ ୫ ଉଇକେଟରେ ପରାସ୍ତ କରି ନବମ ଥର ପାଇଁ ଚାମ୍ପିଅନଶିପ ଜିତିଛି। ପାକିସ୍ତାନୀ କ୍ରିକେଟରଙ୍କ ଉତ୍ତେଜକ ଇଙ୍ଗିତ ଏବଂ ଟିମ ଇଣ୍ଡିଆ ପାକିସ୍ତାନୀ ଖେଳାଳିଙ୍କ ସହ ହାତ ମିଳାଇବାକୁ ମନା କରିବା ଯୋଗୁ ଟୁର୍ନାମେଣ୍ଟ ମଧ୍ୟ ବିବାଦରେ ଫସି ଯାଇଥିଲା।

A billion hearts beat as one tonight!

Team India defeats Pakistan to lift the #AsiaCup2025.
From the first ball to the final roar, this journey has been about courage, unity & unmatched brilliance.
This victory is Bharat’s pride, Bharat’s joy, Bharat’s inspiration.… pic.twitter.com/cleRKYc2Vf
— Kiren Rijiju (@KirenRijiju) September 28, 2025

ସୁପର ଫୋର୍‌ ପର୍ଯ୍ୟାୟରେ ଭାରତ-ପାକିସ୍ତାନ ମ୍ୟାଚ ସମୟରେ, ରୌଫ ଭାରତୀୟ ପ୍ରଶଂସକଙ୍କ ପ୍ରତି ‘ପ୍ଲେନ ଡାଉନ’ ଇଙ୍ଗିତ କରିଥିଲେ, ସ୍ପଷ୍ଟ ଭାବରେ ଅପରେଶନ ସିନ୍ଦୂର ସମୟରେ ପାକିସ୍ତାନର ଛଅଟି ଭାରତୀୟ ବିମାନକୁ ଗୁଳି କରି ଖସାଇ ଦେବାର ଭିତ୍ତିହୀନ ଦାବିକୁ ଉଲ୍ଲେଖ କରି। ସେବେଠାରୁ, ଟିମ ଇଣ୍ଡିଆ ଏହାର ସୁଯୋଗ ଅପେକ୍ଷାରେ ଥିଲା, ଏବଂ ସେହି ସୁଯୋଗ ଗତକାଲି ରାତିରେ ଆସିଥିଲା। ବୁମରାଙ୍କ ଦ୍ରୁତ ବଲ୍‌ ରୌଫଙ୍କ ଅଫ ଷ୍ଟମ୍ପକୁ ଉପାଡ଼ି ଦେଇଥିଲା। ଭାରତୀୟ ଦ୍ରୁତ ବୋଲର ତା’ପରେ ରୌଫଙ୍କୁ ତାଙ୍କ ନିଜସ୍ବ ଶୈଳୀରେ ଜବାବ ଦେଲେ।

ଟ୍ରଫି ନେଇଗଲେ ପାକିସ୍ତାନ ମନ୍ତ୍ରୀ, ଅଦୃଶ୍ୟ ଟ୍ରଫି ସହ ସୂର୍ଯ୍ୟକୁମାର କଲେ ସେଲିବ୍ରେସନ୍

ଏହି ରୋମାଞ୍ଚକର ମ୍ୟାଚ୍‌ରେ ଭାରତର ବିଜୟ ପରେ, ପୁରସ୍କାର ପ୍ରଦାନ ଉତ୍ସବରେ ଏକ ବଡ଼ ଘଟଣା ଘଟିଲା। ଟିମ ଇଣ୍ଡିଆ ଏସୀୟ କ୍ରିକେଟ ପରିଷଦ ମୁଖ୍ୟ ଏବଂ ପାକିସ୍ତାନୀ ମନ୍ତ୍ରୀ ମୋହସିନ ନକଭିଙ୍କଠାରୁ ଟ୍ରଫି ଗ୍ରହଣ କରିବାକୁ ମନା କରିଦେଲା। ଫଳସ୍ବରୂପ, ନକଭି ମଞ୍ଚ ଛାଡ଼ି ଚାଲିଗଲେ ଏବଂ ଭାରତୀୟ ଦଳ ଟ୍ରଫି ଗ୍ରହଣ ନକରି ଉତ୍ସବ ପାଳନ କଲା।

ମ୍ୟାନ ଅଫ୍ ଦ ମ୍ୟାଚ୍ ହେବା ପରେ ତିଲକ କ’ଣ ନେଲେ ?

ଭାରତର ପ୍ରଭାବଶାଳୀ ବିଜୟରେ, ରାଷ୍ଟ୍ରପତି, ପ୍ରଧାନମନ୍ତ୍ରୀ ମୋଦି, ସ୍ବରାଷ୍ଟ୍ରମନ୍ତ୍ରୀ ଅମିତ ଶାହ, ବୈଦେଶିକ ମନ୍ତ୍ରୀ ଏବଂ ଅନେକ ରାଜ୍ୟର ମୁଖ୍ୟମନ୍ତ୍ରୀମାନେ ମଧ୍ୟ ସୋସିଆଲ ମିଡିଆରେ ଟିମ ଇଣ୍ଡିଆକୁ ଅଭିନନ୍ଦନ ଜଣାଇ ପୋଷ୍ଟ କରିଥିଲେ। ଏସିଆ କପ୍-୨୦୨୫ ଫାଇନାଲରେ ପାକିସ୍ତାନକୁ ହରାଇଲା ଭାରତ । ତିଲକ ବର୍ମାଙ୍କ ଦମଦାର ଅର୍ଦ୍ଧଶତକ ବଳରେ ଭାରତ ୫ ଓ୍ବିକେଟରେ ପାକିସ୍ତାନକୁ ପରାସ୍ତ କରିଥିଲା । ଏହି ବିଜୟ ସହ ଭାରତ ନବମ ଥର ପାଇଁ ଏସିଆ କପ୍ ଟାଇଟଲ ଜିତିଥିଲା। ଟିମ୍ ଇଣ୍ଡିଆର ଟାଇଟଲ ବିଜୟ ପରେ, ପୋଷ୍ଟ ମ୍ୟାଚ୍ ପ୍ରେଜେଣ୍ଟେସନର ବହୁ ନାଟକ ଦେଖିବାକୁ ମିଳିଥିଲା । ଏସିଆ କପ୍ ଜିତିବା ପରେ ଟିମ୍ ଇଣ୍ଡିଆ ACC ମୁଖ୍ୟ ଏବଂ ପିସିବି ଅଧ୍ୟକ୍ଷ ମୋହସିନ ନକଭିଙ୍କଠାରୁ ଟ୍ରଫି ଗ୍ରହଣ କରିବାକୁ ସିଧାସଳଖ ମନା କରିଦେଇଥିଲା । ତେବେ ଏନେଇ ବିସିସିଆଇ ସଚିବ ପ୍ରତିକ୍ରିୟା ଦେଇଛନ୍ତି ।

Argus News | argus news | Odisha Latest News, Breaking News, Trending News, Live TV