ଭାରତୀୟ ଅଲରାଉଣ୍ଡର ଶିବମ ଦୁବେ ଆଜି ତାଙ୍କର ୩୩ତମ ଜନ୍ମଦିନ ପାଳନ କରୁଛନ୍ତି। ସେ ବର୍ତ୍ତମାନ ଆୟରଲ୍ୟାଣ୍ଡରେ ଟିମ୍ ଇଣ୍ଡିଆ ସହିତ ଅଛନ୍ତି। ତାଙ୍କ ଜନ୍ମଦିନ ଅବସରରେ ତାଙ୍କ ପତ୍ନୀ ଅଞ୍ଜୁମ ଖାନ ସୋସିଆଲ ମିଡିଆରେ କିଛି ଫଟୋ ସେୟାର କରି ତାଙ୍କୁ ଏକ ସୁନ୍ଦର ନୋଟ୍ ସହିତ ଶୁଭକାମନା ଜଣାଇଛନ୍ତି। ସେ ଶିବମଙ୍କ ମଙ୍ଗଳ ଏବଂ କ୍ୟାରିୟର ସଫଳତା ପାଇଁ ଆଲ୍ଲାହଙ୍କ ନିକଟରେ ପ୍ରାର୍ଥନା କରିଛନ୍ତି। ଏକ ପୋଷ୍ଟରେ, ସେ ତାଙ୍କ ଜୀବନର କିଛି ଶ୍ରେଷ୍ଠ ମୁହୂର୍ତ୍ତକୁ କଏଦ କରିଥିବା ଅନେକ ଭିଡିଓ ସେୟାର କରିଛନ୍ତି।

ଏହାସହ ପଢ଼ନ୍ତୁ: ଟିମ ଇଣ୍ଡିଆର ଏହି ଷ୍ଟାର କ୍ରିକେଟର ଧୁମଧାମରେ ବିବାହ କଲେ…ଅକ୍ଷିତା ରାଜଙ୍କ ସହ ନେଲେ ସାତଫେରା

ଗୋଟିଏ ପୋଷ୍ଟରେ ଅନେକ ଭିଡିଓ ସେୟାର କରି ସେ ଲେଖିଛନ୍ତି, "ଜନ୍ମଦିନର ଶୁଭେଚ୍ଛା, ମୋର ପ୍ରେମ। ଆଲ୍ଲାହ ତୁମକୁ ଅପାର ସଫଳତା ପ୍ରଦାନ କରନ୍ତୁ ଏବଂ ତୁମକୁ ଶିଖରକୁ ନିଅନ୍ତୁ। ତୁମର କ୍ୟାରିୟର ସମୃଦ୍ଧ ହେଉ ଏବଂ ତୁମେ ଜୀବନର ସମସ୍ତ ଖୁସି ପାଇବ। ଆଲ୍ଲାହ ତୁମକୁ ସମସ୍ତ ମନ୍ଦରୁ ରକ୍ଷା କରନ୍ତୁ ଏବଂ ତୁମକୁ ସର୍ବଦା ସୁରକ୍ଷିତ ରଖନ୍ତୁ।"

ସେ ଆହୁରି ଲେଖିଛନ୍ତି, "ଆଲ୍ଲାହ ତୁମର ଜୀବନକୁ ଶାନ୍ତି ଏବଂ ଖୁସିରେ ପରିପୂର୍ଣ୍ଣ କରନ୍ତୁ। ତୁମର ସମସ୍ତ ସ୍ୱପ୍ନ ସତ ହେଉ, ଏବଂ ତୁମର ଜୀବନ ସର୍ବଦା ପ୍ରେମ, ହସ ଏବଂ ସୁନ୍ଦର ମୁହୂର୍ତ୍ତରେ ପରିପୂର୍ଣ୍ଣ ହେଉ। ତୁମର ଭବିଷ୍ୟତ ଜୀବନ ଅନେକ ଆନନ୍ଦ ଏବଂ ଆଶୀର୍ବାଦରେ ପରିପୂର୍ଣ୍ଣ ହେଉ। ଆମେନ୍।" ଶିବମ ଦୁବେ ମଧ୍ୟ ଏଥିରେ ମନ୍ତବ୍ୟ ଦେଇଛନ୍ତି। ମୁଁ ଅନ୍ୟ ଧର୍ମର ହେଲେ ବି ଆମ ଦୁହିଁଙ୍କ ମଧ୍ୟରେ ଗଭୀର ଭଲ ପାଇବା ଆଉ ସମ୍ମାନ ରହିଛି। ସେ ମୋ ଧର୍ମକୁ ଆଉ ମୁଁ ତାଙ୍କ ଧର୍ମକୁ ଉଭୟ ସମ୍ମାନ କରୁ।

• ଶିବମ୍ ଦୁବେ ତାଙ୍କର କୃତଜ୍ଞତା ପ୍ରକାଶ କରିଛନ୍ତି

ଶିବମ୍ ଦୁବେ ଅଞ୍ଜୁମ୍ ଖାନଙ୍କ ମଧୁର ପୋଷ୍ଟରେ ମନ୍ତବ୍ୟ ଦେଇଛନ୍ତି, ତାଙ୍କୁ ଧନ୍ୟବାଦ ଜଣାଇଛନ୍ତି। ସେ ଲେଖିଛନ୍ତି, "ତୁମକୁ ବହୁତ ଧନ୍ୟବାଦ, my forever love ଅଞ୍ଜୁମ୍ ଖାନ।" ଶିବମ୍ ବର୍ତ୍ତମାନ ଆୟର୍ଲାଣ୍ଡରେ ଅଛନ୍ତି, ଟି-୨୦ ଦଳର ଅଂଶ। ତା'ପରେ ସେ ଭାରତ ଏବଂ ଇଂଲଣ୍ଡ ମଧ୍ୟରେ ପାଞ୍ଚ ମ୍ୟାଚ୍ ବିଶିଷ୍ଟ ଟି-୨୦ ସିରିଜ ପାଇଁ ଇଂଲଣ୍ଡ ଯାତ୍ରା କରିବେ। ଟି-୨୦ ପରେ ସେ ଭାରତ ଫେରିବେ। ସେ ଏକଦିବସୀୟ ସିରିଜର ଅଂଶ ନୁହଁନ୍ତି।

• ଶିବମଙ୍କ ଲଭଷ୍ଟୋରୀ ବିଷୟରେ ଜାଣିଛନ୍ତି କି?

କୁହାଯାଏ ଯେ ଯଦି ଆପଣ କାହାକୁ ଗଭୀର ଭାବରେ ଭଲ ପାଆନ୍ତି, ତେବେ ପୂରା ବ୍ରହ୍ମାଣ୍ଡ ଆପଣଙ୍କୁ ମିଶାଇବ। ଆପଣ ଅନେକ ଭାରତୀୟ କ୍ରିକେଟରଙ୍କ ପ୍ରେମ କାହାଣୀ ପଢ଼ିଥିବେ କିମ୍ବା ଶୁଣିଥିବେ, କିନ୍ତୁ ଶିବମ ଦୁବେ ତାଙ୍କଠାରୁ ଛଅ ବର୍ଷ ବଡ଼ ଝିଅକୁ ପ୍ରେମ କରିଥିଲେ ଏବଂ ତା'ପରେ ତାଙ୍କୁ ନିଜର ଜୀବନସାଥୀ କରିଥିଲେ। ଆଉ ଏକ ଗୁରୁତ୍ୱପୂର୍ଣ୍ଣ କଥା ହେଉଛି ତାଙ୍କ ସ୍ତ୍ରୀ ମୁସଲିମ ଧର୍ମର। ଏହି ଯାତ୍ରା ସହଜ ନଥିଲା। ଅନେକ ଅସୁବିଧା ଥିଲା, କିନ୍ତୁ ଏହି କ୍ରିକେଟର ପ୍ରେମକୁ ପାଇବା ପାଇଁ ଧର୍ମର ବାଧା ପାର କରିବାକୁ ପଛାଇ ନଥିଲେ। ସେମାନଙ୍କ ପ୍ରେମ କାହାଣୀ କୌଣସି ଫିଲ୍ମ କାହାଣୀଠାରୁ କମ୍ ନୁହେଁ। ଉଭୟଙ୍କର ୨ଟି ସନ୍ତାନ ଥିବାବେଳେ ଉଭୟ ଦମ୍ପତି ଖୁସିରେ ଅଛନ୍ତି।