ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ଏବଂ ପଞ୍ଜାବ କିଙ୍ଗସର ଫାଇନାଲ ମ୍ୟାଚରେ ଅନେକ ବଡ ବଡ ବ୍ୟକ୍ତିତ୍ୱ ପହଞ୍ଚିଛନ୍ତି। ପୂର୍ବତନ ବ୍ରିଟିଶ ପ୍ରଧାନମନ୍ତ୍ରୀ ଋଷି ସୁନକ୍ ମଧ୍ୟ IPL୨୦୨୫ର ଫାଇନାଲ ମ୍ୟାଚ ଦେଖିବାକୁ ଭାରତ ଆସିଛନ୍ତି। ତାଙ୍କ ସହିତ ତାଙ୍କ ପତ୍ନୀ ଅକ୍ଷତା ମୂର୍ତ୍ତି ମଧ୍ୟ ମ୍ୟାଚ ଦେଖିବାକୁ ଅହମ୍ମଦାବାଦର ନରେନ୍ଦ୍ର ମୋଦି ଷ୍ଟାଡିୟମରେ ପହଞ୍ଚିଛନ୍ତି। ପୂର୍ବତନ ପ୍ରଧାନମନ୍ତ୍ରୀ ଋଷି ସୁନକ୍ ମଧ୍ୟ ଅହମ୍ମଦାବାଦର ଷ୍ଟାଡିୟମରୁ ତାଙ୍କ ପତ୍ନୀଙ୍କ ସହ ଏକ ଫଟୋ ସୋସିଆଲ ମିଡିଆରେ ସେୟାର କରିଛନ୍ତି।

କାରଣ ଋଷି ହେଉଛନ୍ତି ବିରାଟ କୋହଲିଙ୍କ ବଡ଼ ଫ୍ୟାନ। IPLର ଫାଇନାଲ ମ୍ୟାଚରେ ବଲିଉଡ ଷ୍ଟାରମାନେ ମଧ୍ୟ ଦେଖାଯାଉଛନ୍ତି। ବିରାଟ କୋହଲିଙ୍କ ପତ୍ନୀ ତଥା ବଲିଉଡ ଅଭିନେତ୍ରୀ ଅନୁଷ୍କା ଶର୍ମା ମଧ୍ୟ ଏହି ମ୍ୟାଚ ଦେଖିବାକୁ ପହଞ୍ଚିଛନ୍ତି। ଅନୁଷ୍କା ପ୍ରାୟତଃ ବିରାଟ କୋହଲିଙ୍କୁ ସମର୍ଥନ କରିବା ପାଇଁ ପଡ଼ିଆରେ ଦେଖାଯାଆନ୍ତି। ସେହି ସମୟରେ, ପଞ୍ଜାବ କିଙ୍ଗସର ମାଲିକାଣୀ ପ୍ରୀତି ଜିଣ୍ଟା ମଧ୍ୟ ଷ୍ଟାଡିୟମରେ ଅଛନ୍ତି। ପ୍ରୀତି ଜିଣ୍ଟାଙ୍କୁ ପଞ୍ଜାବର ସମସ୍ତ ମ୍ୟାଚରେ ଦଳ ସହିତ ଠିଆ ହୋଇଥିବାର ଦେଖାଯାଇଛି।