ଆଉ ଏହି ଖବର ଏବେ ଇଣ୍ଟରନେଟରେ ଭାଇରାଲ ହେବାରେ ଲାଗିଛି। କିନ୍ତୁ ସମସ୍ତେ ପୂର୍ବରୁ ଜାଣିଛନ୍ତି କି, ଗମ୍ଭୀରଙ୍କ ସହ ରୋ-କୋଙ୍କର ସମ୍ପର୍କ ଭଲ ନାହିଁ। ବର୍ମିଂହାମରେ ଏଜବାଷ୍ଟନରେ ଖେଳାଯାଉଛି ପ୍ରଥମ ଦିନିକିଆ ମ୍ୟାଚ୍ । ଏହା ପୂର୍ବରୁ ପ୍ରାକ୍ଟିସ୍ ସେସନରେ ଟିମ୍ ଇଣ୍ଡିଆ ସହିତ ଏକ ବଡ଼ ବିବାଦ ସାମ୍ନାକୁ ଆସିଛି । ମୁଖ୍ୟ କୋଚ୍ ଗୌତମ ଗମ୍ଭୀର ଏବଂ କିଙ୍ଗ କୋହଲି ପରସ୍ପର ସହ ଜୋରଦାର ଝଗଡ଼ା ହୋଇଥିବା ଦେଖିବାକୁ ମିଳିଛି। ରିପୋର୍ଟ ହୋଇଛି ଯେ, ବିରାଟ କୋହଲି ଏବଂ ଗୌତମ ଗମ୍ଭୀର କଥାବାର୍ତ୍ତା କରୁନାହାଁନ୍ତି । ଟିମ୍ ଇଣ୍ଡିଆର ଅଭ୍ୟାସ ଅଧିବେଶନ ସମୟରେ ଗମ୍ଭୀର ସମସ୍ତ ବରିଷ୍ଠ ଖେଳାଳିଙ୍କ ସହ କଥା ହୋଇଥିଲେ ମଧ୍ୟ, ବିରାଟଙ୍କ ସହ ତାଙ୍କର ଆଲୋଚନାର କୌଣସି ଫୁଟେଜ୍ ମିଳିନାହିଁ ।

ଇଂଲଣ୍ଡ ବିପକ୍ଷ ପ୍ରଥମ ଦିନିକିଆ ପାଇଁ ଟିମ୍ ଇଣ୍ଡିଆ ଏଜବାଷ୍ଟନରେ ଅଭ୍ୟାସ କରିଛି । ଅଭ୍ୟାସ ସେସନରେ କିଛି ଏପରି ଘଟିଥିଲା, ଯାହା ଏବେ ଏକ ନୂଆ ବିବାଦ ସୃଷ୍ଟି କରିଛି । ପ୍ରଶ୍ନ ହେଉଛି, ଟିମ୍ ଇଣ୍ଡିଆ ଭିତରେ ସବୁକିଛି ଠିକ୍ ନାହିଁ କି ? କାରଣ ଯଦି ଏପରି ହୋଇଥାନ୍ତା, ତେବେ ମୁଖ୍ୟ କୋଚ ଗୌତମ ଗମ୍ଭୀର ଏବଂ ବିରାଟ କୋହଲି କଥାବାର୍ତ୍ତା ନକରିବା ଅସମ୍ଭବ । ଟାଇମ୍ସ ନାଓ ରିପୋର୍ଟ ଅନୁଯାୟୀ, ବର୍ମିଂହାମରେ ଅଭ୍ୟାସ ସେସନ୍ ସମୟରେ ଗମ୍ଭୀର ଏବଂ ବିରାଟ କଥାବାର୍ତ୍ତା ହୋଇନଥିଲେ ।

ରିପୋର୍ଟ ଅନୁସାରେ, ଏଜବାଷ୍ଟନରେ ଅଭ୍ୟାସ ଅଧିବେଶନ ସମୟରେ ଗମ୍ଭୀର ଦଳର ପ୍ରାୟ ସମସ୍ତ ବରିଷ୍ଠ ଖେଳାଳିଙ୍କ ସହ କଥା ହୋଇଥିଲେ, ଯେଉଁଥିରେ ରୋହିତ ଶର୍ମା, ଶୁଭମନ ଗିଲ ଏବଂ କେଏଲ ରାହୁଲ ମଧ୍ୟ ସାମିଲ ଥିଲେ । ଏହା ବିସିସିଆ ସେୟାର କରିଥିବା ଭିଡ଼ିଓ ଏବଂ ଫଟୋରେ ମଧ୍ୟ ଦେଖବାକୁ ମିଳିଛି । ବିରାଟ କୋହଲିଙ୍କ ସହ ଗମ୍ଭୀରଙ୍କ କଥାବାର୍ତ୍ତୀର କୌଣସି ଠୋସ୍ ପ୍ରମାଣ ମିଳିନାହିଁ । ରିପୋର୍ଟ ଅନୁସାରେ, ଟିମ୍ ଇଣ୍ଡିଆର ବ୍ୟାଟିଂ ପ୍ରଶିକ୍ଷକ ସୀତାଂଶୁ କୋଟାକଙ୍କୁ ମଧ୍ୟ ବିରାଟ କୋହଲି ଏବଂ ଗୌତମ ଗମ୍ଭୀରଙ୍କ ସହ ନେଟ୍ ଅଭ୍ୟାସ ବିଷୟରେ ପୃଥକ ଭାବରେ ଆଲୋଚନା କରୁଥିବାର ଦେଖିବାକୁ ମିଳିଥିଲା । ଭାରତୀୟ ଶିବିରରୁ ଏପରି ଚିତ୍ରଗୁଡ଼ିକ ଦିନିକିଆ ସିରିଜ ପୂର୍ବରୁ ଟିମ୍ ଇଣ୍ଡିଆ ଭିତରେ ଥିବା ଫାଟକୁ ପଦାରେ ପକେଇଛି ।

ବିରାଟ କୋହଲି ଏବଂ ଗୌତମ ଗମ୍ଭୀରଙ୍କ ସମ୍ପର୍କ ପୂର୍ବରୁ ତିକ୍ତ ହୋଇସାରିଛି । ଆଇପିଏଲ ସମୟରେ ଉଭୟଙ୍କ ମଧ୍ୟରେ ହୋଇଥିବା ଝଗଡ଼ାର ଫଟୋ ଖବରର ହେଡଲାଇନ୍ସ ପାଲଟିଥିଲା । ପରିସ୍ଥିତି ସ୍ୱାଭାବିକ ହୋଇସାରିଥିବା ରିପୋର୍ଟ ଆସିଥିଲା । କିନ୍ତୁ ଏବେ ବି ଗମ୍ଭୀର ଏବଂ ବିରାଟଙ୍କ ମଧ୍ୟରେ ଫାଟ ଏପର୍ଯ୍ୟନ୍ତ ସୁଧୁରି ନଥିବା ପରି ମନେ ହେଉଛି । ଏଜବାଷ୍ଟନରୁ ଟାଇମ୍ସ ନାଓ ରିପୋର୍ଟରେ ସେମାନଙ୍କ ମଧ୍ୟରେ କଥାବାର୍ତ୍ତା ବନ୍ଦ ହୋଇଥିବା ଘଟଣା ସମ୍ନାକୁ ଆସିଛି । କୁହାଯାଉଛି କି, ଗମ୍ଭୀର ଏବଂ ବିରାଟ ବହୁତ ଦିନ ଧରି କଥାବାର୍ତ୍ତା ହେଉନାହାନ୍ତି । କାରଣ ବିରାଟ କେବେବି ଗମ୍ଭୀରଙ୍କୁ କୋଚ ହିସାବରେ ଗ୍ରହଣ କରି ନାହାନ୍ତି।