ହାର୍ଦ୍ଦିକ ପାଣ୍ଡ୍ୟା ବର୍ତ୍ତମାନ ୨୦୨୬ ଟି୨୦ ବିଶ୍ୱକପରେ ଟିମ୍ ଇଣ୍ଡିଆ ପାଇଁ ଖେଳୁଛନ୍ତି। ଏହି ଭାରତୀୟ ଅଲରାଉଣ୍ଡର କେବଳ ତାଙ୍କ କ୍ରୀଡା କ୍ୟାରିୟର ପାଇଁ ନୁହେଁ, ବରଂ ତାଙ୍କ ପ୍ରେମ ଜୀବନ ପାଇଁ ପ୍ରାୟତଃ ଚର୍ଚ୍ଚାରେ ରହିଥାନ୍ତି। ପତ୍ନୀ ନତାଶାଙ୍କଠାରୁ ଅଲଗା ହେବା ପରେ, ହାର୍ଦ୍ଦିକଙ୍କ ନାଁ ଅନେକ ମହିଳାଙ୍କ ସହ ଯୋଡା ଯାଇଛି। ସେ ବର୍ତ୍ତମାନ ମାହିକା ଶର୍ମାଙ୍କୁ ଡେଟ୍ କରୁଥିବାର ଖବର ଆସିଛି। ଭାରତୀୟ ଅଲରାଉଣ୍ଡରଙ୍କ ପ୍ରେମ ଜୀବନ ବିଷୟରେ ଆଲୋଚନା କରିବା ସମୟରେ, ପୂର୍ବତନ ଟିମ୍ ଇଣ୍ଡିଆ ଦ୍ରୁତ ବୋଲର ଆଶିଷ ନେହେରା ଖୋଲାଖୋଲି ଭାବରେ ତାଙ୍କୁ ଥଟ୍ଟା କରିଛନ୍ତି। ନେହେରା ହାର୍ଦ୍ଦିକଙ୍କୁ ନେଇ ଏକ ମଜାଳିଆ ଢଙ୍ଗରେ ଉତ୍ତର ଦେଇଛନ୍ତି ସେ କହିଛନ୍ତି ଯେ, ହାର୍ଦ୍ଦିକ ତାଙ୍କ ପାରୋ ବଦଳାନ୍ତି। ନେହେରା ଆଉ ମଧ୍ୟ କହିଛନ୍ତି ଯେ, ସେ କେବେ ଦେବଦାସ ହେବେନି। ତେଣୁ, ଆସନ୍ତୁ ଜାଣିବା ଆଶିଷ କାହିଁକି ଏବଂ କେବେ ଏହା କହିଥିଲେ?

ହାର୍ଦ୍ଦିକ ପାଣ୍ଡ୍ୟାଙ୍କ ଉପରେ ଆଶିଷ ନେହେରାଙ୍କ ବାଉନ୍ସର
ପ୍ରକୃତରେ, ଆଶିଷ ନେହେରା ନିକଟରେ ତାଙ୍କ ପତ୍ନୀ ରୁଷ୍ମା ନେହେରାଙ୍କ ସହିତ ହରଭଜନ ସିଂହ ଏବଂ ତାଙ୍କ ପତ୍ନୀ ଗୀତା ବାସରାଙ୍କ ପୋଡକାଷ୍ଟ, 'ହୁ ଇଜ୍ ଦି ବସ୍?' ରେ ଅତିଥି ହୋଇ ଆସିଥିଲେ। ସାକ୍ଷାତକାର ସମୟରେ ଆଶିଷ ନେହେରାଙ୍କୁ ଏକ ପ୍ରଶ୍ନ ପଚରାଯାଇଥିଲା, ଏବଂ ଉତ୍ତରରେ ସେ ହାର୍ଦ୍ଦିକ ପାଣ୍ଡ୍ୟାଙ୍କ ନାମ କହିଥିଲେ।

ଦେବଦାସ ଫିଲ୍ମ ବିଷୟରେ ଆଲୋଚନା ହୋଇଥିଲା, କିନ୍ତୁ ହାର୍ଦ୍ଦିକଙ୍କ ନାମ କାହିଁକି ଆସିଲା?
ପଡକାଷ୍ଟ ସମୟରେ ଏକ ଖେଳ ଖେଳାଯାଉଥିଲା। ଏହି ଖେଳରେ କ୍ରିକେଟରମାନଙ୍କୁ ଫିଲ୍ମର ନାମ ସହିତ ଯୋଡାଯାଉଥିଲା। 'ଦେବଦାସ' ନାମ ଉଲ୍ଲେଖ ହେବା ମାତ୍ରେ ହରଭଜନ ସିଂହ ହାର୍ଦ୍ଦିକ ପାଣ୍ଡ୍ୟାଙ୍କ ନାମ ଉଲ୍ଲେଖ କରିଥିଲେ। ଆଶିଷ ନେହେରା ହାର୍ଦ୍ଦିକଙ୍କ ନାମ ସହିତ ଅସହମତ ମନେ ହେଉଥିଲେ। ସେ ହାର୍ଦ୍ଦିକଙ୍କ ବିଷୟରେ ମଜାରେ କହିଥିଲେ, "ମୁଁ ଶୁଣିଲି ସେ ପ୍ରତିଦିନ ତାଙ୍କ ପାରୋ ବଦଳାନ୍ତି। ସେ ଜମା ଦର୍ଦଭରା ରୋମିଓ ନୁହନ୍ତି। 

୨୦୨୪ ମସିହାରେ ପତ୍ନୀଙ୍କୁ ଦେଇଥିଲେ ଛାଡ଼ପତ୍ର
ଭାରତର ଷ୍ଟାର ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା ୨୦୨୪ ମସିହାରେ ପତ୍ନୀ ନତାଶା ଷ୍ଟାନକୋଭିକଙ୍କ ଠାରୁ ଅଲଗା ହୋଇଥିଲେ। ହାର୍ଦ୍ଦିକ ଏବଂ ନତାଶା ସୋସିଆଲ ମିଡିଆରେ ଏକ ପୋଷ୍ଟ ଶେୟାର କରିଥିଲେ ଆଉ ଲେଖିଥିଲେ ଯେ, ଆମେ ଉଭୟଙ୍କ ସହମତିରେ ଅଲଗା ହୋଇଛୁ।

ହାର୍ଦ୍ଦିକଙ୍କ ମାହିକା ଶର୍ମାଙ୍କ ସହ ସମ୍ପର୍କ
ତାଙ୍କ ପତ୍ନୀଙ୍କଠାରୁ ଅଲଗା ହେବା ପରେ, ହାର୍ଦ୍ଦିକ ମାହିକା ଶର୍ମାଙ୍କ ସହ ସମ୍ପର୍କ ଆରମ୍ଭ କରିଥିଲେ। ଦୁହେଁ ପ୍ରାୟତଃ ଏକାଠି ଦେଖାଯାଉଛନ୍ତି। ସେ ତାଙ୍କ ସହିତ ଟୁରରେ ମଧ୍ୟ ଯାଉଥିବାର ପ୍ରାୟତଃ ଦେଖିବାକୁ ମିଳୁଛି। କିନ୍ତୁ ୟାଙ୍କ ସହିତ ସାରା ଜୀବନ ରହିବେ କି ନାହିଁ ତା'ର ଗ୍ୟାରେଣ୍ଟି ମୁଁ ଦେଇପାରିବି ନାହିଁ।