ଚର୍ଚ୍ଚାରେ ହାର୍ଦ୍ଦିକ ପାଣ୍ଡ୍ୟା। ନୂଆ ଲୁକରେ ନଜର ଆସିଲେ ପାଣ୍ଡ୍ୟା। ଯାହାକୁ ନେଇ ସୋସିଆଲ ମିଡିଆରେ ହଇଚଇ। ଏସିଆ କପ୍ ୨୦୨୫ ଆରମ୍ଭ ହେବାକୁ ଆଉ ବେଶୀ ଦିନ ବାକି ନାହିଁ। ଯେଉଁଥିରେ ଟୁର୍ଣ୍ଣାମେଣ୍ଟ ସେପ୍ଟେମ୍ବର ୯ରୁ ଆରମ୍ଭ ହେବ। ଏହାରି ଭିତରେ ଟିମ୍ ଇଣ୍ଡିଆର ଷ୍ଟାର ଅଲରାଉଣ୍ଡର ଖେଳାଳି ହାର୍ଦ୍ଦିକ ପାଣ୍ଡ୍ୟା ସୋସିଆଲ ମିଡିଆ ପ୍ଲାଟଫର୍ମ ଇନଷ୍ଟାଗ୍ରାମରେ ଏକ ଫଟୋ ପୋଷ୍ଟ କରି ପ୍ରଶଂସକମାନଙ୍କୁ ଚମକାଇ ଦେଇଛନ୍ତି।ପାଣ୍ଡ୍ୟା ତାଙ୍କର ନୂଆ ଲୁକକୁ ଦର୍ଶକଙ୍କୁ ସୂଚନା ଦେଇଛନ୍ତି। ଯେଉଁଥିରେ ସେ ତାଙ୍କ ଚୁଟିକୁ ରଙ୍ଗ କରିଛନ୍ତି।

ହାର୍ଦ୍ଦିକ ପାଣ୍ଡ୍ୟା ତାଙ୍କ କେଶରେ ଯେଉଁ ରଙ୍ଗ କରିଛନ୍ତି ତାହା ଧୂସର ରଙ୍ଗ ଭଳି ଦେଖାଯାଉଛି। ହାର୍ଦ୍ଦିକ ପାଣ୍ଡ୍ୟାଙ୍କ ଏହି ନୂଆ ଲୁକ୍ ତାଙ୍କ ପ୍ରଶଂସକମାନଙ୍କୁ ଆଶ୍ଚର୍ଯ୍ୟ କରିଦେଇଛି। ଯେଉଁଥିରେ ସେ ତାଙ୍କ ନୂଆ ଲୁକ୍ ସହିତ ଅନେକ ଭିନ୍ନ ଭିନ୍ନ ପୋଜ୍ ରେ ମଧ୍ୟ ଫଟୋ ଉଠାଇ ସେୟାର କରିଛନ୍ତି। ଭାରତୀୟ ଦଳ ଟୁର୍ଣ୍ଣାମେଣ୍ଟରେ ପ୍ରଥମ ମ୍ୟାଚ୍ ୧୦ ସେପ୍ଟେମ୍ବରରେ ଦୁବାଇ ଗ୍ରାଉଣ୍ଡରେ UAE ଦଳ ବିପକ୍ଷରେ ଖେଳିବ।ଏଥିପାଇଁ ଟିମ୍ ଇଣ୍ଡିଆର ଦଳ ଦୁବାଇରେ ପହଞ୍ଚି ସାରିଛି, ଯେଉଁଥିରେ ପ୍ରଥମ ଅଭ୍ୟାସ ମ୍ୟାଚ୍ 5 ସେପ୍ଟେମ୍ବରରେ ଅର୍ଥାତ୍ ଆଜି ICC ଏକାଡେମୀରେ ଅନୁଷ୍ଠିତ ହେବ।