ଚାମ୍ପିୟନ୍ସ ଟ୍ରଫି ପରେ ରାଙ୍କିଙ୍ଗ୍ ପ୍ରକାଶ କଲା ICC
ICC ବୁଧବାର ଅପଡେଟ୍ ର଼୍ୟାଙ୍କିଙ୍ଗ୍ ପ୍ରକାଶ କରିଛି। ଚାମ୍ପିୟନ୍ସ ଟ୍ରଫି ଫାଇନାଲରେ ୭୬ ରନର ଏକ ମ୍ୟାଚ ବିଜୟୀ ଇନିଂସ ଖେଳିଥିବା ଭାରତୀୟ ଅଧିନାୟକ ରୋହିତ ଶର୍ମାଙ୍କୁ ର଼୍ୟାଙ୍କିଙ୍ଗ୍ରେ ଲାଭ ମିଳିଛି। ସେ ତୃତୀୟ ସ୍ଥାନରେ ପହଞ୍ଚିଛନ୍ତି। ଶୁବମନ ଗିଲ ତାଙ୍କର ଶୀର୍ଷ ସ୍ଥାନ ବଜାୟ ରଖିଛନ୍ତି। ତଥାପି, ବିରାଟ କୋହଲିଙ୍କ ର଼୍ୟାଙ୍କିଙ୍ଗ୍ରେ କ୍ଷତି ହୋଇଛି। ସ୍ପିନ ବୋଲର କୁଲଦୀପ ଯାଦବ ଏବଂ ରବିନ୍ଦ୍ର ଜାଡେଜା ମଧ୍ୟ ଶ୍ରେଷ୍ଠ ୧୦ ବୋଲରଙ୍କ ମଧ୍ୟରେ ସାମିଲ ହୋଇଛନ୍ତି। ଶୁଭମନ ଗିଲ ୭୮୪ ରେଟିଂ ପଏଣ୍ଟ ସହିତ ତାଙ୍କର ଶୀର୍ଷ ସ୍ଥାନ ବଜାୟ ରଖିଛନ୍ତି। ପାକିସ୍ତାନୀ ବ୍ୟାଟସମ୍ୟାନ ବାବର ଆଜମ ୭୭୦ ରେଟିଂ ପଏଣ୍ଟ ସହିତ ଦ୍ୱିତୀୟ ସ୍ଥାନରେ ଅଛନ୍ତି।
ରୋହିତ ଶର୍ମା ଦୁଇଟି ସ୍ଥାନ ଉପରକୁ ଉଠି ପଞ୍ଚମ ସ୍ଥାନରୁ ତୃତୀୟ ସ୍ଥାନକୁ ଯାଇଛନ୍ତି। ତାଙ୍କୁ ଫାଇନାଲରେ ୭୬ ରନର ଇନିଂସ ଖେଳିବାର ଲାଭ ମିଳିଥିଲା। ଏହି ଇନିଂସ ପାଇଁ, ସେ ଫାଇନାଲରେ ପ୍ଲେୟାର ଅଫ ଦି ମ୍ୟାଚ ପୁରସ୍କାର ମଧ୍ୟ ପାଇଥିଲେ। ଚାମ୍ପିୟନ୍ସ ଟ୍ରଫି ଫାଇନାଲରେ ବିରାଟ କୋହଲି ୨ବଲରୁ ୧ ରନ କରି ଆଉଟ୍ ହୋଇଥିଲେ। କୋହଲି ଆଇସିସି ର଼୍ୟାଙ୍କିଙ୍ଗରେ ଗୋଟିଏ ସ୍ଥାନ ହରାଇଛନ୍ତି, ସେ ଚତୁର୍ଥ ସ୍ଥାନରୁ ପଞ୍ଚମ ସ୍ଥାନକୁ ଖସି ଆସିଛନ୍ତି। ତାଙ୍କର ୭୩୬ ରେଟିଂ ପଏଣ୍ଟ ରହିଛି। ଭାରତୀୟ ସ୍ପିନର କୁଲଦୀପ ଯାଦବଙ୍କୁ ମଧ୍ୟ ICC ରାଙ୍କିଙ୍ଗରେ ଲାଭ ମିଳିଛି। ସେ ୬୫୦ ରେଟିଂ ପଏଣ୍ଟ ସହିତ ତିନି ସ୍ଥାନ ଉପରକୁ ଉଠି ତୃତୀୟ ସ୍ଥାନରେ ପହଞ୍ଚିଛନ୍ତି। ପୂର୍ବରୁ ସେ ଷଷ୍ଠ ସ୍ଥାନରେ ଥିଲେ।
