କାଲି ନେଟ୍ ପ୍ରାକ୍ଟିସ୍ ପାଇଁ ଯିବେ ଉଭୟ ଦଳର ଖେଳାଳି

ଭୁବନେଶ୍ୱର: ଭୁବନେଶ୍ୱରରେ ଟିମ୍ ଇଣ୍ଡିଆ । ବାରବାଟୀରେ ହେବାକୁ ଥିବା ଭାରତ ଇଂଲଣ୍ଡ ଦିନିକିଆ ମ୍ୟାଚ୍ ପାଇଁ ଭୁବନେଶ୍ୱରରେ ପହଞ୍ଚିଲେ ଉଭୟ ଦଳର ଖେଳାଳି । ଭୁବନେଶ୍ୱର ବିମାନ ବନ୍ଦରରୁ ମେ ଫେୟାର ଯାଇଛନ୍ତି ଖେଳାଳି । କମିଶନରେଟ୍ ପୋଲିସ ପକ୍ଷରୁ ଏସକର୍ଟ କରି ମେ ଫେୟାର ନିଆଯାଇଛି । ସେଠାରେ ରାତ୍ରି ଯାପନ କରିବା ପରେ ଆସନ୍ତାକାଲି ଅଭ୍ୟାସ ପାଇଁ ବାରବାଟୀ ଯିବେ ଉଭୟ ଦଳର ଖେଳାଳି । ଖେଳାଳିଙ୍କୁ ସ୍ୱାଗତ ପାଇଁ ମେ ଫେୟାର ତରଫରୁ ବିଶେଷ ବ୍ୟବସ୍ଥା କରାଯାଇଛି ।

ଖେଳାଳିଙ୍କ ରହିବାଠୁ ଆରମ୍ଭ କରି ଖାଇବା ପ୍ରତି ବିଶେଷ ଧ୍ୟାନ ଦିଆଯାଇଛି । ତେବେ ଦୀର୍ଘ ଦିନ ପରେ ବାରବାଟୀରେ ମ୍ୟାଚ୍ କୁ ନେଇ କ୍ରିକେଟ୍ ପ୍ରେମୀ ଖୁବ ଉତ୍ସାହିତ ଅଛନ୍ତି ।

Cricket: ବାରବାଟୀରେ କାହାର ପଲ୍ଲା ଭାରି ? କିଏ ଜିତିବ ଏଥର ମ୍ୟାଚ ?

ଇଂଲଣ୍ଡ ଖେଳାଳିମାନେ ଅପରାହଣ 1 ରୁ 4 ଏବଂ ଭାରତୀୟ ଦଳ 4 ରୁ 8 ପର୍ଯ୍ୟନ୍ତ ଅଭ୍ୟାସ କରିବେ । ପୁଣି କଡା ସୁରକ୍ଷା ଭିତରେ ବାରବାଟୀରୁ ଦଳୀୟ ହୋଟେଲକୁ ଫେରିବେ । ରବିବାର କଟକ ଯାଇ ମ୍ୟାଚ୍ ଖେଳିବେ । ତେବେ ଷ୍ଟାଡିୟମକୁ ପାଣି ବୋତଲ ମନା । ଷ୍ଟାଡିଅମକୁ ଫିଙ୍ଗିବା ଭଳି ସାମଗ୍ରୀ ଉପରେ କଟକଣା ରହିଛି ।

ଆସନ୍ତାକାଲି ଅଭ୍ୟାସ ଯିବାବେଳେ ରାସ୍ତାରେ ଯେଭଳି କୌଣସି ଟ୍ରାଫିକ ସମସ୍ୟା ନହେବ ସେଥିପାଇଁ ବ୍ୟବସ୍ଥା କରାଯାଇଛି । ଷ୍ଟାଡିଅମରେ ମଧ୍ୟ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି ।