ୱାର୍ଲଡ୍ ଚାମ୍ପିଅନସିପ ଅଫ୍ ଲିଜେଣ୍ଡ ସେମିଫାଇନାଲରେ ପାକିସ୍ତାନ ବିପକ୍ଷରେ ଖେଳିବାକୁ ମନା କରିଛି ଭାରତ । ଇଂଲଣ୍ଡରେ ଖେଳାଯାଉଥିବା ୱାର୍ଲଡ ଚାମ୍ପିଅନସିପ୍ ଅଫ୍ ଲିଜେଣ୍ଡସ ୨୦୨୫ ଏବେ ଖୁବ ଚର୍ଚ୍ଚାରେ ରହିଛି । ଏହି ଲିଗରେ ୬ ଦେଶର ଅନ୍ତର୍ଜାତୀୟ କ୍ରିକେଟରୁ ଅବସର ନେଇ ସାରିଥିବା ପୂର୍ବତନ ଖେଳାଳି ଏଥିରେ ଅଂଶଗ୍ରହଣ କରିଛନ୍ତି । ଆଜି ଏହି ଲିଗ୍‌ର ସେମିଫାଇନାଲ୍ ମ୍ୟାଚ୍ ଖେଳାଯିବ । ପ୍ରଥମ ସେମିଫାଇନାଲ୍ ମ୍ୟାଚ୍ ଇଣ୍ଡିଆ ଚାମ୍ପିଅନ୍ ଓ ପାକିସ୍ତାନ ଚାମ୍ପିଅନ୍ ଟିମ୍ ମଧ୍ୟରେ ଖେଳାଯିବା ନେଇ ଧାର୍ଯ୍ୟ ହୋଇଛି ।

କିନ୍ତୁ ଇଣ୍ଡିଆ ଚାମ୍ପିଅନ୍ ଆଜି ହେବାକୁ ଥିବା ୱାର୍ଲଡ୍ ଚାମ୍ପିଅନଶିପ ଅଫ୍ ଲିଜେଣ୍ଡ୍ସ ସେମିଫାଇନାଲରେ ପାକିସ୍ତାନ ବିପକ୍ଷରେ ଖେଳିବାକୁ ମନା କରିଛି । ଭାରତୀୟ ଖେଳାଳି ନିଜର ଚିର ପ୍ରତିଦ୍ୱନ୍ଦ୍ୱୀଙ୍କ କୌଣସି କୌଣସି ମ୍ୟାଚ୍ ନଖେଳିବା ନେଇ ନୀତିକୁ ବଜାୟ ରଖିଛି । ଏହି ନିଷ୍ପତ୍ତି ଲିଗ୍ ପର୍ଯ୍ୟାୟ ମ୍ୟାଚ୍ ଉପରେ ନିଆଯାଇଛି । ଭାରତୀୟ ଖେଳାଳି ଓ ଟୁର୍ଣ୍ଣାମେଣ୍ଟର ମୁଖ୍ୟ ପ୍ରାୟୋଜକ ପାକିସ୍ତାନ ବିପକ୍ଷରେ ଖେଳିବା ଉପରେ ଆପତ୍ତି ଉଠାଇଥିଲେ ।