ଲିଡ୍ସରେ ଖେଳା ଯାଉଥିବା ପ୍ରଥମ ଟେଷ୍ଟର ତୃତୀୟ ଦିନର ଖେଳ ସମାପ୍ତ ହୋଇଛି। ଇଂଲଣ୍ଡ ପ୍ରଥମ ଇନିଂସରେ ୪୬୫ ରନରେ ଅଲଆଉଟ୍ ହେବା ପରେ ଭାରତ ଦ୍ଵିତୀୟ ଇନିଂସରେ ୨ ଓ୍ଵିକେଟ୍ ହରାଇ ୯୦ ରନ କରିଛି। ଦଳ ଘରୋଇ ଦଳଠୁ ୯୬ ରନରେ ଆଗୁଆ ରହିଛି। କେଏଲ ରାହୁଲ ୪୭ ରନ ଓ ଶୁଭମନ ଗିଲ୍ ୬ ରନ କରି ଅପରାଜିତ ଅଛନ୍ତି। ତୃତୀୟ ଦିନର ଖେଳରେ ବୁମରା ୫ ଓ୍ଵିକେଟ୍ ନେଇଥିବା ବେଳେ ଇଂଲଣ୍ଡ ପକ୍ଷରୁ ହ୍ୟାରି ବ୍ରୁକ ୯୯ ରନ କରିଛନ୍ତି। ଖେଳ ଆହୁରି ୨ ଦିନ ବାକି ରହିଛି । ସେପଟେ ଚତୁର୍ଥ ଦିନର ପ୍ରଥମ ସେସନର ଖେଳ ବେଶ ମହତ୍ଵପୂର୍ଣ୍ଣ ହେବାକୁ ଯାଉଛି। ।

ଭାରତ ଦ୍ଵିତୀୟ ଇନିଂସ ଆରମ୍ଭ କରିଥିବା ବେଳେ ୧୬ ରନ ସ୍କୋରରେ ଦଳକୁ ପ୍ରଥମ ଝଟକା ଲାଗିଥିଲା। ଗତ ମ୍ୟାଚ୍‌ର ଶତକୀୟ ଇନିଂସ ଖେଳିଥିବା ଜୟସ୍ଵାଲ ମାତ୍ର ୪ ରନ କରି ଆଉଟ୍ ହୋଇଥିଲେ। ଏହା ପରେ ରାହୁଲ ଓ ସାଇ ସୁଦର୍ଶନ ଦ୍ଵିତୀୟ ଓ୍ଵିକେଟ୍ ପାଇଁ ୬୬ ରନ ଯୋଡ଼ିଥିଲେ।ତେବେ କ୍ରିଜରେ ଜମି ଭଲ ଫର୍ମରେ ନଜର ଆସୁଥିବା ସାଇ ସୁଦର୍ଶନ ୩୦ ରନ କରି ପାଭିଲିୟନ ଫେରିଥିଲେ। ଭାରତ ୨ ଓ୍ଵିକେଟ୍ ହରାଇ ୯୦ ରନ କରିଥିବା ସମୟରେ ବର୍ଷା ହେବାରୁ ତୃତୀୟ ଦିନର ଖେଳ ବନ୍ଦ ଘୋଷଣା କରାଯାଇଥିଲା। ।