ଇଣ୍ଡିଆ ଟିମର ପୂର୍ବତନ ବୋଲର ଆର ଅଶ୍ୱିନ 2024 ମସିହାରେ ସମସ୍ତ ପ୍ରକାରର ଅନ୍ତର୍ଜାତୀୟ କ୍ରିକେଟରୁ ଅବସର ଘୋଷଣା କରିଛନ୍ତି। ସେ ଭାରତ ପାଇଁ ତିନୋଟି ଫର୍ମାଟରେ ଅସାଧାରଣ ଭାବରେ ଭଲ ପ୍ରଦର୍ଶନ କରିଛନ୍ତି। ସେ ଟେଷ୍ଟ କ୍ରିକେଟରେ ଭାରତର ଦ୍ୱିତୀୟ ସର୍ବାଧିକ ୱିକେଟ୍ ନେଇଥିବା ବୋଲର ମଧ୍ୟ। ତଥାପି, IPL 2026 ପୂର୍ବରୁ, ଆର ଅଶ୍ୱିନ ଚିନ୍ତା ପ୍ରକାଶ କରିଛନ୍ତି। ସେ ଭାରତୀୟ କ୍ରିକେଟକୁ ଏକ ବଡ଼ ରୋଗ ହୋଇଛି କହି ବର୍ଷିଛନ୍ତି।

ଆର. ଅଶ୍ୱିନ କାହିଁକି ରୋଗ ବୋଲି କହିଥିଲେ?
ଆର. ଅଶ୍ୱିନ ଖେଳାଳିଙ୍କ ନାମରେ ସୋସିଆଲ ମିଡିଆରେ ସୃଷ୍ଟି ହୋଇଥିବା ଫ୍ୟାନ୍ ପେଜ୍ ବିଷୟରେ ଚିନ୍ତା ପ୍ରକାଶ କରିଛନ୍ତି। ସୋସିଆଲ ମିଡିଆରେ ଅନେକ ଫ୍ୟାନ୍ ପେଜ୍ ରେ ଏପରି ପୋଷ୍ଟ ରହିଛି ଯାହା ଅଶ୍ୱିନ ପୂର୍ବରୁ ସେହି ଖେଳାଳିଙ୍କଠାରୁ ଶୁଣିଛନ୍ତି। ସେ କହିଛନ୍ତି, "ଆଜିକାଲି ଏକ ପ୍ରକାର ରୋଗ ବ୍ୟାପିବାରେ ଲାଗିଛି। ସୋସିଆଲ ମିଡିଆରେ ଫ୍ୟାନ୍ ଗ୍ରୁପ୍ ମାଧ୍ୟମରେ ପ୍ରକାଶିତ ଅନେକ ମତାମତ ମୁଁ ଶୁଣିଛି, ସେମାନଙ୍କ ମଧ୍ୟରୁ ଅନେକ ମତାମତ ମୁଁ ପୂର୍ବରୁ ଶୁଣିଛି, ବ୍ୟକ୍ତିଗତ ଭାବରେ ମଧ୍ୟ। କେତେବେଳେ, ମୁଁ ବ୍ରେକଫାଷ୍ଟ କିମ୍ବା ମଧ୍ୟାହ୍ନ ଭୋଜନରେ ସମାନ କଥା ଶୁଣିଛି, ଏବଂ ତା’ପରେ ସେଗୁଡ଼ିକୁ ଭିନ୍ନ ନାମରେ ଅନଲାଇନରେ ପ୍ରକାଶିତ ହୋଇଥିବା ଦେଖିଛି। ତା’ପରେ ଆପଣ ଭାବିବା ଆରମ୍ଭ କରିବେ: ଏହା କିପରି ଘଟୁଛି?" ମୁଁ ମୋ ମତ ରଖୁଛି କିନ୍ତୁ ଲୋକେ ମୋ ବ୍ୟକ୍ତିଗତ ମତ ବି ପରିବର୍ତ୍ତନ କରିଦେବେ ନା କଣ। ଆଉ ସୋସିଆଲ ମିଡିଆଟା ମୋ ଚଏସ ସେଠି ମୁଁ ନିଜସ୍ବ ମତ ଦେଇପାରିବି। ଯିଏ ଯାହା କହିଲେ କିଛି ଫରକୁ ପଡ଼ୁ ନାହିଁ।

ସେ ଆହୁରି ମଧ୍ୟ କହିଛନ୍ତି, "ମୁଁ କହୁନାହିଁ ଯେ ଖେଳାଳିମାନେ ନିଜେ ଏହି ମତାମତ ପ୍ରଚାର କରୁଛନ୍ତି କିନ୍ତୁ ଏହା ଚିନ୍ତାଜନକ। ଏହା ପଛରେ କୌଣସି ପ୍ରକାରର ଷଡ଼ଯନ୍ତ୍ର ଅଛି କି? ମୁଁ ନିଶ୍ଚିତ ଭାବରେ କହିପାରିବି ନାହିଁ, କିନ୍ତୁ ଏହା ମନେ ହେଉଛି ଯେ ଏକ ସୁଚିନ୍ତିତ ବ୍ୟବସ୍ଥା କାମ କରୁଛି।" ମୁଁ ଶୁଭମନ ଗିଲଙ୍କ ବିଷୟରେ କହିଲି ଯେବେ ଗିଲ ଆଉଟ ହୋଇଯାଉଥିଲେ କିନ୍ତୁ ତାଙ୍କୁ ପୁରା ସୁଯୋଗ ମିଳୁଥିଲା କିନ୍ତୁ ଏହାପରେ ତାଙ୍କୁ ବସାଇଦିଆଗଲା। ଆଉ ଏହାକୁ ପର୍ସନାଲ ଆଜେଣ୍ଡା ବନେଇ ଦିଆଗଲା।

ଅବସର ପରେ ଅଶ୍ୱିନ ଜଣେ ବିଶେଷଜ୍ଞ ହୋଇଗଲେ।
ଅଶ୍ୱିନ ଭାରତ ପାଇଁ ତାଙ୍କର ଶେଷ ଟେଷ୍ଟ ମ୍ୟାଚ୍ 2024-25 ବର୍ଡର ଗାଭାସ୍କର ଟ୍ରଫି ଅଷ୍ଟ୍ରେଲିଆ ଗସ୍ତ ସମୟରେ ଖେଳିଥିଲେ। ପରେ ସେ ତାଙ୍କର ଅବସର ଘୋଷଣା କରିଥିଲେ। ଅଶ୍ୱିନ ଭାରତ ପାଇଁ 106 ଟେଷ୍ଟ ମ୍ୟାଚ୍ ରେ 537 ୱିକେଟ୍ ଏବଂ 116 ଦିନିକିଆରେ 156 ୱିକେଟ୍ ନେଇଛନ୍ତି। ଏହା ସହିତ, ସେ 65 ଟି-20 ମ୍ୟାଚ୍ ରେ 72 ଜଣ ବ୍ୟାଟ୍ସମ୍ୟାନଙ୍କୁ ଆଉଟ୍ କରିଛନ୍ତି।

ପଢନ୍ତୁ ଏହି ଖବର: IPL 2026 ପୂର୍ବରୁ ଧୋନିଙ୍କ ଜର୍ସି ନମ୍ବରକୁ ନେଇ ବଡ଼ ସସ୍ପେନ୍ସ...ଆଉ ପିନ୍ଧିବେନି ୭ନଂ ଜର୍ସି