Indian Cricketer Retirement / ଭାରତୀୟ କ୍ରିକେଟରୁ ହଠାତ ଅବସର ଘୋଷଣା କରି ଚକିତ କଲେ...୨୦୨୧ରୁ ମିଳୁନଥିଲା ସୁଯୋଗ

ଭାରତୀୟ ମହିଳା କ୍ରିକେଟ୍ ଦଳର ଭେଟେରାନ ବ୍ୟାଟର ପୁନମ ରାଉତ ଅନ୍ତର୍ଜାତୀୟ କ୍ରିକେଟରୁ ଅବସର ଘୋଷଣା କରିଛନ୍ତି । ସେ ସୋସିଆଲ୍ ମିଡିଆ ଇନ୍‌ଷ୍ଟାଗ୍ରାମରେ ଏକ ଲମ୍ବା ପୋଷ୍ଟ କରି ଦୀର୍ଘ ୧୦ବର୍ଷର କ୍ୟାରିୟରରେ ପୂର୍ଣ୍ଣଛେଦ ପକାଇଛନ୍ତି । ପୁନମ ୭୩ଟି ଦିନିକିଆ ଖେଳାଳି ୨୨୨୯ (୩ ଶତକ, ୧୫ ଅର୍ଦ୍ଧଶତକ) ରନ୍ କରିଥିବାବେଳେ ୪ଟି ଟେଷ୍ଟ ଖେଳି ୨୬୪ (୧ ଶତକ) ରନ୍ ଓ ୩୫ଟି ଟି-ଟ୍ୱେଣ୍ଟିରେ ୭୧୯ (୪ ଅର୍ଦ୍ଧଶତକ) ରନ୍ ସଂଗ୍ରହ କରିଥିଲେ । ସେ ୨୦୦୯ରେ ଅନ୍ତର୍ଜାତୀୟ ପଦାର୍ପଣ କରିଥିଲେ । ସେହିପରି ୨୦୨୧ରେ ଇଂଲଣ୍ଡ ବିପକ୍ଷରେ ଶେଷ ଦିନିକିଆ ମ୍ୟାଚ୍ ଖେଳିଥିଲେ । ଏହାପରଠୁ ତାଙ୍କୁ ଭାରତୀୟ ଦଳରୁ ଅଣଦେଖା କରାଯାଇ ଆସୁଥିଲା।

ଏହାସହ ପଢ଼ନ୍ତୁ: ହାଇଦ୍ରାବାଦରେ ଭାରତର ପରାଜୟ ପରେ ସୁନୀଲ ଗାଭାସ୍କର ଦେଲେ କଡ଼ା ବୟାନ… କହିଲେ "ବାହାନା ମାରିବା ବନ୍ଦ କର"

୩୭ ବର୍ଷୀୟ ପୁନମ ୨୦୧୭ ଦିନିକିଆ ବିଶ୍ୱକପ୍ ରନର୍ସ ଅପ୍ ଭାରତୀୟ ଦଳର ସଦସ୍ୟା ରହିଥିଲେ । ଇଂଲଣ୍ଡ ବିପକ୍ଷ ଫାଇନାଲ୍ ମୁକାବିଲାରେ ସେ ୮୬ରନ୍‌ର ଧୂଆଁଧାର ପାଳି ଖେଳିଥିଲେ ହେଁ ଦଳକୁ ଚାମ୍ପିଅନ୍ କରାଇ ପାରିନଥିଲେ । ଉକ୍ତ ମ୍ୟାଚ୍‌ରେ ଭାରତ ୯ ରନ୍‌ରେ ପରାଜିତ ହୋଇଥିଲା । ପୁନମ ବିଶ୍ୱକପ୍‌ରେ ମୋଟ ୩୮୧ ରନ୍ ସଂଗ୍ରହ କରିଥିଲେ । ଆୟର୍ଲାଣ୍ଡ ବିପକ୍ଷ ଲିଗ୍ ମ୍ୟାଚ୍‌ରେ ସେ ୧୦୯ରନ୍ କରିଥିଲେ ଏବଂ ଦୀପ୍ତି ଶର୍ମାଙ୍କ ସହ ମିଶି ୩୨୦ରନ୍‌ରେ ଓପନିଂ ଭାଗିଦାରୀ ଗଠନ କରିଥିଲେ । ୨୦୦୯ରେ ଭାରତୀୟ ମହିଳା ଦଳ ପାଇଁ ଡେବ୍ୟୁ କରିଥିବା ପୁନମ ରାଉତ ଗତ ୫ ବର୍ଷ ଧରି ଅନ୍ତର୍ଜାତୀୟ କ୍ରିକେଟରୁ ଦୂରେଇ ରହିଥିଲେ । ଏଥିସହ ସେ ଘରୋଇ କ୍ରିକେଟରେ ସେତେଟା ସକ୍ରିୟ ନଥିଲେ ।

ଜାପାନ ଏସିଆନ ଗେମ୍ସରେ ସ୍ୱର୍ଣ୍ଣିମ ସଫଳତା ପରେ ଭାରତୀୟ ମହିଳା କ୍ରିକେଟ୍ ଦଳ ପୁଣି ଥରେ ପଡ଼ିଆକୁ ଓହ୍ଲାଇବ । ଭାରତ ଓ ଜିମ୍ବାୱେ ମହିଳା ଦଳ ମଧ୍ୟରେ ଆଜିଠାରୁ ଟି-୨୦ ସିରିଜ୍ ଆରମ୍ଭ ହେବ । କିନ୍ତୁ ଏହି ମ୍ୟାଚର ୨୪ ଘଣ୍ଟା ପୂର୍ବରୁ ଭାରତୀୟ ଦଳର ଜଣେ ଅଭିଜ୍ଞ ବ୍ୟାଟର ଅବସର ଘୋଷଣା କରିଛନ୍ତି । ଭାରତୀୟ କ୍ରିକେଟ୍ର କିମ୍ବଦନ୍ତୀ ଓପନର ପୁନମ ରାଉତ ଅନ୍ତର୍ଜାତୀୟ କ୍ରିକେଟ୍ର ସମସ୍ତ ଫର୍ମାଟରୁ ଅବସର ନେଇଛନ୍ତି । ପୁନମ ଏକ ସୋସିଆଲ ମିଡିଆ ପୋଷ୍ଟରେ ଏହା ଘୋଷଣା କରି ଟିମ୍ ଇଣ୍ଡିଆ ପାଇଁ ଖେଳିବା ତାଙ୍କ ପାଇଁ ସବୁଠାରୁ ବଡ ସମ୍ମାନ ବୋଲି ବର୍ଣ୍ଣନା କରିଛନ୍ତି ।