୧୭ ବର୍ଷ ପରେ, RCB ପଞ୍ଜାବ କିଙ୍ଗସକୁ ପରାସ୍ତ କରି ପ୍ରଥମ ଥର ପାଇଁ IPL ଟାଇଟଲ ଜିତିଛି । ଏହି ବିଜୟ ପରେ ବିରାଟ କୋହଲିଙ୍କ ପ୍ରତିକ୍ରି୍ୟା ସାମ୍ନାକୁ ଆସିଛି । ସେ କହିଛନ୍ତି ଏହି ବିଜୟ ଆମ ଦଳର ଯେତିକି, ଆମ ପ୍ରଶଂସକଙ୍କ ପାଇଁ ମଧ୍ୟ ସେତିକି । ଏହା ଦୀର୍ଘ ୧୮ ବର୍ଷର ଅପେକ୍ଷା ଥିଲା । ମୁଁ ମୋର ଯୁବାବସ୍ଥା ଠାରୁ ଆରମ୍ଭ କରି ଚଳିତ ବର୍ଷ ଯାଏ ଏହି ଦଳକୁ ଦେଇଥିଲି । ମୁଁ ଏଥିରେ ମୋର ସମସ୍ତ ଶକ୍ତି ଲଗାଇ ଦେଇଥିଲି । ମୁଁ କେବେ ଭାବି ନଥିଲି ଯେ ଏହି ଦିନ ଆସିବ ।

18 ବର୍ଷ ପରେ ପୂରଣ ହେଲା `ବିରାଟ’ ସ୍ବପ୍ନ । 2025 IPL ଟାଇଟଲ୍ ଜିତିଲା ରୟାଲ ଚାଲେଞ୍ଜର୍ସ ବେଙ୍ଗାଲୁରୁ । ରୋମାଞ୍ଚକର ଫାଇନାଲରେ ମାତ୍ର 6 ରନରେ ହାରିଲା ପଞ୍ଜାବ କିଙ୍ଗସ୍ । ବିଜୟକୁ ଅବିଶ୍ବସନୀୟ କହିଲେ ବିରାଟ କୋହଲି । ପୂର୍ବରୁ 3 ଥର ଫାଇନାଲରେ ପହଞ୍ଚି ବି ଟାଇଟଲ ଜିତି ପାରି ନଥିଲା RCB । ପଞ୍ଜାବ କିଙ୍ଗସକୁ ୬ ରନରେ ହରାଇ ଚାମ୍ପିୟନ ହୋଇଛି ବିରାଟ କୋହଲିଙ୍କ ଦଳ ଆରସିବି । ଏହା ସହିତ ଆରସିବିର ଦୀର୍ଘ ୧୭ ବର୍ଷ ପ୍ରତୀକ୍ଷାର ଅନ୍ତ ହୋଇଛି । ଏହା ପୂର୍ବରୁ ଏହି ଆରସିବି ୩ ଥର ଫାଇନାଲକୁ ଯାଇଥିଲେ ବି ଚାମ୍ପିୟନ ହୋଇପାରିନଥିଲା । ଅନ୍ୟପକ୍ଷରେ ପୂରା ଲିଗ୍‌ରେ ପରାକ୍ରମୀ କ୍ରିକେଟ୍ ଖେଳିଥିବା ପଞ୍ଜାବ ଅନ୍ତିମ ଲଢ଼େଇରେ ଝୁଣ୍ଟିବା ପରେ ତା’ର ସ୍ବପ୍ନ ଚୂର୍‌ମାର୍‌ ହୋଇଯାଇଛି। ପଞ୍ଜାବକୁ ଫାଇନାଲ୍‌ରେ ପହଞ୍ଚାଇଥିବା ଅଧିନାୟକ ଶ୍ରେୟସ୍ ଆୟର ଶେଷ ଲଢ଼େଇରେ ନିରାଶ ହେବା ପଞ୍ଜାବ ପାଇଁ କାଳ ହୋଇଛି।