ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (BCCI) ତୁରନ୍ତ ପ୍ରଭାବରେ ଚଳିତ IPL 2025 ର ବାକି ମ୍ୟାଚ ଗୁଡ଼ିକୁ ଗୋଟିଏ ସପ୍ତାହ ପାଇଁ ସ୍ଥଗିତ ରଖିବାକୁ ନିଷ୍ପତ୍ତି ନେଇଛି। ରାଜୀବ ଶୁକ୍ଳା କହିଛନ୍ତି ଯେ ବର୍ତ୍ତମାନ ଆଇପିଏଲ ଗୋଟିଏ ସପ୍ତାହ ପାଇଁ ସ୍ଥଗିତ ଅଛି। ପରେ, ପରିସ୍ଥିତି ଦେଖିବା ଏବଂ ଆଲୋଚନା କରିବା ପରେ, ଆମେ ବାକି ମ୍ୟାଚ ଗୁଡ଼ିକୁ କିପରି ପରିଚାଳନା କରିବୁ ତାହା ନିଷ୍ପତ୍ତି ନେବୁ। ସେନା ପାଇଁ ଆମେ ଗର୍ବିତ, ବିସିସିଆଇ ସେନା ଏବଂ ସରକାରଙ୍କ ସହିତ ଛିଡ଼ା ହୋଇଛି। ଏହି ସମୟରେ ରାଜୀବ ଶୁକ୍ଳାଙ୍କୁ ପଚରାଯାଇଥିଲା ଯେ ମ୍ୟାଚ ଭାରତରେ ହେବ ନା ବିଦେଶରେ? ଏହି ପ୍ରଶ୍ନରେ ସେ କହିଥିଲେ, ‘ଆମେ ସମସ୍ତଙ୍କ ସହ କଥା ହେବୁ ଏବଂ ମ୍ୟାଚ କିପରି ଆୟୋଜନ କରାଯିବ ତାହା ନିଷ୍ପତ୍ତି ନେବୁ।’ ବିଦେଶୀ ଖେଳାଳିମାନେ ଏଠାରେ ଗୋଟିଏ ସପ୍ତାହ ରହିବାକୁ ଚାହାଁନ୍ତି ନା ନିଜ ଦେଶକୁ ଫେରିବାକୁ ଚାହାଁନ୍ତି ତାହା ନିଜେ ନିଷ୍ପତ୍ତି ନେବେ।

VIDEO | "The BCCI has decided to suspend the IPL for a week with immediate effect. After a week, the situation will be analysed and the government and stakeholders' views will be asked, following which the new schedule will be announced," says BCCI vice president Rajeev Shukla… pic.twitter.com/Aex42k7K4f
— Press Trust of India (@PTI_News) May 9, 2025

କ୍ରମାଗତ ଭାବରେ ବଢ଼ୁଥିବା ଉତ୍ତେଜନା ମଧ୍ୟରେ, କମିଟି ଆଇପିଏଲକୁ ଗୋଟିଏ ସପ୍ତାହ ପାଇଁ ସ୍ଥଗିତ ରଖିବାକୁ ନିଷ୍ପତ୍ତି ନେଇଛି। ଆଇପିଏଲ ହେବ କି ନାହିଁ ତାହା ନିଷ୍ପତ୍ତି ଗଭର୍ଣ୍ଣିଂ କାଉନସିଲ ନେବ। ଏହି ଗୁରୁତ୍ୱପୂର୍ଣ୍ଣ ସମୟରେ ବିସିସିଆଇ ଦେଶ ସହିତ ଦୃଢ଼ ଭାବରେ ଛିଡ଼ା ହୋଇଛି। ବୋର୍ଡ କହିଛି ଯେ ଆମେ ଭାରତ ସରକାର, ସଶସ୍ତ୍ର ବାହିନୀ ଏବଂ ଆମ ଦେଶର ଲୋକଙ୍କ ସହିତ ଆମର ଏକତା ପ୍ରକାଶ କରୁଛୁ। ବୋର୍ଡ ଆମର ସଶସ୍ତ୍ର ବାହିନୀର ସାହସ, ଧୈର୍ଯ୍ୟ ଏବଂ ସେବାକୁ ସଲାମ କରେ। ସେ ଅପରେଶନ ସିନ୍ଦୂର ମାଧ୍ୟମରେ ସମ୍ପ୍ରତି ପହଲଗାମ ଆତଙ୍କବାଦୀ ଆକ୍ରମଣର ଜବାବ ଦେଇଥିଲେ। ଯେଉଁଥିରେ ପାକିସ୍ତାନର ୯ଟି ଆତଙ୍କବାଦୀ ଆଡ୍ଡାକୁ ଟାର୍ଗେଟ କରାଯାଇଥିଲା।

Argus News | argus news | Odisha Latest News, Breaking News, Trending News, Live TV