ICC ଟେଷ୍ଟ ପ୍ଲେୟର ଅଫ୍ ଦି ଇୟର ହେଲେ ବୁମ୍ରା, ବର୍ଡର ଗାଭାସ୍କର ଟ୍ରଫିରେ ନେଇଥିଲେ ୩୨ ୱିକେଟ୍
Key Points
ବୁମ୍ରା ଆଇସିସି ଟେଷ୍ଟ ପ୍ଲେୟର ଅଫ୍ ଇୟର
୧୩ଟି ଟେଷ୍ଟରେ ୭୧ଟି ୱିକେଟ୍ ଅକ୍ତିଆର୍
ଅର୍ଗସ ବ୍ୟୁରୋ: ଭାରତୀୟ ପେସ ବୋଲର୍ ଜଶପ୍ରୀତ ବୁମ୍ରା ହୋଇଛନ୍ତି ଆଇସିସି ଟେଷ୍ଟ ପ୍ଲେୟର ଅଫ୍ ଦି ଇୟର । ଇଂଲଣ୍ଡର ଜୋ ଋଟ, ହ୍ୟାରି ବ୍ରୁକ ଓ ଶ୍ରୀଲଙ୍କାର ଅଜମତୁଲ୍ଲାହକୁ ପଛରେ ପକାଇ ବୁମ୍ରା ପାଇଛନ୍ତି ଏହି ସଫଳତା । ଏହି ଟାଇଟଲ୍ ପାଇବାରେ ବୁମ୍ରା ହେଉଛନ୍ତି ପ୍ରଥମ ଭାରତୀୟ ବୋଲର । ସେ ଗତବର୍ଷ ଟେଷ୍ଟ ମ୍ୟାଚ୍ରେ ୭୧ଟି ୱିକେଟ୍ ଅକ୍ତିଆର୍ କରିଥିଲେ ।
୨୦୨୪ ମସିହାରେ ବୁମ୍ରା ମୋଟ ୧୩ଟି ଟେଷ୍ଟ ଖେଳି ୭୧ଟି ୱିକେଟ୍ ଅକ୍ତିଆର୍ କରିଥିଲେ । ଗୋଟିଏ କ୍ୟାଲେଣ୍ଡର ବର୍ଷରେ ଭାରତ ଲାଗି ୭୦ରୁ ଅଧିକ ୱିକେଟ୍ ନେଇଥିବା ଖେଳାଳି ହେଉଛନ୍ତି ଜଶପ୍ରୀତ ବୁମ୍ରା । ଏହା ପୂର୍ବରୁ ରବିଚନ୍ଦ୍ରନ ଅଶ୍ଵୀନ, ଅନିଲ କୁମ୍ବଲେ ଓ କପିଲ ଦେବ ଏହି ସଫଳତା ହାସଲ କରିଛନ୍ତି । ଏଯାବତ୍ କ୍ରିକେଟର ଏକ କ୍ୟାଲେଣ୍ଡର ବର୍ଷରେ ୧୭ ଜଣ ବୋଲର ୭୦ରୁ ଅଧିକ ୱିକେଟ୍ ନେଇଛନ୍ତି ।
📱 Get Argus News App
✨ଜାନୁଆରୀ ୨୦୨୫ ଆରମ୍ଭରେ ସରିଥିବା ବର୍ଡର ଗାଭାସ୍କର ଟୁର୍ଣ୍ଣାମେଣ୍ଟରେ ପ୍ଲେୟାର ଅଫ୍ ଦି ଟୁର୍ଣ୍ଣାମେଣ୍ଟ ହୋଇଥିଲେ ବୁମରା । ସେ ବର୍ଡର ଗାଭାସ୍କର ଟ୍ରଫିରେ ୩୨ଟି ୱିକେଟ୍ ଅକ୍ତିଆର କରିଥିଲେ । ସିରିଜରେ ବୁମ୍ରା ଟେଷ୍ଟରେ ୨୦୦ ୱିକେଟ୍ ଅକ୍ତିଆର କରିବା ସହ ଏଭଳି ସଫଳତା ହାସଲରେ ହୋଇଥିଲେ ୧୨ତମ ଭାରତୀୟ ବୋଲର ।
ତେବେ ୨୦୨୪ରେ ବୁମ୍ରାଙ୍କ ଲାଗି ସ୍ମରଣୀୟ ଥିଲା କେପଟାଉନ୍ ଟେଷ୍ଟ । ଦକ୍ଷିଣ ଆଫ୍ରିକା ବିପକ୍ଷ ମ୍ୟାଚରେ ଜଶପ୍ରୀତ ବୁମ୍ରା ୮ ୱିକେଟ୍ ନେଇଥିଲେ । ସେହିଭଳି ଇଂଲଣ୍ଡ ବିପକ୍ଷ ୫ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜରେ ବୁମ୍ରା ହାତେଇ ଥିଲେ ୧୯ଟି ୱିକେଟ୍ । ଏହି ସିରିଜ୍ ଭାରତ ୪-୧ରେ ଜିତିଥିଲା ।
ସେହିଭଳି ମହିଳା ବର୍ଗରେ ଭାରତୀୟ ଦଳର ଉପଅଧିନାୟକ ସ୍ମୃତି ମନ୍ଧାନା ହୋଇଛି ୱାନ୍ ଡେ ପ୍ଲେୟାର ଅଫ୍ ଦି ଇୟର ।