ସରିଲା ମାଗଣା ଲଲିପପ୍... ଏଣିକି JioHotstarରେ IPL ଦେଖିବାକୁ ଗଣିବେ ଟଙ୍କା
Key Points
ଏଣିକି ଆଉ ମାଗଣାରେ ମୋବାଇଲ୍ରେ ଦେଖିବାକୁ ମିଳିବନି ଲାଇଭ୍ ମ୍ୟାଚ୍ । ଜିଓ ଓ ଷ୍ଟାର ଇଣ୍ଡିଆର ମିଶ୍ରଣ ପରେ ତିଆରି ହୋଇଛି ନୂଆ ପ୍ଲାଟଫର୍ମ- ଜିଓହଟଷ୍ଟାର ।
କ୍ରିକେଟ୍ ପ୍ରେମୀଙ୍କ ଲାଗି ଖରାପ ଖବର । ଏଣିକି ଆଉ ମାଗଣାରେ ମୋବାଇଲ୍ରେ ଦେଖିବାକୁ ମିଳିବନି ଲାଇଭ୍ ମ୍ୟାଚ୍ । ଜିଓ ଓ ଷ୍ଟାର ଇଣ୍ଡିଆର ମିଶ୍ରଣ ପରେ ତିଆରି ହୋଇଛି ନୂଆ ପ୍ଲାଟଫର୍ମ- ଜିଓହଟଷ୍ଟାର । ଯେଉଁଛିରେ ଜିଓସିନେମା ଓ ଡିଜ୍ଜନୀ+ହଟଷ୍ଟାର ମିଶି ଜିଓହଟଷ୍ଟାର ହୋଇଛି । ଏହା ଶୁକ୍ରବାର ଲଞ୍ଚ୍ ହୋଇଛି ।
ଜିଓହଟଷ୍ଟାର ପାଖରେ ମନୋରଞ୍ଜନ ଓ ଲାଇଭ ସ୍ପୋର୍ଟ୍ସର ୫୦ କୋଟିରୁ ଅଧିକ ବ୍ୟବହାରକାରୀ ରହିଛନ୍ତି । କୋଟି କୋଟି ବ୍ୟବହାରକାରୀ ଆପଣାଇଥିବା ଜିଓହଟଷ୍ଟାର ଏବେ ଆଇପିଏଲ୍ ଦେଖିବାର ତରିକା ବଦଳାଇବାକୁ ଯାଉଛି । କାରଣ ଆଗରୁ ଜିଓସିନେମାରେ ଦେଖିବାକୁ ମାଗଣା ମ୍ୟାଚ୍ ମାତ୍ର କିଛି ମିନିଟ୍ ହିଁ ଚାଲିବ । ଆଉ ପୂରା ମ୍ୟାଚ୍ ଦେଖିବାକୁ ଦେବାକୁ ପଡ଼ିବ ପାଉଣା ।
📱 Get Argus News App
✨ରୟଟର୍ସ ରିପୋର୍ଟ ଅନୁସାରେ, ଆଇପିଏଲ୍ର ମାତ୍ର କିଛି ମିନିଟ୍ ମାଗଣାରେ ଦେଖିବାକୁ ମିଳିବ । ପୂରା ମ୍ୟାଚ୍ ଦେଖିବା ଲାଗି ନେବାକୁ ପଡ଼ିବ ସବସ୍କ୍ରିପସନ୍ । ଆଉ ଜିଓହଟଷ୍ଟାରର ପ୍ରାରମ୍ଭିକ ସବସ୍କ୍ରିପସନ୍ ୧୪୯ ଟଙ୍କାରୁ ଆରମ୍ଭ ହେବ । ସୂଚନାଯୋଗ୍ୟ, ପୂର୍ବରୁ ଜିଓସିନେମା ସମ୍ପୂର୍ଣ୍ଣ ମାଗଣାରେ ଆଇପିଏଲ୍ ଷ୍ଟ୍ରିମିଂ କରୁଥିଲା ।
୨୦୨୩ରେ ଜିଓ ୩ ବିଲିୟନ୍ ଡଲାର ମୂଲ୍ୟରେ ୫ ବର୍ଷ ଲାଗି ଆଇପିଏଲ୍ ରାଇଟ୍ସ ହାତେଇଥିଲା । ଏବେ ପୂରା ମ୍ୟାଚ୍ ଦେଖିବାକୁ ଦର୍ଶକଙ୍କୁ ଟଙ୍କା ଦେବାକୁ ପଡ଼ିବ । ଦୁନିଆର ସବୁଠୁ ଦାମୀ କ୍ରିକେଟ୍ ଲିଗ୍ ହେଉଛି ଆଇପିଏଲ୍ । ମୁକେଶ ଅମ୍ବାନୀଙ୍କ ରିଲାଏନ୍ସ ଓ ୱାଲ୍ଟ ଡିଜନୀର ୮.୫ ବିଲିୟନ୍ ଡଲାର ମୂଲ୍ୟରେ ମିଶ୍ରଣ ଏହି ନିଷ୍ପତ୍ତି ଆସିଛି ।
ସବସ୍କ୍ରିପସନ୍ ପ୍ଲାନ୍ ?
ସବସ୍କ୍ରିପସନ୍ ବେସିକ୍ ପ୍ଲାନ୍ ୧୪୯ ଟଙ୍କା ରହିବ । ବିଜ୍ଞାପନ ମୁକ୍ତ ୩ ମାସର ପ୍ଲାନ୍ ପାଇଁ ୪୯୯ ଟଙ୍କା ଦେବାକୁ ପଡ଼ିବ । ଜିଓହଟଷ୍ଟାରରେ ଆଇସିସି ଇଭେଣ୍ଟସ୍ ସହ ଆଇପିଏଲ୍, ଡବ୍ଲୁପିଏଲ୍ ଭଳି ବଡ଼ ଟୁର୍ଣ୍ଣାମେଣ୍ଟ ଦେଖିବାକୁ ମିଳିବ । କ୍ରିକେଟ୍ ସହ ପ୍ରୋ କବାଡ଼ି ଓ ଆଇଏସ୍ଏଲ୍ ଭଳି ଘରୋଇ ଲିଗ୍ର ମଜ୍ଜା ବି ନେଇ ପାରିବେ ।