Videos
|
Sports

Australian Cricket Controversy / ଅଷ୍ଟ୍ରେଲିଆ କ୍ରିକେଟରେ ବଡ଼ ହଲଚଲ… କମିନ୍ସଙ୍କ ପାଇଁ ଅବସର ନେବାକୁ ଧମକ ଦେଲେ ଜୋଶ ହେଜଲଉଡ୍

Ritu Das
Browse all articles by Ritu Das
·47 mins ago·2 min read
ଅଷ୍ଟ୍ରେଲିଆ କ୍ରିକେଟରେ ବଡ଼ ହଲଚଲ… କମିନ୍ସଙ୍କ ପାଇଁ ଅବସର ନେବାକୁ ଧମକ ଦେଲେ ଜୋଶ ହେଜଲଉଡ୍
Cricket

Key Points

ଅଷ୍ଟ୍ରେଲିଆ କ୍ରିକେଟ ବୋର୍ଡରେ ହଲଚଲ ମଚାଇଛନ୍ତି ଜୋଶ ହେଜଲଉଡ
କାମିନ୍ସ ବାହାରିଲେ ମୁଁ ଅବସର ନେବି ଧମକ ଦେଇଛନ୍ତି
ଅଷ୍ଟ୍ରେଲିଆ କ୍ରିକେଟ ବୋର୍ଡରେ ହଲଚଲ ମଚାଇଛନ୍ତି ଜୋଶ ହେଜଲଉଡ। କିନ୍ତୁ କାଲିଠାରୁ ହେଜଲଉଡଙ୍କ ଅବସର ଖବର ଚର୍ଚ୍ଚାରେ ରହିଛି। 'ସ୍ୟାଣ୍ଡପେପରଗେଟ୍' (sandpapergate) ବିବାଦକୁ ନେଇ ଅଷ୍ଟ୍ରେଲୀୟ କ୍ରିକେଟ୍ ବର୍ତ୍ତମାନ ଏକ ଅସ୍ଥିର ପରିସ୍ଥିତି ଦେଇ ଗତି କରୁଛି। 'କ୍ରିକେଟ୍ ଅଷ୍ଟ୍ରେଲିଆ' ମଧ୍ୟରେ ମତଭେଦ ଦେଖାଦେଇଛି ଏବଂ ବିଭିନ୍ନ ବ୍ୟକ୍ତି ପରସ୍ପର ବିରୋଧୀ ମତାମତ ପ୍ରକାଶ କରୁଛନ୍ତି। ୨୦୧୮ ମସିହାରେ ସାମ୍ନାକୁ ଆସିଥିବା 'ବଲ୍-ଟ୍ୟାମ୍ପରିଂ' (ball-tampering) ଘଟଣା ସେତେବେଳେ ବ୍ୟାପକ ହଟଚମଟ ସୃଷ୍ଟି କରିଥିଲା। ସମ୍ପ୍ରତି ଏଭଳି କିଛି ଅଭିଯୋଗ ସାମ୍ନାକୁ ଆସିଛି ଯେ, ଅଷ୍ଟ୍ରେଲିଆର ଟେଷ୍ଟ ଅଧିନାୟକ ପ୍ୟାଟ୍ କମିନ୍ସ ଏହି ବଲ୍-ଟ୍ୟାମ୍ପରିଂ ଘଟଣା ବିଷୟରେ ଅବଗତ ଥିଲେ। ବର୍ତ୍ତମାନ ଦ୍ରୁତ ବୋଲର ଜୋସ୍ ହେଜଲଉଡ୍ ଖୋଲାଖୋଲି ଭାବେ କମିନ୍ସଙ୍କ ସମର୍ଥନରେ ଆଗକୁ ଆସିଛନ୍ତି। ସେ କହିଛନ୍ତି ଯେ, ଯଦି ଏହି ବିବାଦ କାରଣରୁ ପ୍ୟାଟ୍‌ଙ୍କୁ ଅଧିନାୟକ ପଦରୁ ହଟାଇ ଦିଆଯାଏ, ତେବେ ସେ ଦଳ ଛାଡ଼ିବା ବିଷୟରେ ବିଚାର କରିପାରନ୍ତି।

ସାକ୍ଷାତକାର ସମୟରେ ଜୋଶ ହେଜଲଉଡ କହିଛନ୍ତି ଯେ, ବଲ ଟାମ୍ପରିଂ ସମ୍ପର୍କରେ ତାଙ୍କୁ କୌଣସି ସୂଚନା ନଥିଲା। ସୂଚନାଯୋଗ୍ୟ, ଉସମାନ ଖୱାଜାଙ୍କ ପୁସ୍ତକ ‘ସବ୍ର’ରେ ୨୦୧୮ ମସିହାର ସାଣ୍ଡପେପର୍‌ ଘଟଣା ସମ୍ପର୍କରେ ଦାବି କରାଯାଇଛି ଯେ, ଏହି ଘଟଣା ବିଷୟରେ ପୂର୍ବରୁ ପୂରା ଟିମକୁ ଜଣାଥିଲା। ଏହି ଅଭିଯୋଗର ଜବାବରେ ପ୍ୟାଟ କମିନ୍ସ ପ୍ରାୟ ଏକ ଘଣ୍ଟା ଧରି ଖବରଦାତା ସମ୍ମିଳନୀ କରି ନିଜ ପକ୍ଷ ରଖିଥିଲେ। ଗତ ଦୁଇ ସପ୍ତାହ ଧରି ହେଜଲଉଡ ସିଡନୀରେ କମିନ୍ସଙ୍କ ସହ ଅଭ୍ୟାସ କରୁଛନ୍ତି। ସେ କହିଛନ୍ତି ଯେ, ଯଦି ପର୍ଥରେ କମିନ୍ସ ଅଧିନାୟକ ନରୁହନ୍ତି, ତେବେ ସେ ନିଜ ଭବିଷ୍ୟତ ବିକଳ୍ପ ଉପରେ ବିଚାର କରିବେ। ହେଜଲଉଡ କହିଛନ୍ତି, “ଗତ କିଛି ଦିନ ମଧ୍ୟରେ ବିଭିନ୍ନ ଲୋକଙ୍କ ପକ୍ଷରୁ ଅନେକ ଚାପ ପକାଯାଇଛି। ମୁଁ କମିନ୍ସଙ୍କୁ ସମର୍ଥନ କରୁଛି। ତାଙ୍କ ଖବରଦାତା ସମ୍ମିଳନୀରେ କହିଥିବା ପ୍ରତ୍ୟେକ କଥାକୁ ମଧ୍ୟ ସମର୍ଥନ କରୁଛି। ଗତ କିଛି ବର୍ଷ ଧରି, ବିଶେଷକରି ଅଧିନାୟକ ଭାବେ ସେ ଯାହା କରିଛନ୍ତି, ତାହାକୁ ମଧ୍ୟ ମୁଁ ସମର୍ଥନ କରୁଛି।”

ହେଜଲଉଡ ଆହୁରି କହିଛନ୍ତି, “ସାଣ୍ଡପେପର୍‌ ଘଟଣା ପରେ କମିନ୍ସ ଯେଉଁଭଳି ଭାବେ ଦଳକୁ ଏକ ଭଲ ସ୍ଥିତିରେ ପହଞ୍ଚାଇଛନ୍ତି, ତାହା ପ୍ରକୃତରେ ପ୍ରଶଂସନୀୟ। ସେ ଜଣେ ଚମତ୍କାର ଅଧିନାୟକ। ଦଳର ପ୍ରତ୍ୟେକ ସଦସ୍ୟ ଆପଣଙ୍କୁ ଏହି କଥା କହିବେ। ଯଦି ଆମେ ପ୍ରଥମ ଟେଷ୍ଟ ଖେଳିବାକୁ ପଡ଼ିଆକୁ ଓହ୍ଲାଇବା ଏବଂ କମିନ୍ସ ଅଧିନାୟକ ନଥିବେ, ତେବେ ସତ କହିବାକୁ ଗଲେ ଏହା ପରେ କ’ଣ ହେବ, ମୁଁ ଜାଣିନାହିଁ।”
ଜୋଶ ହେଜଲଉଡ୍ ଟେଷ୍ଟ ମ୍ୟାଚ୍‌ରୁ ଓହରିଯିବାକୁ ‘ଧମକ’ ଦେଇଛନ୍ତି!

ଅଷ୍ଟ୍ରେଲିଆ ଏବଂ ନ୍ୟୁଜିଲାଣ୍ଡ ମଧ୍ୟରେ ଏକ ଟେଷ୍ଟ ସିରିଜ୍ ଡିସେମ୍ବର ୯ ତାରିଖରୁ ଆରମ୍ଭ ହେବାକୁ ଯାଉଛି। ବ୍ୟାନକ୍ରଫ୍ଟ ଦାବି କରିଥିଲେ ଯେ ପାଟ କମିନ୍ସ 'ବଲ୍-ଟ୍ୟାମ୍ପରିଂ' (ବଲ୍ ସହ ଛେଡ଼ଛାଡ଼) ଘଟଣା ବିଷୟରେ ଜାଣିଥିଲେ। ଯଦି ଏହି ବୟାନ ପରେ କମିନ୍ସଙ୍କୁ ଅଷ୍ଟ୍ରେଲିଆ ଦଳର ଅଧିନାୟକ ପଦରୁ ହଟାଇ ଦିଆଯାଏ, ତେବେ ହେଜଲଉଡ୍ ଦଳରୁ ଓହରିଯିବା ଏବଂ ପ୍ରଥମ ଟେଷ୍ଟ ମ୍ୟାଚ ଖେଳିବେ ନାହିଁ ବୋଲି କହିଛନ୍ତି।

Argus News App

📱 Get Argus News App

✨
📰 60 Word News🎬 Argus Podcast📺 Live TV and Breaking News🔔 Free Notification Alerts
Download Free:
ଜୋଶ ହେଜଲଉଡ୍ କହିଛନ୍ତି, “ମୋତେ ଲାଗୁଛି ଯେ ମୁଁ ଏପରି ଏକ ସ୍ଥିତିରେ ପଡ଼ିପାରେ ଯେଉଁଠାରେ ମୋତେ କୌଣସି ନିଷ୍ପତ୍ତି ନେବାକୁ ପଡ଼ିବ। ସେଥିପାଇଁ ମୋତେ ଏ ବିଷୟରେ ଭଲ ଭାବରେ ଚିନ୍ତା କରିବାକୁ ପଡ଼ିବ। ଘଟଣା ଘଟିବାର ତୁରନ୍ତ ପରେ ଆମେ ଏକ ସାକ୍ଷାତକାର ଦେଇଥିଲୁ। ମୁଁ କ’ଣ ସେହି ସ୍ୟାଣ୍ଡପେପର (କାଗଜ) ବିଷୟରେ ଜାଣିଥିଲି? ନା।” କ୍ରିକେଟ୍ ଅଷ୍ଟ୍ରେଲିଆ ପକ୍ଷରୁ ସ୍ପଷ୍ଟ କରାଯାଇଛି ଯେ ଏହି ଘଟଣାର ତଦନ୍ତ କରାଯିବ ଏବଂ ଖୁବ୍ ଶୀଘ୍ର ସତ୍ୟ ସାମ୍ନାକୁ ଆସିବ।