Cricket Bromance Viral / ଗାଲେ ଟେଷ୍ଟରେ ବ୍ରୋମାନ୍ସ ଦେଖାଗଲା…କେଏଲ ରାହୁଲ ପ୍ରଥମେ ପଡିକ୍କଲଙ୍କୁ ଆଲିଙ୍ଗନ କଲେ ଏବଂ ପରେ ତାଙ୍କୁ ଚୁମ୍ବନ ଦେଲେ

ଗାଲେରେ ଭାରତ ଏବଂ ଶ୍ରୀଲଙ୍କା ମଧ୍ୟରେ ପ୍ରଥମ ଟେଷ୍ଟ ମ୍ୟାଚ୍‌ର ଚତୁର୍ଥ ଦିନରେ ଟେଷ୍ଟ ମ୍ୟାଚ ଅତ୍ୟନ୍ତ ରୋମାଞ୍ଚ ମୋଡରେ ଅଛି। ପ୍ରଥମ ପାଳିରେ ରନ ଅଧିକ ହେବାସହ ଭାରତୀୟ ଖେଳାଳିମାନେ ଦ୍ରୂତ ଗତିରେ ରନ କରୁଛନ୍ତି। ଭାରତୀୟ ଟିମର ଖେଳାଳିମାନେ ଶ୍ରୀଲଙ୍କା ଆଗରେ ବିଶାଳ ରନ ସ୍କୋର ଟାର୍ଗେଟ ଦେବାକୁ ଭଲ ପ୍ରଦର୍ଶନ ଜାରି ରଖିଛନ୍ତି। କିନ୍ତୁ ଏହା ମଧ୍ୟରେ ଚତୁର୍ଥ ଦିନରେ ପଡ଼ିଆରେ ଏମିତି କିଛି ଘଟିଲା ଯାହା ଆପଣଙ୍କୁ ନିଶ୍ଚିତ ଆକର୍ଷିତ କରିବ। ଏହି ଭିଡିଓ ଏବେ ସୋସିଆଲ ମିଡିଆରେ ଖୁବ ଜୋରରେ ଭାଇରାଲ ହେବାରେ ଲାଗିଛି। କେ.ଏଲ ରାହୁଲ ଏବଂ ପଡିକ୍କଲଙ୍କ ମଧ୍ୟରେ ୫୦ରନର ପାର୍ଟନରସିପ ହୋଇସାରିଥିଲା। ଦେବଦତ୍ତ ପଡିକ୍କଲ ତାଙ୍କ ସାଥୀ କେଏଲ ରାହୁଲଙ୍କୁ ଆଉଟ ହେବାରୁ ରକ୍ଷା କରିଥିଲେ। ଯଦି ପଡିକ୍କଲ ନ ଥାଆନ୍ତେ, ତେବେ ରାହୁଲ ନିରାଶାରେ ପାଭିଲିୟନ ଫେରିଥାଆନ୍ତେ।

KL Rahul goes straight over Jayasuriya’s head with a towering strike! 💥

Watch #SLvIND, 1st Test | Day 4, LIVE NOW on Sony Sports Network TV channels & Sony LIV.#SonySportsNetwork #SonyLIV #BeautifulGameOfTestCricket pic.twitter.com/drXESe3Ctl

— Sony Sports Network (@SonySportsNetwk) August 18, 2026

ମଙ୍ଗଳବାର ଭାରତୀୟ ଦଳ ସେମାନଙ୍କର ଦ୍ୱିତୀୟ ଇନିଂସରେ ବ୍ୟାଟିଂ କରିବାକୁ ଆସିଥିଲା। କିନ୍ତୁ ପ୍ରଥମ ଓଭରରେ ହିଁ ପ୍ରାରମ୍ଭିକ ବିପର୍ଯ୍ୟୟର ସମ୍ମୁଖୀନ ହୋଇଥିଲା। ପରବର୍ତ୍ତୀ ସମୟରେ ରାହୁଲ ଏବଂ ପଡିକ୍କଲ ସ୍ଥିତିକୁ ସ୍ଥିର କରିଥିଲେ। ଏକ ଅର୍ଦ୍ଧଶତକୀୟ ଭାଗୀଦାରି ସ୍ଥାପନ କରିଥିଲେ।
ଜୟସୂରିଆ ୧୧ତମ ଓଭର ବୋଲିଂ କରି ଶେଷ ବଲ ଉପ-ଅଧିନାୟକ ରାହୁଲଙ୍କ ପ୍ୟାଡ୍‌ରେ ବାଜିଥିଲା। ଶ୍ରୀଲଙ୍କା ଦଳ ଅପିଲ କରିଥିଲେ ଏବଂ ଅମ୍ପାୟାର ତାଙ୍କୁ ଆଉଟ ଘୋଷଣା କରିଥିଲେ। ରାହୁଲ ପଡିକ୍କଲ ତାଙ୍କ ସହିତ କଥା ହୋଇ ଡିଆର୍‌ଏସ୍‌ ନେଇଥିଲେ।

Devdutt Padikkal bringing out the left-handed elegance early in his innings.

Watch #SLvIND, 1st Test | Day 4, LIVE NOW on Sony Sports Network TV channels & Sony LIV.#SonySportsNetwork #SonyLIV #BeautifulGameOfTestCricket pic.twitter.com/9nxOFapc8b

— Sony Sports Network (@SonySportsNetwk) August 18, 2026

ସମୀକ୍ଷାରୁ ଜଣାପଡିଥିଲା ଯେ, ବଲ ଷ୍ଟମ୍ପକୁ ମିସ୍‌ କରୁଥିଲା। ଫଳରେ ରାହୁଲ ଆଉଟ୍‌ ହୋଇ ନ ଥିଲେ। ନିଷ୍ପତ୍ତି ଦେଖି ରାହୁଲ ତୁରନ୍ତ ପଡିକ୍କଲଙ୍କୁ ଆଲିଙ୍ଗନ କରି ଚୁମ୍ବନ ଦେଇଥିଲେ। ଉଭୟ ଖେଳାଳି ଘରୋଇ କ୍ରିକେଟରେ କର୍ନାଟକକୁ ପ୍ରତିନିଧିତ୍ୱ କରନ୍ତି। ସେମାନେ ପ୍ରଥମ ଇନିଂସରେ ଏକ ଶତକୀୟ ଭାଗୀଦାରି ମଧ୍ୟ କରିଥିଲେ।

ରାହୁଲ ଏହି ଆଶ୍ୱସ୍ତିର ଫାଇଦା ଉଠାଇ ପାରିଲେ ନାହିଁ। ସେ ୧୫ତମ ଓଭରର ଚତୁର୍ଥ ବଲରେ ଆଉଟ ହୋଇଥିଲେ, ଜୟସୂରିଆ ପୁଣି ଥରେ ବୋଲର ଥିଲେ। ରାହୁଲ ଏକ ବଡ଼ ସଟ ଚେଷ୍ଟା କରିଥିଲେ କିନ୍ତୁ ଶେଷରେ ବଲ ସିଧା ରତ୍ନନାୟକଙ୍କ ହାତକୁ ଯାଇଥିଲା। ସେ ୪୭ ବଲରୁ ୩୫ ରନ କରିଥିଲେ। ଏଥିରେ ଦୁଇଟି ଚୌକା ଏବଂ ଦୁଇଟି ଛକା ସାମିଲ ଥିଲା।