ଅର୍ଗସ ବ୍ୟୁରୋ:ପ୍ରଥମ ଥର WBF ୱାର୍ଲ୍ଡ ଟାଇଟଲ ଜିତି ଇତିହାସ ରଚିଛନ୍ତି ଭାରତୀୟ ପ୍ରୋ-ବକ୍ସର ମନଦୀପ ଜାଙ୍ଗ୍ରା। କେମନ ଆଇସଲ୍ୟାଣ୍ଡରେ ଆୟୋଜିତ ହୋଇଥିବା ଏହି ଟାଇଟଲ ଲଢ଼େଇରେ ଭାରତୀୟ ବକ୍ସର ବ୍ରିଟେନର କନର ମ୍ୟାକଇଣ୍ଟୋସଙ୍କୁ ପରାସ୍ତ କରିଥିଲେ । ୧୦ ରାଉଣ୍ଡ ଖେଳାଯାଇଥିବା ଏହି ଫାଇଟରେ ମନଦୀପ ଆରମ୍ଭରୁ ଶେଷ ଯାଏ ନିଜର ଜଲୱା ଦେଖାଇଥିଲେ।  ମନଦୀପ ପେଶାଦାର କ୍ୟାରିୟରରେ ୧୨ଟି ଫାଇଟରୁ ୧୧ଟିରେ ଜିତିଛନ୍ତି । ସେଥିରୁ ସେ ୭ଟିରେ ନକଆଉଟରେ ବିଜୟ ହାସଲ କରିଥିଲେ। ୨୦୧୩ ଏସିଆନ ଆମେଚର ବକ୍ସିଂ ଚାମ୍ପିୟନଶିପରେ ମନଦୀପ ରୌପ୍ୟ ପଦକ,୨୦୧୪ରେ ସେ ରାଜ୍ୟଗୋଷ୍ଠୀ କ୍ରୀଡ଼ାରେ ରୌପ୍ୟ ପଦକ ହାତେଇଥିଲେ । ଭାରତୀୟ ପ୍ରଫେସନାଲ ବକ୍ସର ମନଦୀପ ପୂର୍ବତନ ଅଲିମ୍ପିକ୍ସ ରୌପ୍ୟ ପଦକ ବିଜେତା ରୟ ଜୋନ୍ସ ଜୁନିୟରଙ୍କ ଠାରୁ ଟ୍ରେନିଂ ନେଉଛନ୍ତି । ପ୍ରଥମ ଥର ଜଣେ ଭାରତୀୟ ପ୍ରଫେସନାଲ ବକ୍ସର ବିଶ୍ୱ ଚାମ୍ପିୟନ ହୋଇ ଇତିହାସ ରଚିଛନ୍ତି