ଯେତେବେଳେ କାହାକୁ ତାଙ୍କ ଦେଶର ପ୍ରଧାନମନ୍ତ୍ରୀଙ୍କ ନାମ ପଚରାଯାଏ ଏବଂ ସେମାନେ ନାମ ନ କୁହନ୍ତି କିମ୍ବା ଭୁଲ ଉତ୍ତର ଦିଅନ୍ତି ନାହିଁ, ତେବେ ତାଙ୍କ ଉପରେ ହସିବା ସ୍ବାଭାବିକ। ଆମ ଦେଶରେ ଛୋଟ ଛୋଟ ଛୁଆଙ୍କୁ ପ୍ରଥମେ ଦେଶର ନାଁ ପ୍ରଧାନମନ୍ତ୍ରୀଙ୍କ ନାଁ ଶିକ୍ଷା ଦିଆଯାଇଥାଏ। କିନ୍ତୁ ପାକିସ୍ତାନ ପାଖରେ ସାଧାରଣଜ୍ଞାନର ମଧ୍ୟ ଅଭାବ ରହିଛି। ପ୍ରଧାନମନ୍ତ୍ରୀ ନାଁ ଜଣାନାହିଁ ଆଉ ୟାଙ୍କୁ କଶ୍ମୀର ଦରକାର।

ନିଜ ପ୍ରଧାନମନ୍ତ୍ରୀଙ୍କ ନାମ ନ ଜାଣିବା ଅତ୍ୟନ୍ତ ଲଜ୍ଜାର ବିଷୟ। ଏବେ କଳ୍ପନା କରନ୍ତୁ ଯଦି ସରକାରଙ୍କର ଅଂଶ ଏବଂ ଉଚ୍ଚପଦସ୍ଥ ପଦବୀରେ ଥିବା କେହି ଏହି ଭୁଲ କରନ୍ତି, ତେବେ କ’ଣ ହେବ? ପାକିସ୍ତାନ କ୍ରିକେଟ ବୋର୍ଡ (PCB) ଅଧ୍ୟକ୍ଷ ମୋହସିନ ନକଭି ସମାନ ଭୁଲ କରିଛନ୍ତି।
ନକଭି ପାକିସ୍ତାନ ସରକାରରେ ସ୍ବରାଷ୍ଟ୍ରମନ୍ତ୍ରୀ ମଧ୍ୟ ଅଛନ୍ତି। ତେଣୁ, ଯଦି ସେ ତାଙ୍କ ପ୍ରଧାନମନ୍ତ୍ରୀଙ୍କ ନାମ ଜାଣିପାରୁ ନାହାନ୍ତି ତେବେ ଭାରତ ସହ ବିଶ୍ବକପ କଣ ଖେଳିବ ଏହାକୁ ନେଇ ଏବେ ଚାରିଆଡେ ଚର୍ଚ୍ଚା। ସେ ଏକ ସୋସିଆଲ ମିଡିଆ ପୋଷ୍ଟରେ ତାଙ୍କ ପ୍ରଧାନମନ୍ତ୍ରୀଙ୍କ ନାମ ଭୁଲ ଲେଖିଥିଲେ।

ଏହାସହ ପଢ଼ନ୍ତୁ: ଟି-୨୦ ବିଶ୍ବକପରେ ଭାରତ ସହ ଖେଳିବନି ପାକିସ୍ତାନ ! ICC ଉପରେ ପଡ଼ିବ ବଡ଼ ପ୍ରଭାବ

ଏହାକୁ ନେଇ ବର୍ତ୍ତମାନ, ନକଭି ସୋସିଆଲ ମିଡିଆରେ ମିମ ସାମଗ୍ରୀ ପାଲଟିଛନ୍ତି ଏବଂ ତାଙ୍କୁ ଖୁବ ଭାବରେ ଉପହାସ କରାଯାଉଛି।
ପ୍ରକୃତରେ, ବାଂଲାଦେଶ ସହିତ ଏକତା ପ୍ରଦର୍ଶନ କରିବା ପାଇଁ PCB ଆସନ୍ତା ମାସରେ ଭାରତ ଏବଂ ଶ୍ରୀଲଙ୍କା ଦ୍ୱାରା ମିଳିତ ଭାବରେ ଆୟୋଜିତ ହେବାକୁ ଥିବା T20 ବିଶ୍ୱକପ ୨୦୨୬ ବୟକଟ କରିବାକୁ ବିଚାର କରୁଛି। ଏହି ବିଷୟରେ ଚୂଡ଼ାନ୍ତ ନିଷ୍ପତ୍ତି ପାକିସ୍ତାନ ସରକାରଙ୍କ ଉପରେ ନିର୍ଭର କରେ। ଏହି ପରିପ୍ରେକ୍ଷୀରେ, ନକଭି ଏବଂ ପାକିସ୍ତାନର ପ୍ରଧାନମନ୍ତ୍ରୀ ଶାହବାଜ ସରିଫ ଉଭୟ ସାକ୍ଷାତ କରିଥିଲେ। କିନ୍ତୁ ବୈଠକର କୌଣସି ଫଳାଫଳ ମିଳି ନଥିଲେ ମଧ୍ୟ, ନକଭି ନିଶ୍ଚିତ ଭାବରେ ନିଜକୁ ଉପହାସ କରିଛନ୍ତି।

ଏହାସହ ପଢ଼ନ୍ତୁ: ଆଇପିଏଲ ୨୦୨୬ ପାଇଁ ମୈଦାନକୁ ଓହ୍ଲାଇଲେ କ୍ୟାପଟେନ୍ କୁଲ...ଦେଖାଇଲେ ଜଲଓ୍ୱା

ସେ ସୋସିଆଲ ମିଡିଆ ସାଇଟ X ରେ ଉକ୍ତ ବୈଠକ ବିଷୟରେ ପୋଷ୍ଟ କରି ଲେଖିଛନ୍ତି, ‘ପ୍ରଧାନମନ୍ତ୍ରୀ ମିଆଁ ମହମ୍ମଦ ନୱାଜ ସରିଫଙ୍କ ସହ ମୋର ଏକ ବୈଠକ ହୋଇଥିଲା, ଯେଉଁଥିରେ ମୁଁ ତାଙ୍କୁ ICC ସମ୍ବନ୍ଧୀୟ ସମସ୍ତ ବିଷୟ ବିଷୟରେ ଅବଗତ କରାଇଥିଲି। ସେ ସମସ୍ତ ବିକଳ୍ପ ଖୋଲା ରଖି ଏହି ସମସ୍ୟାର ସମାଧାନ କରିବାକୁ ନିର୍ଦ୍ଦେଶ ଦେଇଥିଲେ। ଶୁକ୍ରବାର କିମ୍ବା ଆସନ୍ତା ସୋମବାର ଏକ ଚୂଡ଼ାନ୍ତ ନିଷ୍ପତ୍ତି ନିଆଯିବ।’
ଏଠାରେ, ନକଭି ପ୍ରଧାନମନ୍ତ୍ରୀଙ୍କ ନାମ ଭୁଲ ଲେଖିଛନ୍ତି କାରଣ ପାକିସ୍ତାନ ପ୍ରଧାନମନ୍ତ୍ରୀ ନୱାଜ ସରିଫ ନୁହଁନ୍ତି, ଶାହବାଜ ସରିଫ। ବର୍ତ୍ତମାନ, ଏହି ଭୁଲ ପାଇଁ ନକଭିଙ୍କୁ ସୋସିଆଲ ମିଡିଆରେ ଭାରି ମାତ୍ରାରେ ଟ୍ରୋଲ କରାଯାଉଛି।