ଅର୍ଗସ ବ୍ୟୁରୋ: ଟି-୨୦ରେ କମାଲ କରିବେ ଗମ୍ଭୀର-ସୂର୍ଯ୍ୟଙ୍କ ଯୋଡି। ଭାରତ ଓ ଶ୍ରୀଲଙ୍କା ପଲ୍ଲେକେଲରେ ହେବେ ମୁହାଁମୁହିଁ। ୩ଟି ଟି-୨୦ ମ୍ୟାଚ୍ ଖେଳିବେ ଦୁଇ ଦଳ। ଭାରତର ଟି-୨୦ ଅଧିନାୟକ ଭାବେ ସୂର୍ଯ୍ୟ କୁମାର ଏବଂ ହେଡ୍ କୋଚ ଭାବେ ନଜର ଆସିବେ ଗମ୍ଭୀର। ୨୦୨୭ ଦିନିକିଆ ବିଶ୍ବକପ୍ ଯାଏ ରହିଛି ଗମ୍ଭୀରଙ୍କ କାର୍ଯ୍ୟକାଳ,ଭାରତ ତାଙ୍କଠୁ ଅନେକ କିଛି ଆଶା ରଖିଛି, ଟି-୨୦ ବିଶ୍ବକପ୍ ଏବଂ ଦିନିକିଆ ବିଶ୍ବକପ୍ ,ବିଶ୍ବ ଟେଷ୍ଟ ଚମ୍ପିୟାନସିପ ଏବଂ ଚମ୍ପିୟାନ ଟ୍ରଫି ଖେଳିବ ଭାରତ।

ଗମ୍ଭୀରଙ୍କ ପାଇଁ ଆଗାମୀ ୨୦୨୬ ଟ୍ୱେଣ୍ଟି-୨୦ ବିଶ୍ୱକପ୍‌ ଲାଗି ଦୃଢ଼ ଦଳ ଗଠନ ଏକ ଚ୍ୟାଲେଞ୍ଜ ଭାବେ ଉଭା ହୋଇଛି। ବିଶ୍ୱକପ୍‌ରେ ଉପଅଧିନାୟକ ଥିବା ଅଲ୍‌ରାଉଣ୍ଡର ହାର୍ଦିକ ପାଣ୍ଡ୍ୟାଙ୍କ ବଦଳରେ ସୂର୍ଯ୍ୟଙ୍କ ଉପରେ ଭରସା କରିଛି ବିସିସିଆଇ। ଏହା ପୂର୍ବରୁ ୨୦୨୩ ଜାନୁଆରିରେ ଭାରତ ଓ ଶ୍ରୀଲଙ୍କା ମଧ୍ୟରେ ଟି-୨୦ ସିରିଜ୍ ଖେଳାଯାଇଥିଲା। ଏହି ସିରିଜରେ ଭାରତ ୨-୧ରେ ବିଜୟୀ ହୋଇଥିଲା। ତେବେ ଏହାପରେ ଭାରତ ଘରୋଇ ମାଟିରେ ଖେଳିଥିଲା ସିରିଜ୍ ।

ଏଥର ସିରିଜ୍ ଶ୍ରୀଲଙ୍କାରେ ଖେଳାଯାଉଛି।୩ଟି ଟି- ଟ୍ୱେଣ୍ଟି ପରେ, ୩ଟି ଦିନିକିଆ ମ୍ୟାଚ୍ ମଧ୍ୟ ଖେଳାଯିବ ଶ୍ରୀଲଙ୍କାରେ। କଲମ୍ବୋରେ ଖେଳାଯିବାକୁ ଥିବା ଏହି ସିରିଜରେ ରୋହିତ ଶର୍ମାଙ୍କ ଅଧିନାୟକତ୍ୱରେ ଖେଳିବ ଟିମ୍ ଇଣ୍ଡିଆ। ଉଭୟ ଟି-୨୦ ଓ ଦିନିକିଆ ପାଇଁ ଶୁବମନ୍ ଗିଲ୍ ହୋଇଛନ୍ତି ଉପଅଧିନାୟକ।

Argus News | argus news | Odisha Latest News, Breaking News, Trending News, Live TV