ନୀରଜ ଚୋପ୍ରାଙ୍କୁ ମିଳିଲା ସାତ ଜନ୍ମର ସାଥୀ

ଅର୍ଗସ ବ୍ୟୁରୋ: ବିବାହ ବନ୍ଧନରେ ବାନ୍ଧିହେଲେ ନୀରଜ ଚୋପ୍ରା । ଦୁଇ ଦୁଇ ଥର ଅଲମ୍ପିକ ବିଜେତା ନୀରଜ ଚୋପ୍ରାଙ୍କୁ ମିଳିଲା ସାତ ଜନ୍ମର ସାଥୀ । ନିରଡମ୍ବର ଭାବରେ ନିଜ ପରିବାର ବର୍ଗଙ୍କ ଉପସ୍ଥିତିରେ ବିବାହ ବନ୍ଧନରେ ବାନ୍ଧି ହୋଇଛନ୍ତି ଜାଭଲିନ ତାରକା ନୀରଜ ଚୋପ୍ରା । ସୋସିଆଲ ମିଡିଆରେ ନିଜ ଫଟୋ ପୋଷ୍ଟ କରି ନୂଆ ଜୀବନ ଆରମ୍ଭ କରିବାକୁ ଯାଉଥିବା ନେଇ ସୂଚନା ଦେଇଛନ୍ତି ନିରଜ ।

ହିମାଚଳ ପ୍ରଦେଶର ଶିମଲାରେ ପୂର୍ବତନ ଟେନିସ ଖେଳାଳୀ ହିମାନୀ ମୋର୍ ଙ୍କୁ ବିବାହ କରିଛନ୍ତି ନିରଜ । ଖୁବ କମ୍ ଲୋକଙ୍କ ମଧ୍ୟରେ ବିବାହ ଅନୁଷ୍ଠିତ ହୋଇଥିବାବେଳେ ବିବାହର ମାତ୍ର 40 ରୁ 50 ଜଣ ଉପସ୍ଥିତ ଥିଲେ । ବର୍ତ୍ତମାନ ଦୁହେଁ ଆମେରିକାରେ ହନିମୁନ୍ ପାଇଁ ଯାଇଛନ୍ତି । ସେଠାରୁ ଫେରିବା ପରେ ଭାରତରେ ବିବାହ ଭୋଜି ଦେବା ନେଇ ବିଶ୍ୱସ୍ତ ସୁତ୍ରରୁ ସୂଚନା ମିଳିଛି ।

ନୀରଜ ଚୋପ୍ରା ପ୍ୟାରିସ ଗେମ୍ସରେ ତାଙ୍କର ଦ୍ୱିତୀୟ ଅଲିମ୍ପିକ୍ ପଦକ ଜିତିବାର କିଛି ମାସ ପରେ ଏହି ବିବାହ ଅନୁଷ୍ଠିତ ହୋଇଛି । 2021 ମସିହାରେ, ନୀରଜ ଅଲିମ୍ପିକ୍ସରେ ବ୍ୟକ୍ତିଗତ ସ୍ୱର୍ଣ୍ଣ ପଦକ ଜିତିଥିବା ପ୍ରଥମ ଭାରତୀୟ ।