Engagement Twist / ନିର୍ବନ୍ଧ ଭାଙ୍ଗିଲା, ପୁଣି ହେଲା ପ୍ୟାଚଅପ…ନିର୍ବନ୍ଧ ଭାଙ୍ଗିବାର ମାସକରେ ଆକୃତି କାହିଁକି ନେଲେ ୟୁଟର୍ଣ୍ଣ?

ଭାରତୀୟ ଦଳର ଦୀର୍ଘ ସମୟ ହେଲା ବିବାଦରେ ଥିବା ଭାରତୀୟ ଦଳର ଓପନର୍‌ ପୃଥ୍ବୀ ଶ’ଙ୍କ ମଙ୍ଗେତର ଆକୃତି ଅଗ୍ରୱାଲ ଗତ ସେପ୍ଟେମ୍ବର ୧୭ରେ ସେମାନଙ୍କ ନିର୍ବନ୍ଧ ଭାଙ୍ଗିଯାଇଥିବା ନେଇ ଘୋଷଣା କରିଥିଲେ। କିନ୍ତୁ ବର୍ତ୍ତମାନ, ମାତ୍ର ଗୋଟିଏ ମାସ ମଧ୍ୟରେ ସେ ପୁଣିଥରେ ଶ’ଙ୍କ ସହ ପ୍ୟାଚଅପ୍ କରିବାକୁ ନିଷ୍ପତ୍ତି ନେଇଛନ୍ତି। ଆକୃତି ଅଭିଯୋଗ କରିଥିଲେ ଯେ ତାଙ୍କୁ ଭୁଲ ତଥ୍ୟ ଦିଆଯାଇଥିଲା ଯାହା ଫଳରେ ସେ ନିର୍ବନ୍ଧ ଭାଙ୍ଗିବାକୁ ନିଷ୍ପତ୍ତି ନେଇଥିଲେ; ତଥାପି, ବର୍ତ୍ତମାନ ସେ ପରିସ୍ଥିତିକୁ ସମ୍ପୂର୍ଣ୍ଣ ଭାବେ ବୁଝିପାରିଛନ୍ତି ଏବଂ ସମ୍ପର୍କକୁ ନୂଆ କରି ଆରମ୍ଭ କରିବାକୁ ପ୍ରସ୍ତୁତ ଅଛନ୍ତି।

ଆକୃତି ଏବଂ ପୃଥ୍ବୀ ଇନଷ୍ଟାଗ୍ରାମରେ ଏକ ପୋଷ୍ଟ ମାଧ୍ୟମରେ ଏହି ଖବର ଶେୟାର କରିଛନ୍ତି। ସେ ଏହା ମଧ୍ୟ ସ୍ବୀକାର କରିଛନ୍ତି ଯେ ତାଙ୍କ ନିଷ୍ପତ୍ତି ଯୋଗୁ ପୃଥ୍ବୀଙ୍କୁ ଅତ୍ୟନ୍ତ କଷ୍ଟ ସହିବାକୁ ପଡ଼ିଥିଲା ଏବଂ ଏହା ତାଙ୍କ ପାଇଁ ହୋଇଥିଲା ବୋଲି ସେ ସ୍ବୀକାର କରିଛନ୍ତି। ତାଙ୍କ ଯୋଗୁ ପୃଥ୍ବୀ ବହୁ କଷ୍ଟ ପାଇଲେ। ଉଲ୍ଲେଖନୀୟ ଯେ, ଏହି ଯୋଡ଼ି ଚଳିତ ବର୍ଷ ମାର୍ଚ୍ଚରେ ନିର୍ବନ୍ଧ କରିଥିଲେ ଏବଂ ଆକୃତି ଗତ ମାସରେ ହିଁ ସମ୍ପର୍କ ଭାଙ୍ଗିବା ନେଇ ଘୋଷଣା କରିଥିଲେ; ବର୍ତ୍ତମାନ ସେ ସେହି ନିଷ୍ପତ୍ତିକୁ ଏକ ଭୁଲ ବୋଲି ମାନିନେଇ ଶ’ଙ୍କ ସହ ରହିବାକୁ କହିଛନ୍ତି।

ଏହି ପୋଷ୍ଟକୁ ଶେୟାର୍‌ କରି ଆକୃତି ଲେଖିଛନ୍ତି, ‘ମୁଁ ମୋର ନିକଟତର ବ୍ୟକ୍ତିବିଶେଷଙ୍କ ପରାମର୍ଶ କ୍ରମେ ଏହି ସମ୍ପର୍କକୁ ଶେଷ କରିବାକୁ ନିଷ୍ପତ୍ତି ନେଇଥିଲି, ଯେଉଁମାନେ ବୋଧହୁଏ ଆମ ସମ୍ପର୍କକୁ ଅଧିକ ଭଲ ଭାବରେ ବୁଝିପାରୁଥିଲେ। ମୋ ଏବଂ ମୋର ହେବାକୁ ଥିବା ସ୍ବାମୀଙ୍କ ମଧ୍ୟରେ ଥିବା ସମ୍ପର୍କ ଉପରେ ସେମାନଙ୍କର ବେଶ ପ୍ରଭାବ ରହିଥିଲା। ମୋତେ ଲାଗୁଛି ଯେ ମୋତେ ଭୁଲ ପଥରେ ପରିଚାଳିତ କରାଯାଇଥିଲା। ଆମ ଭିତରେ ସିଧାସଳଖ କଥାବାର୍ତ୍ତା ହେବା ଆବଶ୍ୟକ ଥିଲା। ସେହି ନିଷ୍ପତ୍ତି ଏବଂ ତା’ଫଳରେ ସୃଷ୍ଟି ହୋଇଥିବା ଯନ୍ତ୍ରଣା ପାଇଁ ମୁଁ ସମ୍ପୂର୍ଣ୍ଣ ଦାୟୀ।’
ଆକୃତି ଏହା ମଧ୍ୟ ଜଣାଇଛନ୍ତି ଯେ ସେ ଏବଂ ଶ ପୁନର୍ବାର ଏକାଠି ହେବାକୁ ନିଷ୍ପତ୍ତି ନେଇଛନ୍ତି। ବର୍ତ୍ତମାନ ସେ ଚାହୁଁଛନ୍ତି ଯେ ବାହାରର ଲୋକଙ୍କ ହସ୍ତକ୍ଷେପ ବିନା ସେମାନଙ୍କ ସମ୍ପର୍କ କେବଳ ସେମାନଙ୍କ ମଧ୍ୟରେ ହିଁ ସୀମିତ ରହୁ।

ସେ ଲେଖିଛନ୍ତି, ‘ଆମେ ଖୋଲାଖୋଲି ଭାବେ କଥା ହୋଇଛୁ, ପରସ୍ପରକୁ ବୁଝିଛୁ ଏବଂ ପୁନର୍ବାର ଏକାଠି ରହିବାକୁ ନିଷ୍ପତ୍ତି ନେଇଛୁ। ଆମେ ପରସ୍ପର ପାଇଁ ଯଥେଷ୍ଟ ଏବଂ ମିଳିତ ଭାବେ ଏହି ସମ୍ପର୍କକୁ ଆଗକୁ ନେଇପାରିବୁ; ଆମକୁ ଅନ୍ୟ କାହାର ଆବଶ୍ୟକତା ନାହିଁ। ମୁଁ ଚାହେଁ ଯେ ଏଥର ଆମର ଭବିଷ୍ୟତ ଆମର ଭଲପାଇବା, ପାରସ୍ପରିକ ବୁଝାମଣା ଏବଂ ବିଶ୍ୱାସ ଉପରେ ଆଧାରିତ ହେଉ। ଦୟାକରି ଆମ ନିଷ୍ପତ୍ତିକୁ ସମ୍ମାନ କରନ୍ତୁ। ଆମେ ଏକ ନୂଆ ଆରମ୍ଭ କରୁଛୁ।’

• ଆକୃତି ଅଗ୍ରଓ୍ବାଲ କିଏ?

ଆକୃତି ଅଗ୍ରଓ୍ବାଲ ହେଉଛନ୍ତି ଜଣେ ଲୋକପ୍ରିୟ ସୋସିଆଲ ମିଡିଆ ଇନଫ୍ଲୁଏନ୍ସର। ସେ ଇନଷ୍ଟାରେ ଖୁବ ସକ୍ରିୟ ରୁହନ୍ତି। ସେ ସାଉଥ ଇଣ୍ଡଷ୍ଟ୍ରୀରେ ମଧ୍ୟ କାମ କରିସାରିଛନ୍ତି। ଡିଜିଟାଲ କଣ୍ଟେଣ୍ଟ ମାଧ୍ୟମରେ ଆକୃତି ନିଜର ପରିଚୟ କରିସାରିଛନ୍ତି।

• ଶ’ଙ୍କ କ୍ୟାରିୟର

ପୃଥ୍ବୀ ଶ ଏପର୍ଯ୍ୟନ୍ତ ଇଣ୍ଡିଆ ଟିମ ପାଇଁ ୫ ଟେଷ୍ଟ ମ୍ୟାଚରେ ୪୨.୩୭ ଷ୍ଟ୍ରାଇକ ରେଟରେ ୩୩୯ ରନ କରିଛନ୍ତି। ଏହାବ୍ୟତୀତ ୬ଟି ଦିନିକିଆରେ ସେ ଭାରତ ପାଇଁ ୧୮୯ ରନ କରିଛନ୍ତି। ୨୬ବର୍ଷୀୟ ଶ ଭାରତ ପାଇଁ ଶେଷଥର ୨୦୨୧ ମସିହାରେ ଖେଳିଥିଲେ। ଏହାପରେ ସେ ଆଉ ଟିମରେ ନଜର ଆସି ନଥିଲେ। ସେ ତାଙ୍କର ଡେବ୍ୟୁ ମ୍ୟାଚରେ ଭାରତ ପାଇଁ ଶତକ ପାଳି ଖେଳିଥିଲେ। ସେତେବେଳେ ତାଙ୍କ ତୁଳନା ସଚିନ ତେନ୍ଦୁଲକରଙ୍କ ସହ କରାଯାଉଥିଲା। କିନ୍ତୁ ଏବେ ତାଙ୍କର ଇଣ୍ଡିଆ ଟିମକୁ ଫେରିବାର ରାସ୍ତା ପୁରାପୁରି ବନ୍ଦ ହୋଇଯାଇଛି।