Wedding Update News / କୌଣସି ରିସେପ୍ସନ୍ ହେବନି…ବିବାହକୁ ନେଇ ରିଙ୍କୁଙ୍କ ମଙ୍ଗେତର ପ୍ରିୟା ସରୋଜଙ୍କ ବଡ଼ ଘୋଷଣା

ନିର୍ବନ୍ଧ ପରେ ପ୍ରଥମଥର ସାଂସଦ ପ୍ରିୟା ସରୋଜ ନିଜ ବିବାହ ଏବଂ ରିଙ୍କୁ ସିଂଙ୍କ ବିଷୟରେ ମୁହଁ ଖୋଲିଛନ୍ତି। ସେ କହିଛନ୍ତି ଯେ, ଏମିତି ତ ଘର ଲୋକ ଚାହୁଁଛନ୍ତି ଗାଁ ଘରେ ବିବାହ କରିବାକୁ ଚାହାଁନ୍ତି, କିନ୍ତୁ ଏହା ସମ୍ଭବ ନୁହେଁ। ଅଲଗା ରିସେପ୍ସନ ଆୟୋଜନ କରାଯିବ ନାହିଁ। ବିବାହ ଦିନ ହିଁ ସବୁ ଅତିଥିମାନଙ୍କୁ ନିମନ୍ତ୍ରଣ କରାଯିବ। ଚଳିତ ବର୍ଷ ଉତ୍ତର ପ୍ରଦେଶ ନିର୍ବାଚନ ପୂର୍ବରୁ ହିଁ ଆମର ବିବାହ ହେବ।

• ଗାଁରେ ବିବାହ କରିବାକୁ ଚାହୁଁଥିଲେ ପ୍ରିୟା

ପ୍ରିୟା ସରୋଜ କହିଛନ୍ତି ଯେ, “ତାଙ୍କ ପରିବାରର ପ୍ରାୟ ସମସ୍ତ ବିବାହ ଗାଁରେ ହୋଇଛି।“ପିଲାଦିନରୁ, ସେ ନିଜ ଘରେ ବିବାହ ହେଉଥିବା ଦେଖିଛନ୍ତି ଏବଂ ସମାନ ପରିବେଶରେ ବିବାହ କରିବାକୁ ଇଚ୍ଛା କରିଛନ୍ତି। ସେ କହିଛନ୍ତି ଯେ ତାଙ୍କର ସେହି ଗାଁ ସହିତ ଏକ ଭାବପ୍ରବଣ ସମ୍ପର୍କ ଅଛି, ଯେଉଁଠାରେ ସେ ତାଙ୍କ ପିଲାଦିନ ବିତାଇଥିଲେ, ଏବଂ ସେଠାରୁ ସ୍ମୃତି ସବୁଠାରୁ ସ୍ୱତନ୍ତ୍ର ରହିଛି। ସେ ପୂର୍ବରୁ ଯୋଜନା କରିଥିଲେ ଯେ ବିବାହ ଗାଁରେ ଅନୁଷ୍ଠିତ ହେବ, ଏକ ମଣ୍ଡପ (ମଣ୍ଡପ) ସ୍ଥାପନ କରାଯିବ, ସମ୍ପର୍କୀୟମାନେ ଯୋଗଦେବେ ଏବଂ ଏକ ପାରମ୍ପରିକ ପାରିବାରିକ ସମାବେଶ ହେବ। ସେ କୁହନ୍ତି ଯେ ଏକ ବଡ଼ ସହର ହୋଟେଲ କିମ୍ବା ଭୋଜି ଅପେକ୍ଷା ଗାଁରେ ବାହା ହେଲେ ଅଧିକ ଖୁସି ଲାଗିଥାଆନ୍ତା। କିନ୍ତୁ ତାହା ହୋଇପାରିଲାନି। ବିବାହ ବନାରସ କିମ୍ବା ଲକ୍ଷ୍ନୌରେ ହେବ। ଯାହା ଆମ ଘରଠାରୁ ଏକ ଘଣ୍ଟାର ଦୂରତା। ବନାରସ ୪ ଘଣ୍ଟାର ଦୂରତାରେ ଅବସ୍ଥିତ। ତେବେ ଲକ୍ଷ୍ନୌରେ ହେବାର ଅଧିକ ସମ୍ଭାବନା ରହିଛି।

• ଅଲଗା ରିସେପ୍ସନ କରାଯିବ ନାହିଁ

ବିବାହକୁ ନେଇ ପ୍ରିୟା ସରୋଜ ବଡ଼ ଖୁଲାସା କରିଛନ୍ତି। ରିସେପ୍ସନକୁ ନେଇ ଆଉ ଏକ ବଡ଼ କଥା କହିଛନ୍ତି ଅଲଗା ଭାବେ କୌଣସି ରିସେପ୍ସନ ଆୟୋଜନ କରିବାର ଯୋଜନା ବର୍ତ୍ତମାନ ସୁଦ୍ଧା ନାହିଁ। ବିବାହରେ ଉଭୟ ପକ୍ଷର ଅତିଥିଙ୍କୁ ନିମନ୍ତ୍ରଣ କରାଯିବ। ସେଥିପାଇଁ ଆଉ ଦ୍ବିତୀୟଥର ରିସେପ୍ସନର କୌଣସି ଆବଶ୍ୟକତା ହିଁ ନାହିଁ।

• ନିର୍ବାଚନ ପୂର୍ବରୁ ହେବ ବିବାହ

ପ୍ରିୟା ସରୋଜ କହିଛନ୍ତି, ବିବାହ ନଭେମ୍ବର କିମ୍ବା ଡିସେମ୍ବରରେ ଅନୁଷ୍ଠିତ ହେବ। ଦୀପାବଳି ପରେ ବିବାହ ପାଇଁ ଶୁଭ ତିଥି ବାହାର କରାଯିବ। ପ୍ରିୟା କହିଛନ୍ତି ଯେ, “ ନିର୍ବାଚନ ପୂର୍ବରୁ ହିଁ ବିବାହ କାର୍ଯ୍ୟ ସମ୍ପନ୍ନ କରାଯିବ।“ ଯେମିତି କି ପରେ ରାଜନୈତିକ କାମରେ କୌଣସି ସମସ୍ୟା ନହୁଏ। ସେଥିପାଇଁ ରିସେପ୍ସନର କୌଣସି ପ୍ଲାନ ନାହିଁ।

• ଏକ ଇନଷ୍ଟା ଲାଇକରୁ ଆରମ୍ଭ ହୋଇଥିଲା ଲଭଷ୍ଟୋରୀ

ପ୍ରିୟା ସରୋଜ ନିଜ ଲଭଷ୍ଟୋରୀ ବିଷୟରେ ସବୁଠୁ ଆଶ୍ଚର୍ଯ୍ୟକର ଘଟଣା ଫ୍ୟାନ୍ସଙ୍କୁ ଜଣାଇଛନ୍ତି। ସେ କହିଛନ୍ତି ଯେ, ତାଙ୍କ ଭଉଣୀ ଜଣେ ଫୁଡ ବ୍ଲଗର ଆଉ ତାଙ୍କର ଏକ ଫୁଡ ପେଜ ଥିଲା। କେହି ଜଣେ ରିଙ୍କୁ ସିଂହଙ୍କୁ ସେହି ପେଜର ପ୍ରମୋସନ କରିବାକୁ ପରାମର୍ଶ ଦେଇଥିଲେ। ତାଙ୍କୁ କୁହାଯାଇଥିଲା ଯେ, ରିଙ୍କୁ ଖୁବ ଶାନ୍ତ ସ୍ବଭାବର ସେ ଏତେ ବଡ଼ କ୍ରିକେଟର ହେଲେ ବି ନିଶ୍ଚିତ ତୁମକୁ ସାହାଯ୍ୟ କରିବେ। ଏହି ସମୟରେ ପ୍ରିୟା ପ୍ରଥମେ ଇନଷ୍ଟାଗ୍ରାମରେ ରିଙ୍କୁ ସିଂହଙ୍କ ପ୍ରୋଫାଇଲ୍ ଦେଖିଥିଲେ। ସେହି ସମୟରେ ଆଇପିଏଲରେ ରିଙ୍କୁ ନିଜର ପରିଚୟ ସୃଷ୍ଟି କରିସାରିଥିଲେ। ପ୍ରିୟା କହିଥିଲେ ଯେ, “ସେହି ସମୟରେ ତାଙ୍କର ୧ହଜାର ଫଲୋର୍ସ ହୋଇସାରିଥିଲେ। “ ଯେତବେଳେ କି ରିଙ୍କୁ ଙ୍କର ୧.୨୦ ଲକ୍ଷ ଫଲୋର୍ସ ଥିଲେ। ସେ ରିଙ୍କୁଙ୍କ ଗୋଟିଏ ଫଟୋକୁ ପସନ୍ଦ କରିଥିଲେ, ଏବଂ ଏହାପରେ ଏହି କଥା ଏହିଠାରେ ହିଁ ସରିଥିଲା। କିନ୍ତୁ କିଛିଦିନ ପରେ ହଠାତ ରିଙ୍କୁଙ୍କ ମୋବାଇଲରୁ ଏକ ମେସେଜ ଆସିଲା ଆଉ ଏହିଠାରୁ ହିଁ ଉଭୟଙ୍କର କଥାବାର୍ତ୍ତା ଆରମ୍ଭ ହୋଇଥିଲା।

• ପ୍ରଥମେ ଭାଇ କରୁଥିଲେ ରିଙ୍କୁଙ୍କ ସହ ଚାଟ

ପ୍ରିୟା ଆଉ ଏକ ଇଣ୍ଟରେଷ୍ଟିଙ୍ଗ କଥା କହିଛନ୍ତି ପ୍ରଥମେ ପ୍ରଥମେ କଥା ହେବାକୁ ଟିକେ ଭଲ ଲାଗୁ ନଥିଲା। ସେଥିପାଇଁ ମେସେଜ ଆସିବାକ୍ଷଣି ମୁଁ ମୋ ଭାଇକୁ ଦେଇ ଦେଉଥିଲି। ପ୍ରାୟ ଗୋଟିଏ ସପ୍ତାହ ମୋ ଭାଇ ରିଙ୍କୁ ସହ ଚାଟ କରିଛି। ସେହିଭଳି ରିଙ୍କୁଙ୍କ ପକ୍ଷରୁ ମଧ୍ୟ ରିଙ୍କୁଙ୍କ ବନ୍ଧୁ ତଥା କ୍ରିକେଟର ନୀତିଶ ରାଣା ଚାଟ କରୁଥିଲେ। ଧୀରେ ଧୀରେ, ଦୁଇ ପରିବାର ଏବଂ ଉଭୟ ପକ୍ଷଙ୍କ ମଧ୍ୟରେ ବିଶ୍ୱାସ ବୃଦ୍ଧି ପାଇଲା ଏବଂ କଥାବାର୍ତ୍ତା ଆଗକୁ ବଢ଼ିଲା। ଆଉ ଏବେ ଏହି ସମ୍ପର୍କ ଖୁବଶୀଘ୍ର ବିବାହରେ ସମାପ୍ତ ହେବ। ଦୁହିଁଙ୍କ ବିବାହକୁ ନେଇ ପୁରା କ୍ରିକେଟ ପରିବାର ଖୁସି।