ଅଭିଜ୍ଞ କ୍ରୀଡା ପ୍ରଶାସକ ଏବଂ ଏସୀୟ କ୍ରୀଡାରେ ଭାରତର ପ୍ରଥମ ସୁଟିଂ ସ୍ୱର୍ଣ୍ଣ ପଦକ ବିଜେତା ରଣଧୀର ସିଂହଙ୍କର ବୁଧବାର (୨୭ ମେ, ୨୦୨୬) ଦିନ ପରଲୋକ ଘଟିଛି। ନୂଆଦିଲ୍ଲୀରେ ବୟସ ସମ୍ବନ୍ଧୀୟ ରୋଗ ସହିତ ଲଢ଼େଇ ପରେ ପରଲୋକ ହୋଇଯାଇଛି। ମୃତ୍ୟୁ ବେଳକୁ ତାଙ୍କୁ ୭୯ ବର୍ଷ ବୟସର ହୋଇଥଇଲା । ଏବଂ ନୂଆଦିଲ୍ଲୀସ୍ଥିତ ତାଙ୍କ ବାସଭବନରେ ଶେଷ ନିଶ୍ୱାସ ନେବା ପୂର୍ବରୁ କିଛି ଦିନ ଧରି ହସ୍ପିଟାଲରେ ଭର୍ତ୍ତି ହୋଇଥିଲେ।''ରଣଧୀର ସିଂହଙ୍କୁ ଅଲିମ୍ପିୟାନ ରାଜା ବୋଲି କୁହାଯାଏ। ସ୍ୱାସ୍ଥ୍ୟଗତ ସମସ୍ୟା ଯୋଗୁଁ ଅଲିମ୍ପିକ୍ ପରିଷଦ ଅଫ୍ ଏସିଆ (OCA)ର ସଭାପତି ପଦରୁ ଇସ୍ତଫା ଦେଇଛନ୍ତି। ସେ 2024 ମସିହାରେ ଚାରି ବର୍ଷ ପାଇଁ ନିର୍ବାଚିତ ହୋଇଥିଲେ।''

"ଗଭୀର ଦୁଃଖର ସହିତ, ଆମେ ରାଜା ରଣଧୀର ସିଂହଙ୍କ ପରଲୋକର ଦୁଃଖଦ ଖବର ଶୁଣାଉଛୁ, ଯାହାଙ୍କର ଆଜି ଦେହାନ୍ତ ଘଟିଛି," ଜାତୀୟ ରାଇଫଲ୍ସ ଆସୋସିଏସନ୍ ଅଫ୍ ଇଣ୍ଡିଆ (NRAI)ର ସଚିବ ରାଜୀବ ଭାଟିଆ କହିଛନ୍ତି।''"ଜଣେ ପ୍ରତିଷ୍ଠିତ ଅଲିମ୍ପିଆନ୍, ଅର୍ଜୁନ ପୁରସ୍କାର ବିଜେତା ଏବଂ ଭାରତ, ଏସିଆ ଏବଂ ଅନ୍ତର୍ଜାତୀୟ ଅଲିମ୍ପିକ୍ କମିଟିର ସବୁଠାରୁ ସମ୍ମାନିତ କ୍ରୀଡ଼ା ପ୍ରଶାସକଙ୍କ ମଧ୍ୟରୁ ଜଣେ ହେଉଛନ୍ତି ରାଜା ରଣଧୀର ସିଂହ। ସୁଟିଂ କ୍ରୀଡା ଏବଂ ଅଲିମ୍ପିକ୍ ଆନ୍ଦୋଳନର ବିକାଶରେ ଅମୂଲ୍ୟ ଅବଦାନ ଦେଇଥିଲେ। ଭାରତୀୟ ଜାତୀୟ ରାଇଫଲ୍ ସଂଘ ଏବଂ ସମଗ୍ର ସୁଟିଂ ସମାଜ ଏହି ଅପୂରଣୀୟ କ୍ଷତି ପାଇଁ ଶୋକ ପ୍ରକାଶ କରୁଛି ଏବଂ ତାଙ୍କ ପରିବାର ଏବଂ ପ୍ରିୟଜନଙ୍କ ପ୍ରତି ଗଭୀର ସମବେଦନା ଜଣାଉଛି। ତାଙ୍କ ମହାନ ଆତ୍ମାକୁ ଶାନ୍ତି ମିଳୁ," ସେ ଆହୁରି ମଧ୍ୟ କହିଛନ୍ତି।

ଏଥିସହ ପଢ଼ନ୍ତୁ: ବୈଭବ ସୂର୍ଯ୍ୟବଂଶୀଙ୍କ ବିସ୍ଫୋରକ ବ୍ୟାଟିଂ, ୧୦ ବଲ୍‌ରେ ୫୦ ରନ୍‌...ଭାଇରାଲ ହେଲା ଭିଡିଓ

ସିଂହଙ୍କ ଚମତ୍କାର କ୍ରୀଡ଼ା କ୍ୟାରିୟରରେ ପାଞ୍ଚଟି ଅଲିମ୍ପିକ୍ ପ୍ରଦର୍ଶନ ଏବଂ ୧୯୭୮ ବ୍ୟାଙ୍କକ୍ ଏସୀୟ କ୍ରୀଡ଼ାରେ ଐତିହାସିକ ଟ୍ରାପ୍ ସ୍ୱର୍ଣ୍ଣ ଅନ୍ତର୍ଭୁକ୍ତ ଥିଲା।''ତାଙ୍କର ସମାନ ସଫଳ ପ୍ରଶାସନିକ କ୍ୟାରିୟରରେ, ସେ ଭାରତୀୟ ଅଲିମ୍ପିକ୍ ସଂଘ (IOA)ର ମହାସଚିବ ଏବଂ ଅନ୍ତର୍ଜାତୀୟ ଅଲିମ୍ପିକ୍ କମିଟି (IOC)ର ସଦସ୍ୟ ଭାବରେ କାର୍ଯ୍ୟ କରିଥିଲେ। ରଣଧୀର ସିଂହଙ୍କ ପରିବାରରେ ତାଙ୍କ ପତ୍ନୀ ବିନିତା ଓ ୩ ଝିଅ ମହିମା, ସୁନୈନା ଓ ରାଜେଶ୍ୱରୀ ଅଛନ୍ତି। ଏଥିରେ ସିଂହଙ୍କ ଝିଅ ରାଜେଶ୍ୱରୀ ମଧ୍ୟ ଜଣେ ସୁଟର। ସ୍ୱାସ୍ଥ୍ୟଗତ ସମସ୍ୟା କାରଣରୁ ସିଂହ ନିକଟରେ ଏସିୟା ଅଲିମ୍ପିକ ପରିଷଦ (ଓସିଏ) ଅଧ୍ୟକ୍ଷ ପଦରୁ ଇସ୍ତଫା ଦେଇଥିଲେ।

ଅଧିକ ପଢ଼ନ୍ତୁ ଖେଳ ଖବର: