ଭାରତର ରାଷ୍ଟ୍ରପତି ଦ୍ରୌପଦୀ ମୁର୍ମୁ ପୂର୍ବତନ ଭାରତୀୟ କ୍ରିକେଟ ଦଳର ଅଧିନାୟକ ରୋହିତ ଶର୍ମାଙ୍କୁ ପଦ୍ମଶ୍ରୀ ପୁରସ୍କାରରେ ସମ୍ମାନିତ କରିଛନ୍ତି। ରୋହିତ ଶର୍ମା ଜୁନ୍ ୨୩, ମଙ୍ଗଳବାର ଦିନ ନୂଆଦିଲ୍ଲୀର ରାଷ୍ଟ୍ରପତି ଭବନରେ ଦେଶର ଚତୁର୍ଥ ସର୍ବୋଚ୍ଚ ନାଗରିକ ସମ୍ମାନ ଗ୍ରହଣ କରିଛନ୍ତି। ରୋହିତଙ୍କୁ ଏହି ସମ୍ମାନ ଚଳିତ ବର୍ଷ ମେ ମାସରେ ମିଳିବା କଥା ଥିଲା, କିନ୍ତୁ କ୍ରିକେଟ୍ ସମ୍ବନ୍ଧୀୟ କାରଣରୁ ପୂର୍ବତନ ଭାରତୀୟ ଅଧିନାୟକ ରାଷ୍ଟ୍ରପତି ଭବନରେ ପହଞ୍ଚିପାରି ନଥିଲେ।

A highly prestigious honour for a great of the game 🙌

President of India, Smt Droupadi Murmuji @rashtrapatibhvn confers former #TeamIndia captain Rohit Sharma @ImRo45 with the Padma Shri award 👏
pic.twitter.com/6EyffHr1A4

— BCCI (@BCCI) June 23, 2026

• ରୋହିତ ଶର୍ମାଙ୍କ ପାଇଁ ଦିନଟି ଥିଲା ସ୍ୱତନ୍ତ୍ର
  

ଏହି ଦିନଟି ରୋହିତ ଶର୍ମାଙ୍କ ପାଇଁ ମଧ୍ୟ ସ୍ୱତନ୍ତ୍ର କାରଣ ଜୁନ୍ ୨୩, ୨୦୦୭ ରେ ସେ ଆୟର୍ଲାଣ୍ଡ ବିପକ୍ଷରେ ଏକ ଦିନିକିଆରେ ତାଙ୍କର ପ୍ରଥମ ଅନ୍ତର୍ଜାତୀୟ ମ୍ୟାଚ୍ ଖେଳିଥିଲେ। ୧୯ ବର୍ଷ ପରେ, ସେହି ତାରିଖରେ ରାଷ୍ଟ୍ରପତି ଦ୍ରୌପଦୀ ମୁର୍ମୁ ତାଙ୍କୁ ପଦ୍ମଶ୍ରୀରେ ସମ୍ମାନିତ କରିଥିଲେ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସମେତ ଅନେକ ପ୍ରମୁଖ ବ୍ୟକ୍ତିତ୍ୱ ଏହି ସମ୍ମାନ ଉତ୍ସବରେ ଉପସ୍ଥିତ ଥିଲେ। ରୋହିତ ଶର୍ମା କଳା ସୁଟ୍ ପିନ୍ଧି ରାଷ୍ଟ୍ରପତିଙ୍କ ସମ୍ମୁଖରେ ହାତ ଯୋଡି ପୁରସ୍କାର ଗ୍ରହଣ କରିଥିଲେ। ରୋହିତ ଶର୍ମା 2026 ମସିହାରେ ପଦ୍ମଶ୍ରୀରେ ସମ୍ମାନିତ ହୋଇଥିବା ଏକମାତ୍ର କ୍ରିକେଟର ନୁହଁନ୍ତି। ମେ ମାସରେ ଭାରତୀୟ ମହିଳା କ୍ରିକେଟ ଦଳର ଅଧିନାୟକ ହରମନପ୍ରୀତ କୌରଙ୍କୁ ପଦ୍ମଶ୍ରୀରେ ସମ୍ମାନିତ କରାଯାଇଥିଲା। ହରମନପ୍ରୀତଙ୍କ ଅଧିନାୟକତ୍ୱରେ ଟିମ୍ ଇଣ୍ଡିଆ 2025 ODI ବିଶ୍ୱକପ୍ ଜିତିଥିଲା।

ଏହାସହ ପଢ଼ନ୍ତୁ: ଇଂଲଣ୍ଡ T20I ସିରିଜରେ ଫେଲ୍ ହେଲେ ଶେଷ…ଏହି ୩ ଭାରତୀୟ ଖେଳାଳିଙ୍କ କ୍ୟାରିଅର ଉପରେ ଝୁଲୁଛି ଖଣ୍ଡା

ରେକର୍ଡର ବାଦଶାହ ହିଟମ୍ୟାନ
ରୋହିତ ଶର୍ମା ତାଙ୍କ ଐତିହାସିକ କ୍ୟାରିୟରରେ ଅନେକ ସଫଳତା ହାସଲ କରିଛନ୍ତି। ସେ ଏପର୍ଯ୍ୟନ୍ତ ଟିମ୍ ଇଣ୍ଡିଆ ଜର୍ସି ପିନ୍ଧି 510 ଟି ଅନ୍ତର୍ଜାତୀୟ ମ୍ୟାଚ୍ ଖେଳିଛନ୍ତି। ଏହି 19 ବର୍ଷର ଯାତ୍ରାରେ, ସେ ତିନୋଟି ଫର୍ମାଟରେ 20173 ରନ ଏବଂ 50 ଶତକ ମାରିଛନ୍ତି। ସେ ଅନ୍ତର୍ଜାତୀୟ କ୍ରିକେଟରେ 653 ଟି ଛକା ମାରିଛନ୍ତି, ଯାହା ବିଶ୍ୱରେ ସର୍ବାଧିକ।

ରୋହିତ ଶର୍ମା ODI କ୍ରିକେଟ ଇତିହାସରେ ଏକମାତ୍ର କ୍ରିକେଟର ଯିଏ ତିନୋଟି ଦ୍ୱିଶତକ ମାରିଛନ୍ତି। ସେ ଟି-୨୦ ଏବଂ ଟେଷ୍ଟ କ୍ରିକେଟରୁ ଅବସର ନେଇସାରିଛନ୍ତି, କିନ୍ତୁ ଏବେ ବି ଏକଦିବସୀୟ କ୍ରିକେଟରେ ସକ୍ରିୟ ଅଛନ୍ତି।