କ୍ରିଷ୍ଟିଆନୋ ରୋନାଲ୍ଡୋ ଆଜି ଆଉ ଏକ ରେକର୍ଡ ସ୍ଥାପନ କରିଛନ୍ତି, ଫିଫା ବିଶ୍ୱକପ୍ ନକଆଉଟ୍ ମ୍ୟାଚ୍ ଖେଳିଥିବା ସବୁଠାରୁ ବୟସ୍କ ଖେଳାଳି ହୋଇଛନ୍ତି। ପର୍ତ୍ତୁଗାଲ୍ ରାଉଣ୍ଡ ଅଫ୍ 32ରେ କ୍ରୋଏସିଆକୁ 2-1 ଗୋଲରେ ପରାସ୍ତ କରି ପରବର୍ତ୍ତୀ ପର୍ଯ୍ୟାୟ (ରାଉଣ୍ଡ ଅଫ୍ 16)କୁ ଉନ୍ନୀତ ହୋଇଛି। ଏହି aମ୍ୟାଚ୍ ପୂର୍ବରୁ କାଟିଆ ଆଭେରୋ ତାଙ୍କ ଭାଇ ରୋନାଲ୍ଡୋଙ୍କ ଅବସର ସମ୍ପର୍କରେ ଇଙ୍ଗିତ ଦେଇ ଏକ ଚାଞ୍ଚଲ୍ୟ ସୃଷ୍ଟି କରିଛନ୍ତି। ମ୍ୟାଚ୍ ପରେ ରୋନାଲ୍ଡୋ ନିଜେ ପ୍ରତିକ୍ରିୟା ଦେଇଥିଲେ।

ଏହାସହ ପଢ଼ନ୍ତୁ: ୧୨ ଦିନ ସାଇକେଲ ଚଲାଇ ହାର୍ଦ୍ଦିକଙ୍କୁ ଭେଟିଲେ ଓଡ଼ିଆ ପୁଅ…ଭାବୁକ ହେଲେ ପାଣ୍ଡ୍ୟା

• ରୋନାଲ୍ଡୋଙ୍କ ଭଉଣୀ କଣ କହିଲେ?

କ୍ରିଷ୍ଟିଆନୋ ରୋନାଲ୍ଡୋଙ୍କ ଭଉଣୀ କାଟିଆ ଆଭେରୋ ସ୍ପୋର୍ଟସ୍ ଟିଭି ସହିତ ଏକ ସାକ୍ଷାତକାରରେ ରୋନାଲ୍ଡୋଙ୍କ ଅବସର ସମ୍ପର୍କରେ ଇଙ୍ଗିତ କରିଥିଲେ। ସେ କହିଥିଲେ, "ମୋ ପାଖରେ ସୂତ୍ରରୁ ସୂଚନା ଅଛି ଯେ ରୋନାଲ୍ଡୋ ଏହି ବିଶ୍ୱକପ୍ ପରେ ଅବସର ନେଇପାରନ୍ତି। ସେ ପଡ଼ିଆରେ ଥିବା ସମୟରେ ଏହାକୁ ଉପଭୋଗ କରନ୍ତୁ। ଆଜି ନୁହେଁ, କିନ୍ତୁ ଏହା ଖୁବ୍ ଶୀଘ୍ର ହେବ। ମୁଁ ଭାବୁଛି ସେ ଶେଷ ଥର ପାଇଁ ଖେଳୁଛନ୍ତି।"
କ୍ରିଷ୍ଟିଆନୋ ରୋନାଲ୍ଡୋ 2003 ମସିହାରେ 18 ବର୍ଷ ବୟସରେ ପର୍ତ୍ତୁଗାଲ୍ ଜାତୀୟ ଦଳ ପାଇଁ ଡେବ୍ୟୁ କରିଥିଲେ। ରୋନାଲ୍ଡୋ ଛଅଟି ବିଶ୍ୱକପ୍ ଖେଳିଥିବା କେବଳ ତିନି ଜଣ ଖେଳାଳିଙ୍କ ମଧ୍ୟରୁ ଜଣେ। ସେ ଛଅଟି ବିଶ୍ୱକପ୍ ରେ ଗୋଲ କରିଥିବା ଏକମାତ୍ର ଫୁଟବଲ୍ ଖେଳାଳି। ସେ କ୍ରୋଏସିଆ ବିପକ୍ଷ ନକଆଉଟ୍ ମ୍ୟାଚ୍ ରେ ମଧ୍ୟ ଗୋଟିଏ ଗୋଲ କରିଥିଲେ। ରୋନାଲ୍ଡଙ୍କ ବୟସ ୪୧ ବର୍ଷ, ଏବଂ ଏହି ବିଶ୍ୱକପ୍ ତାଙ୍କର ଶେଷ ବିଶ୍ୱକପ୍ ହେବ ବୋଲି ଆଶା କରାଯାଉଛି।

• ରୋନାଲ୍ଡୋ ଅବସର ବିଷୟରେ କ’ଣ କହିଥିଲେ?

ତଥାପି, କ୍ରିଷ୍ଟିଆନୋ ରୋନାଲ୍ଡୋ ନିଜେ ଏହି ଖବରକୁ ମିଥ୍ୟା ବୋଲି କହି ଖାରଜ କରିଦେଇଥିଲେ ଯେ ସେ କୌଣସି ତରବର ନିଷ୍ପତ୍ତି ନେବେ ନାହିଁ ଏବଂ ଏହା ବିଷୟରେ ଆଦୌ ଚିନ୍ତା କରିବେ ନାହିଁ। କ୍ରୋଏସିଆ ବିପକ୍ଷ ମ୍ୟାଚ୍‌ରେ ପ୍ଲେୟାର ଅଫ୍ ଦି ମ୍ୟାଚ୍ ପୁରସ୍କାର ପାଇବା ପରେ, ସେ କହିଥିଲେ, "ଏହା ଏବେ ଗୁରୁତ୍ୱପୂର୍ଣ୍ଣ ନୁହେଁ। ଟୁର୍ଣ୍ଣାମେଣ୍ଟ ଶେଷ ହେବା ପରେ ଏହା ବିଷୟରେ ଚିନ୍ତା କରିବା ପାଇଁ ମୋ ପାଖରେ ପ୍ରଚୁର ସମୟ ରହିବ। ମୁଁ ମୋ ପରିବାର ସହିତ କଥା ହେବା ପରେ ନିଷ୍ପତ୍ତି ନେବି।"