ମାଞ୍ଚେଷ୍ଟର: କେବେ ହେବ ବୈଭବ ସୂର୍ଯ୍ୟବଂଶୀଙ୍କ ଅନ୍ତର୍ଜାତୀୟ ଡେବ୍ୟୁ ? ଏହି ପ୍ରଶ୍ନ ଏବେ କ୍ରିକେଟ୍ ଜଗତରେ ସର୍ବାଧିକ ଚର୍ଚ୍ଚାରେ ରହିଛି । ଏହାରି ଭିତରେ ଦିନକ ତଳେ ବୈଭବ ଇନଷ୍ଟା ଷ୍ଟୋରୀ ସେୟାର୍ କରିଛନ୍ତି, ଯାହାକୁ ଦେଖି ପ୍ରଶଂସକ ଭାବୁଛନ୍ତି ଭାରତ-ଇଂଲଣ୍ଡ ଦ୍ଵିତୀୟ ଟି-ଟ୍ଵେଣ୍ଟିରେ ଖେଳିପାରନ୍ତି ବୈଭବ ।

ବୈଭବ ସୂର୍ଯ୍ୟବଂଶୀଙ୍କ ଅନ୍ତର୍ଜାତୀୟ ଡେବ୍ୟୁକୁ ନେଇ ସମସ୍ତେ ଉତ୍ସାହିତ ଅଛନ୍ତି । ସମସ୍ତଙ୍କ ମନରେ ଉତ୍ସାହ ଭିତରେ ବର୍ତ୍ତମାନର ଇଂଲଣ୍ଡ ଟିମ୍‌ର ଖେଳାଳିଙ୍କ ମଧ୍ୟରେ ଡର ରହିଛି । ସାମ୍ବାଦିକ ସମ୍ମିଳନୀରେ ଇଂଲଣ୍ଡ ଦଳର ଖେଳାଳି ସାମ କରନ କହିଛନ୍ତି, "ବୈଭବଙ୍କ ଠାରୁ ବଞ୍ଚିବା ପାଇଁ ଆମ ପାଖରେ ଯୋଜନା ରହିଛି ।"

ଏଥିସହ ପଢ଼ନ୍ତୁ: ବଦଳିଗଲା ଭାରତ vs ଇଂଲଣ୍ଡ ଦ୍ୱିତୀୟ T20I ମ୍ୟାଚ୍ ସମୟ, ଜାଣନ୍ତୁ କେତେବେଳେ ଆରମ୍ଭ ହେବ ମ୍ୟାଚ୍‌ 

IPLରେ ବୈଭବ ସୂର୍ଯ୍ୟବଂଶୀଙ୍କ ପ୍ରଦର୍ଶନକୁ ପ୍ରଶଂସା କରିଛନ୍ତି ସାମ କରନ । ସେ କହିଛନ୍ତି, "ସେଠାକାର ଓ ଏଠା ପିଚ୍ ମଧ୍ୟରେ ଫରକ୍ ରହିଛି । ବୈଭବଙ୍କ ପାଇଁ ଇଂଲଣ୍ଡ ଆହ୍ଵାନ ଦେବ । ଭାରତ ତୁଳନାରେ ଏଠାକାର ପିଚ୍ ଧିର ଅଟେ ।"

ବୈଭବଙ୍କ ପାଇଁ ଟିମ୍ ଇଂଲଣ୍ଡ ପାଖରେ ଭିନ୍ନ ଯୋଜନା ରହିଥିବା କହିଛନ୍ତି ସାମ କରନ । ଏଥିସହ ଦଳ କରିଥିବା ଯୋଜନା, କାମ କରିବ କି ନାହିଁ ତାକୁ ନେଇ ବି ସାମ କରନ ଚିନ୍ତା ପ୍ରକଟ କରିଛନ୍ତି ।

🚨 SAM CURRAN ON VAIBHAV SURYAVANSHI 🌟

🎙️ “He’s a special talent and fully deserves the hype around him. The conditions in England are different, but with the fearless way he plays, he’s always a threat.”#ENGvIND pic.twitter.com/XZuVKZFlBx

— Rana Ahmad. (@AhmadRana056) July 3, 2026

ସେ କହିଛନ୍ତି, "ଆମ ପାଖରେ ଭିନ୍ନ ଯୋଜନା ରହିଛି, କିନ୍ତୁ ତାହା କାମରେ ଆସିବ କି ନାହିଁ ଜାଣିନୁ । କାରଣ ସମସ୍ତେ ଜାଣନ୍ତି ବର୍ତ୍ତମାନ ସମୟରେ ବୈଭବ କିଭଳି ଫର୍ମରେ ଅଛନ୍ତି । ସେ ଏବେ ସର୍ବଶ୍ରେଷ୍ଠ ସମୟର ଆନନ୍ଦ ନେଉଛନ୍ତି ।"

ଏଥିସହ ପଢ଼ନ୍ତୁ: ଅପେକ୍ଷାର ଅନ୍ତ…ବୈଭବ ସୂର୍ଯ୍ୟବଂଶୀ କ’ଣ ଦ୍ୱିତୀୟ ଟି-୨୦ରେ ଡେବ୍ୟୁ କରିବେ? ସୋସିଆଲ ମିଡିଆରେ ଦେଲେ ବଡ଼ ସଙ୍କେତ 

ଯଦିଓ IPLରେ ତାଙ୍କର ପ୍ରଦର୍ଶନ ବେଶ୍ ଭଲ ରହିଛି, ତଥାପି ଇଂଲଣ୍ଡ ତାଙ୍କ ପାଇଁ ଭିନ୍ନ ଚ୍ୟାଲେଞ୍ଜ ସୃଷ୍ଟି କରିବ । ବୈଭବଙ୍କ ଠାରୁ ଭାରତ ବହୁତ ଅଧିକ ଆଶା ରଖିଛି ଏବଂ ସେଇ ଆଶାର ବୋଝକୁ ସେ କିଭଳି ସମ୍ଭାଳୁଛନ୍ତି ତାର ପରୀକ୍ଷା ହେବ ବୋଲି କହିଛନ୍ତି ସାମ କରନ ।

କେତେବେଳେ ଆରମ୍ଭ ହେବ ମ୍ୟାଚ୍ ?

ଭାରତ ବନାମ ଇଂଲଣ୍ଡ ଦ୍ଵିତୀୟ ଟି-ଟ୍ଵେଣ୍ଟି ମାଞ୍ଚେଷ୍ଟରର ଓଲ୍ଡ ଟ୍ରେଫର୍ଡ କ୍ରିକେଟ୍ ଗ୍ରାଉଣ୍ଡରେ ଖେଳାଯିବ । ଭାରତୀୟ ସମୟାନୁସାରେ ମ୍ୟାଚ୍ ସନ୍ଧ୍ଯା ୭ଟାରେ ଆରମ୍ଭ ହେବ । ସେଠାକାର ସ୍ଥାନୀୟ ସମୟ ଦିନ ସାଢ଼େ ୨ଟା ହୋଇଥିବ ।