ଇନଷ୍ଟାରେ ଭାବବିହ୍ବଳ ପୋଷ୍ଟ ଶେୟାର କଲେ ସାନିଆ

ଅର୍ଗସ ବ୍ୟୁରୋ: ପୂର୍ବତନ ଭାରତୀୟ ଟେନିସ୍ ତାରକା ସାନିଆ ମିର୍ଜା ବର୍ତ୍ତମାନ ହେଡଲାଇନରେ ରହିଛନ୍ତି। ପାକିସ୍ତାନ କ୍ରିକେଟ୍ ଦଳର ପୂର୍ବତନ ଅଧିନାୟକ ଶୋଏବ ମଲିକଙ୍କଠାରୁ ତାଙ୍କର ଛାଡପତ୍ର ହେବା ପରଠାରୁ ସାନିଆ ମିର୍ଜାଙ୍କ ବିଷୟରେ ଅନେକ ଚର୍ଚ୍ଚା ଚାଲିଛି। ଛାଡପତ୍ର ପରେ ସାନିଆ ମିର୍ଜା ସୋସିଆଲ ମିଡିଆରେ ବେଶ୍ ସକ୍ରିୟ ରହିଛନ୍ତି।

ନିକଟରେ ସାନିଆ ମିର୍ଜା ସୋସିଆଲ ମିଡିଆରେ ଏକ ପୋଷ୍ଟ କରିଛନ୍ତି। ମାର୍ଚ୍ଚ ୧୧ ସୋମବାର ସାନିଆ ମିର୍ଜା ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ଏକ ସୁନ୍ଦର ଫଟୋ ଶେୟାର କରିଛନ୍ତି। ଏହି ଛବି ସହିତ ସାନିଆ ମିର୍ଜା ଏପରି ଏକ କ୍ୟାପସନ୍ ଯୋଡିଛନ୍ତି ଯେଉଁଥିପାଇଁ ଫ୍ୟାନଙ୍କ ମଧ୍ୟରେ ତାଙ୍କ ବିଷୟରେ ଆଲୋଚନା ପୁଣି ଜୋରଦାର ହେବାରେ ଲାଗିଛି।

ବାସ୍ତବରେ ସାନିଆ ମିର୍ଜା ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ଏକ ଫଟୋ ଶେୟାର କରିଛନ୍ତି। ଯେଉଁଥିରେ ସେ ଏକ ଧଳା ରଙ୍ଗର ପୋଷାକରେ ନଜର ଆସିଛନ୍ତି । ଫଟୋରେ ସାନିଆ ମିର୍ଜା ବହୁତ ସୁନ୍ଦର ଦେଖାଯାଉଛନ୍ତି। ସୋନିଆ ସୋସିଆଲ ମିଡିଆରେ ଏହି ଛବି ସହିତ ଏକ ସୁନ୍ଦର କ୍ୟାପସନ୍ ସେୟାର କରିଛନ୍ତି। ଯେଉଁଥିରେ ସେ ଲେଖିଛନ୍ତି ‘ଫାଇଣ୍ଡିଂ ପିସ୍ ଇନ ସିମ୍ପ୍ଲିସିଟି ଅଫ୍ ହ୍ବାଇଟ’।

ସାନିଆ ମିର୍ଜା ଗୋଆରେ ଅଛନ୍ତି। ଗଣମାଧ୍ୟମ ରିପୋର୍ଟ ଅନୁଯାୟୀ, ସାନିଆ ମିର୍ଜା ଏକ ବିଜ୍ଞାପନ ସୁଟିଂ ପାଇଁ ଗୋଆ ଯାଇଛନ୍ତି। ଶୋଏବ ମଲିକଙ୍କଠାରୁ ଛାଡପତ୍ର ପରେ ସାନିଆ ମିର୍ଜା ପୁଅ ଇଜାନ ସହିତ ଭାରତ ଫେରି ଆସିଥିଲେ। ସାନିଆ ମିର୍ଜା ୨୦୧୦ ରେ ଶୋଏବ ମଲିକଙ୍କୁ ବିବାହ କରିଥିଲେ। ବର୍ତ୍ତମାନ ପ୍ରାୟ ୧୪ ବର୍ଷ ପରେ, ସେମାନଙ୍କର ବୈବାହିକ ସମ୍ପର୍କ ଭାଙ୍ଗି ଯାଇଛି। ଶୋଏବ ମଲିକ ପାକିସ୍ତାନୀ ଅଭିନେତ୍ରୀ ସାନା ଜାଭେଦଙ୍କୁ ତାଙ୍କ ଜୀବନ ସାଥୀ ଭାବରେ ବାଛିଛନ୍ତି।
ସାନିଆ ମିର୍ଜା ପୂର୍ବରୁ ତାଙ୍କ ସ୍ୱାମୀ ଶୋଏବ ମଲିକ ଏବଂ ପୁଅ ଇଜାନଙ୍କ ସହ ଦୁବାଇରେ ରହୁଥିଲେ। କିନ୍ତୁ ଛାଡପତ୍ର ପରେ ସେ ନିଜ ଦେଶକୁ ଫେରିଥିଲେ।

ଅଧିକ ପଢ଼ନ୍ତୁ କ୍ରୀଡ଼ା ଖବର