୨୦୨୬ ଟି-୨୦ ବିଶ୍ୱକପ୍‌ର ସପ୍ତମ ମ୍ୟାଚ୍‌ରେ ସ୍କଟଲାଣ୍ଡ ଇଟାଲୀକୁ ୭୩ ରନ୍‌ରେ ପରାସ୍ତ କରିଛି। ସ୍କଟିସ୍ ବ୍ୟାଟ୍ସମ୍ୟାନ୍‌ଙ୍କ ପ୍ରଭାବଶାଳୀ ପ୍ରଦର୍ଶନ ପରେ, ଦଳର ବୋଲରମାନେ ମଧ୍ୟ ବିପର୍ଯ୍ୟୟ ଘଟାଇଛନ୍ତି। ୨୦୮ ରନ୍‌ର ଟାର୍ଗେଟକୁ ପିଛା କରି ଇଟାଲୀ ମାତ୍ର ୧୩୪ ରନ୍‌ରେ ଅଲ୍‌ଆଉଟ୍ ହୋଇଯାଇଥିଲା।

ପୂର୍ବରୁ, ସ୍କଟଲ୍ୟାଣ୍ଡ ୨୦୨୬ ଟି-୨୦ ବିଶ୍ୱକପରେ ୨୦୦ ରନ ଅତିକ୍ରମ କରିବାରେ ପ୍ରଥମ ଦଳ ହୋଇଥିଲା। ଜର୍ଜ ମୁନସେ ଦଳ ପାଇଁ ଚମତ୍କାର ବ୍ୟାଟିଂ କରିଥିଲେ, ମାତ୍ର ୫୪ ବଲରୁ ୮୪ ରନ କରିଥିଲେ। ମୁନସେ ତାଙ୍କ ଇନିଂସ ସମୟରେ ୧୩ ଚୌକା ଏବଂ ଦୁଇଟି ଛକା ମାରିଥିଲେ। ମାଇକେଲ ଜୋନ୍ସ ମଧ୍ୟ ୩୦ ବଲରୁ ୩୭ ରନ କରିଥିଲେ। ଏକାଠି, ସେମାନେ ପ୍ରଥମ ୱିକେଟ ପାଇଁ ୧୨୬ ରନର ଓପନିଂ ପାର୍ଟନରସିପ୍ କରିଥିଲେ, ଯାହା କୌଣସି ଆସୋସିଏଟ୍ ଦେଶ ଦ୍ୱାରା ଏପର୍ଯ୍ୟନ୍ତ ସର୍ବାଧିକ ଓପନିଂ ପାର୍ଟନରସିପ୍।

Scotland open their #T20WorldCup account with a comprehensive victory in Kolkata 👏

📝: https://t.co/01Ywp9sRp6 pic.twitter.com/qZtIZsWFFw

— ICC (@ICC) February 9, 2026

ପରେ ବ୍ରେଣ୍ଡନ ମ୍ୟାକମୁଲେନ ୧୮ ବଲରେ ଅପରାଜିତ ୪୧ (୪ ଛକା) ଓ ମାଇକେଲ ଲିସ୍କ ୫ ବଲରେ ୨୨ (୨ ଲେଖାଏ ଚୌକା ଓ ଛକା) ରନର ଅବଦାନ ଯୋଗୁ ସ୍କଟଲାଣ୍ଡ ୨୦ ଓଭରରେ ୪ ଉଇକେଟ ହରାଇ ୨୦୭ ରନ କରିଥିଲା। ଏହା ଚଳିତ ଟି୨୦ ବିଶ୍ୱକପ୍‌ର ସର୍ୱାଧିକ ଦଳଗତ ସ୍କୋର। ଜବାବରେ ଇଟାଲୀ ଆରମ୍ଭରୁ ବ୍ୟାଟିଂ ବିର୍ଯ୍ୟୟର ସମ୍ମୁଖୀନ ହୋଇ ୧୬.୪ ଓଭରରେ ୧୩୪ ରନରେ ଅଲଆଉଟ୍‌ ହୋଇଥିଲା। କେବଳ ଦୁଇ ଭାଇ ହ୍ୟାରୀ ଓ ବେନ ମାନେଣ୍ଟିଙ୍କୁ ଛାଡ଼ି ଦେଲେ ଅନ୍ୟ କେହି କ୍ରିଜ୍‌ରେ ତିଷ୍ଠି ପାରି ନ ଥିଲେ। ହ୍ୟାରୀ ୨୫ ବଲରେ ୩୭ (୧ ଚୌକା ଓ ୩ ଛକା) ଓ ବେନ ୩୧ ବଲରେ ୫୨ (୫ ଚୌକା ଓ ୧ ଛକା) ରନ କରିବା ସହ ଚତୁର୍ଥ ଉଇକେଟରେ ୭୩ ରନ ଯୋଡ଼ିଥିଲେ।

ଏହାସହ ପଢ଼ନ୍ତୁ: ଏହି ଗୋଟିଏ ସର୍ତ୍ତ ସହିତ ଭାରତ ବିପକ୍ଷରେ ଖେଳିବାକୁ ରାଜି ହେଲା ପାକିସ୍ତାନ

ସ୍କଟଲାଣ୍ଡ ପାଇଁ ୪ ଉଇକେଟ ନେଇଥିବା ଲିସ୍କଙ୍କୁ ପ୍ଲେୟର ଅଫ୍‌ ଦି ମ୍ୟାଚ୍‌ ବିବେଚିତ କରାଯାଇଛି। ଉଲ୍ଲେଖଯୋଗ୍ୟ ଯେ, ଇଟାଲୀ ୟୁରୋପ କ୍ୱାଲିଫାୟରରେ ସ୍କଟଲାଣ୍ଡକୁ ହରାଇ ଟି୨୦ ବିଶ୍ୱକପ୍‌ ଲାଗି ଯୋଗ୍ୟତା ହାସଲ କରିଥିଲା। ଅନ୍ୟପକ୍ଷରେ ଘଟଣାକ୍ରମେ ବାଂଲାଦେଶ ଟୁର୍ନାମେଣ୍ଟରୁ ବାଦ୍‌ ପଡ଼ିବା ପରେ ସ୍କଟଲାଣ୍ଡକୁ ଖେଳିବାକୁ ସୁଯୋଗ ମିଳିଥିଲା।