ଅର୍ଗସ ବ୍ୟୁରୋ: ଦକ୍ଷିଣ ଆଫ୍ରିକାର ପୂର୍ବତନ ଫାଷ୍ଟ ବୋଲର ସବନିମ୍ ଇସମାଇଲ୍ ମହିଳା କ୍ରିକେଟରେ ସବୁଠାରୁ ଦୃତ ଗତିରେ ବୋଲିଂ କରିଛନ୍ତି । ପ୍ରଥମଥର ପାଇଁ ଜଣେ ମହିଳା ଘଣ୍ଟାପ୍ରତି ୧୩୦ କିଲୋମିଟରରୁ ଅଧିକ ବେଗରେ ବୋଲିଂ କରି ନୂଆ ରେକର୍ଡ ସୃଷ୍ଟି କରିଛନ୍ତି । ନୂଆଦିଲ୍ଲୀର ଅରୁଣ ଜେଟଲି ଷ୍ଟାଡିୟମରେ ଖେଳାଯାଇଥିବା ମହିଳା ଆଇପିଏଲ ମ୍ୟାଚରେ ଏହି କିର୍ତ୍ତୀମାନ ସୃଷ୍ଟି ହୋଇଛି । ମୁମ୍ବାଇ ଇଣ୍ଡିଆନ୍ସ ପାଇଁ ଖେଳୁଥିବା ସବନିମ୍ ଦିଲ୍ଲୀ କ୍ୟାପିଟାଲ୍ସ ବିପକ୍ଷ ମ୍ୟାଚରେ ଏହି ରେକର୍ଡ କରିଛନ୍ତି । ସେ ଘଣ୍ଟାପ୍ରତି ୧୩୨ କିଲୋମିଟର ବେଗରେ ବୋଲିଂ କରିଥିଲେ ।

ପୂର୍ବରୁ ମଧ୍ୟ ରେକର୍ଡ ସବନିମ୍ଙ୍କ ନାରେ ରହିଥିଲା । ସବନିମ୍ ଦକ୍ଷିଣ ଆଫ୍ରିକା ପାଇଁ ୧୬ବର୍ଷ ଖେଳି ୮ଟି ମହିଳା ବିଶ୍ବକପରେ ପ୍ରତିନିଧିତ୍ବ କରିଛନ୍ତି । ଗତ ବର୍ଷ ସେ ଆନ୍ତର୍ଜାତିକ କ୍ରିକେଟରୁ ଅବସର ନେଇଛନ୍ତି । ସେ ଦକ୍ଷିଣ ଆଫ୍ରିକା ପାଇଁ ୧୨୭ଟି ଦିନିକିଆ, ୧୧୩ଟି ଟି ଟ୍ବେଣ୍ଟି ଓ ଗୋଟିଏ ଟେଷ୍ଟ ମ୍ୟାଚ ଖେଳିଛନ୍ତି । ଆନ୍ତର୍ଜାତିକ କ୍ରିକେଟରୁ ଅବସର ନେଇଥିଲେ ମଧ୍ୟ ସବନିମ୍ ଏବେ ମହିଳା ଆଇପିଏଲ ମ୍ୟାଚରେ ମୁମ୍ବାଇ ଇଣ୍ଡିଆନ୍ସ ପାଇଁ ଖେଳୁଛନ୍ତି ।

ଅଧିକ ପଢ଼ନ୍ତୁ ଖେଳ ଖବର: