Gill Statement / ହାରିବା ପାଇଁ କାହାକୁ ଦୋଷ ଦେଲେ ଗିଲ୍? ବିରାଟଙ୍କୁ ନେଇ ରଖିଲେ ବଡ଼ ବୟାନ... କହିଲେ ଏମିତି

କିଙ୍ଗ କୋହଲି ଓ ହର୍ଷିତଙ୍କ ଦମଦାର ପ୍ରଦର୍ଶନ ପରେ ବି ସିରିଜ ହାରିଛି ଭାରତ। ଘରୋଇ ମାଟିରେ ସିରିଜ ହାରିବା ଖେଳାଳିଙ୍କୁ ବଡ଼ ଝଟକା ଦେଇଛି। ଏହାପରେ ନିଜ ମତାମତ ଦେଇ କ୍ୟାପଟେନ ଶୁଭମନ ଗିଲ ଏପରି କହିଛନ୍ତି।

ଭାରତୀୟ ଅଧିନାୟକ ଶୁଭମନ ଗିଲ୍, ନ୍ୟୁଜିଲାଣ୍ଡ ବିପକ୍ଷରେ ଦିନିକିଆ ସିରିଜ୍ ହାରିବା ପରେ କହିଥିଲେ ଯେ ବିରାଟ କୋହଲିଙ୍କ ଉତ୍କୃଷ୍ଟ ଫର୍ମ ଏବଂ ହର୍ଷିତ ରାଣାଙ୍କ ଦମଦାର ପ୍ରଦର୍ଶନ ପ୍ରଶଂସା ଯୋଗ୍ୟ। ତଥାପି, ଭାରତୀୟ ଦଳକୁ ଆହୁରୀ ଅନେକ କ୍ଷେତ୍ରରେ ଭଲ କରିବାର ଥିଲା।
ବିରାଟ କୋହଲି ତାଙ୍କର ରେକର୍ଡ ୫୪ତମ ଦିନିକିଆ ଶତକ ହାସଲ କରିଥିଲେ, କିନ୍ତୁ ୩୩୮ ରନର ଲକ୍ଷ୍ୟ ପିଛା କରୁଥିବା ଭାରତ ୪୬ ଓଭରରେ ୨୯୬ ରନରେ ଅଲଆଉଟ୍ ହୋଇ ୪୧ ରନରେ ପରାସ୍ତ ହୋଇଥିଲା। ନୀତିଶ କୁମାର ରେଡ୍ଡୀ ୫୩ କରିଥିବା ବେଳେ ଏବଂ ହର୍ଷିତ ରାଣା ୫୨ ରନ କରିଥିଲେ। ଉଭୟଙ୍କ ଅର୍ଦ୍ଧଶତକ ସତ୍ତ୍ୱେ, ଆୟୋଜକ ଦଳ ଲକ୍ଷ୍ୟଠାରୁ ବହୁତ ଦୂରରେ ପଛେଇଗଲା ଓ ଖେଳ ହାରିଥିଲା। ସିରିଜ ପରାଜୟ ପରେ କଣ କହିଲେ କ୍ୟାପଟେନ୍: ଗିଲ୍ କହିଥିଲେ କି ପ୍ରଥମ ମ୍ୟାଚ୍ ପରେ ଏବଂ ଏଠାରେ ୧-୧ରେ ଆସିବା ପରେ ଆମେ ଯେପରି ଖେଳିଲୁ ସେଥିରେ ଆମେ ନିରାଶ।”

ସେ ଆହୁରି ମଧ୍ୟ କହିଥିଲେ, “କିଛି କ୍ଷେତ୍ର ଅଛି ଯାହାକୁ ଆମକୁ ଦେଖିବା, ଚିନ୍ତା କରିବା ଏବଂ ଉନ୍ନତି କରିବା ଆବଶ୍ୟକ। ବିରାଟ ଯେଉଁଭଳି ବ୍ୟାଟିଂ କରୁଛନ୍ତି ତାହା ସର୍ବଦା ଏକ ସକାରାତ୍ମକ ଦିଗ।” ଏହି ସିରିଜରେ ହର୍ଷିତ ଯେଉଁଭଳି ବ୍ୟାଟିଂ କରିଛନ୍ତି ତାହା ଚମତ୍କାର। ଅଷ୍ଟମ ନମ୍ବରରେ ବ୍ୟାଟିଂ କରିବା ସହଜ ନୁହେଁ। ସେ ଯେପରି ଆଗକୁ ବଢ଼ି ପ୍ରଦର୍ଶନ କରିଥିଲେ ଏବଂ ଏହି ସିରିଜରେ ଦ୍ରୁତ ବୋଲରମାନେ ଯେଭଳି ବୋଲିଂ କରିଥିଲେ, ତାହା ମଧ୍ୟ ଭଲ ଥିଲା।

ସିରିଜର ଶ୍ରେଷ୍ଠ ଖେଳାଳି ଡାରିଲ୍ ମିଚେଲ୍: ODI ସିରିଜରେ 84, ଅପରାଜିତ 131 ଏବଂ 137 ରନ କରିବା ପରେ ସିରିଜର ଶ୍ରେଷ୍ଠ ଖେଳାଳି ଭାବରେ ମନୋନୀତ ହୋଇଥିବା ଡାରିଲ୍ ମିଚେଲ୍ କହିଛନ୍ତି ଯେ ବର୍ତ୍ତମାନରେ ବଞ୍ଚିବା ସହ ଏହାକୁ ଫୋକସ କରିବା ପାଇଁ ସେ ଭଲ ପାଆନ୍ତି। ଭାରତ ମଧ୍ୟ ନିଜର ଶତପ୍ରତିଶତ ଦେଇଥିଲା। ତାଙ୍କୁ ହରାଇବା ଏତେ ସହଜ ନଥିଲା ବୋଲି ସେ କହିଥିଲେ। ଦୁଇ ଦଳ ଭିତରେ କଡା ଟକ୍କର ହୋଇଥିଲା।

ODI ସିରିଜ୍ ବିଜୟ ପରେ ବ୍ରେସୱେଲଙ୍କ ପ୍ରତିକ୍ରିୟା: ନ୍ୟୁଜିଲାଣ୍ଡ, କିଛି ପ୍ରମୁଖ ଖେଳାଳିଙ୍କ ଉପସ୍ଥିତି ବିନା ମାଇକେଲ୍ ବ୍ରେସୱେଲଙ୍କ ଅଧିନାୟକତ୍ୱରେ 1988 ପରେ ଭାରତରେ ପ୍ରଥମ ସିରିଜ୍ ଜିତିଛି। ବ୍ରେସୱେଲ୍ କହିଥିଲେ କି ଏହା ପ୍ରଥମ ଥର ଯେ କୌଣସି ନ୍ୟୁଜିଲାଣ୍ଡ ଦଳ ଏଠାରେ ଏକ ODI ସିରିଜ୍ ଜିତିଛି, ଏବଂ ଏହା ବିଶେଷ। ଆପଣ ସର୍ବଦା ଏଠାକୁ ଆସି ଭଲ କ୍ରିକେଟ୍ ଖେଳିବାକୁ ଆଶା କରନ୍ତି। ଏକ ଟିମ ଭାବରେ ଆମେ ଆମର ଶତପ୍ରତିଶତ ଦେଇଥିଲୁ ବୋଲି ସେ କହିଥିଲେ।