ନୂଆଦିଲ୍ଲୀ: ଆଇପିଏଲ୍-୨୦୨୬ର ଦ୍ଵିତୀୟ କ୍ଵାଲିଫାୟର୍‌ରେ ଗୋଟିଏ ପଟେ ୧୫ ବର୍ଷର ବୈଭବ । ଯିଏ ପୂରା ସଂସ୍କରଣରେ ସମସ୍ତଙ୍କୁ ଚମକାଇଲା । ଅନ୍ୟପଟେ ଭାରତୀୟ କ୍ରିକେଟର ଯୁବ ତାରକା । ଯିଏ ନିଜ ଦକ୍ଷତା, ନିରନ୍ତରତା ଓ ଅଧିନାୟକତ୍ଵରେ ଦଳକୁ ପୁଣି ଥରେ ଫାଇନାଲ୍‌ରେ ପହଞ୍ଚାଇବାରେ ଲାଗିଥିଲେ ।

ଶୁକ୍ରବାର ରାତିରେ ନିଉ ଚଣ୍ଡିଗଡ଼ରେ ଖେଳା ଯାଇଥିବା ମ୍ୟାଚ୍‌ରେ ଶୁବମନ ଗିଲ୍‌ଙ୍କ ଶତକ, ବୈଭବ ସୂର୍ଯ୍ୟବଂଶୀଙ୍କ ଲଢ଼ୁଆ ପାଳି ଉପରେ ଭାରି ପଡ଼ିଛି । ଗୁଜରାଟ ଟାଇଟନ୍ସ, ରାଜସ୍ଥାନ ରୟାଲ୍ସକୁ ୭ ୱିକେଟ୍‌ରେ ହରାଇ ତୃତୀୟ ଥର ପାଇଁ ଆଇପିଏଲ୍‌ ଫାଇନାଲ୍‌ରେ ପହଞ୍ଚିଛି । ରବିବାର ରୟାଲ୍ ଚ୍ୟାଲେଞ୍ଜର୍ସ ବେଙ୍ଗାଳୁରୁ ସହ ଟ୍ରଫି ପାଇଁ ଲଢ଼େଇ ହେବ ।

ବୈଭବ ପ୍ରମାଣ କଲେ ବୟସ କେବଳ ଏକ ସଂଖ୍ୟା

ଆଇପିଏଲ୍‌ର ଚଳିତ ସଂସ୍କରଣରେ ରେକର୍ଡ ପରେ ରେକର୍ଡ ଭାଙ୍ଗିଥିବା ବୈଭବ ସୂର୍ଯ୍ୟବଂଶୀ ପୁଣି ଥରେ ଦର୍ଶାଇଛନ୍ତି, ସେ କେବଳ ବଡ଼ ସଟ୍ସ ଖେଳନ୍ତିନି । ୪୭ ବଲ୍‌ରେ ୯୬ ରନ୍ ସ୍କୋର‌, ଏହି ପାଳିରେ ସର୍ବାଧିକ ଭଲ ପାଇବା ମିଳିଥିବା ସ୍କୋର୍ । ସ୍ଥିତି ଅନୁସାରେ ବୈଭବ ନିଜକୁ କିଭଳି ଖାପଖୁଆଇ ପାରନ୍ତି ତାହା କରି ଦେଖାଇଛନ୍ତି ।

ଏଥିସହ ପଢ଼ନ୍ତୁ: ବୈଭବଙ୍କ ଉପରେ ବର୍ଷିଲେ ରିୟାନ ପରାଗ… ୯୬ରନ୍ ପରେ ବି ମିଳିଲାନି ପ୍ରଶଂସା…ଫ୍ୟାନ୍ସ ଦେଖି ରାଗିଗଲେ 

ନିଉ ଚଣ୍ଡିଗଡ଼ ଷ୍ଟାଡିୟମ୍‌ରେ ବ୍ୟାଟିଂ କରିବା ଏତେଟା ସହଜ ନଥିଲା । ପୂର୍ବ ମ୍ୟାଚ୍ ଭଳି ବ୍ୟାଟ୍‌ରେ ବଲ୍ ବାଜୁ ନଥିଲା । ରାଜସ୍ଥାନ ରୟାଲ୍ସର ଗୋଟିଏ ପରେ ଗୋଟିଏ ୱିକେଟ୍ ଖସି ଚାଲିଥିଲା । ସେପଟେ ଦଳକୁ ସମ୍ଭାଳିବା ସହ ବୈଭବ ଆଟାକ୍ ଆରମ୍ଭ କରିଥିଲେ । ସମୟ ନେଇ ବୈଭବ ସାହସିକତା ଦେଖାଇ ବଡ଼ ସ୍କୋର୍ କରିଥିଲେ । ଯାହାକି ତାଙ୍କ କ୍ୟାରିୟର୍‌ର ପରିପକ୍ଵ ଇନିଂସ ମଧ୍ୟରୁ ଅନ୍ୟତମ ।

ପୂର୍ବ ମ୍ୟାଚ୍‌ ଉପରେ ନଜର ପକାଇଲେ ବୈଭବ ଯଥାକ୍ରମେ ୯୩ ରନ୍, ୪ ରନ୍, ୯୭ ରନ୍ ଓ ୯୬ ରନ୍ ସ୍କୋର୍ କରିଛନ୍ତି । ଅର୍ଥାତ୍ ୪ଟି ମ୍ୟାଚ୍‌ ମଧ୍ୟରୁ ୩ଟିରେ ବୈଭବ ୯୦ ଉପରେ ସ୍କୋର୍ କରିଛନ୍ତି । ଏହା ହିଁ ଦର୍ଶାଉଛି ଚାପରେ ଓ ବଡ଼ ମ୍ୟାଚ୍‌ରେ ବୈଭବ ଡରନ୍ତି ନାହିଁ ବରଂ ସ୍ଥିତିର ସାମ୍ନା ସାହସିକତା, ଦମ୍ଭର ସହ କରନ୍ତି । ଦ୍ଵିତୀୟ କ୍ଵାଲିଫାୟରରେ ବୈଭବ ଯଦିଓ ୯୨ ରନ୍ ସ୍କୋର୍ କରିଛନ୍ତି, ତଥାପ ଏହା ଶତକଠୁ କମ୍ ନୁହେଁ ।

ହାରିବାର ଦୁଃଖ

ମ୍ୟାଚ୍ ସରିବା ପରେ ବୈଭବଙ୍କ ଚେହେରାରେ ହାରିବାର ଦୁଃଖ ଦେଖା ଯାଉଥିଲା । ଯାହା ଅରେଞ୍ଜ କ୍ୟାପ୍ କିମ୍ବା ବ୍ୟକ୍ତିଗତ ରେକର୍ଡ ପାଇଁ ନଥିଲା । ବରଂ କଷ୍ଟ ଲାଗୁଥିଲା ତାଙ୍କ ଦଳ ଫାଇନାଲ୍‌କୁ ଯାଇ ପାରିଲା ନାହିଁ । ଏହି ଭାବନା ତାଙ୍କୁ ଅନ୍ୟ ଖେଳାଳିଙ୍କ ଠାରୁ ଭିନ୍ନ ଦର୍ଶାଉଛି ।

୧୫ ବର୍ଷ ବୟସରେ ଯେଉଁଠି ଅଧିକାଂଶ ଖେଳାଳି ବ୍ୟକ୍ତିଗତ ଉପଲବ୍ଧିକୁ ନେଇ ଖୁସି ହୋଇଥାନ୍ତି । ସେଠି ବୈଭବଙ୍କ ଏହି ନାରାଶା ଦଳର ପରାଜୟକୁ ନେଇ ଥିଲା । ହୁଏଥ ଏଥିପାଇଁ କ୍ରିକେଟ୍ ଜଗତ ତାଙ୍କୁ ଜଣେ ପ୍ରତିଭା ନୁହେଁ ବରଂ ବଡ଼ ତାରକା ମାନୁଛି ।

ଗିଲ୍‌ଙ୍କ ଶତକ

ସେହି ପିଚ୍‌ରେ ଦ୍ଵିତୀୟ ପାଳିରେ ଶୁବମନ ଗିଲ୍‌ ୫୩ ବ୍‌ରେ ୧୦୪ ରନ୍ କରିଛନ୍ତି । ଯେଉଁଥିରେ ୧୫ଟି ଚଉକା ଓ ୩ଟି ଛକା ସାମିଲ୍ ରହିଛି । ଗିଲ୍ ଦେଖାଇଛନ୍ତି ଟି-ଟ୍ଵେଣ୍ଟି କ୍ରିକେଟ୍ କେବଳ ଏକ ଶକ୍ତିର ଖେଳ ନୁହେଁ । ସମୟ, ବ୍ୟବଧାନ ଖୋଜିବାର କଳା ଓ ସ୍ଥିତିକୁ ନିୟନ୍ତ୍ରଣ କରିବା ମଧ୍ୟ ଗୁରୁତ୍ଵପୂର୍ଣ୍ଣ । ଆଇପିଏଲ୍‌ରେ ଗିଲ୍ ଏଥିସହ ପଞ୍ଚମ ଶତକ ହାସଲ କରିଛନ୍ତି ।

ଏଥିସହ ପଢ଼ନ୍ତୁ: ଲକ୍ଷ୍ନୌ ମାଲିକ ସଞ୍ଜୀବ ଗୋଏଙ୍କା ନେଲେ ବଡ଼ ଆକ୍ସନ… ଲଗାତାର ଖରାପ ପ୍ରଦର୍ଶନ ପାଇଁ କ୍ୟାପଟେନ ପଦରୁ ବିଦା କଲେ 

ଲକ୍ଷ୍ୟ ଗୋଟିଏ, ରାସ୍ତା ଭିନ୍ନ

ଏହି ମୁକାବିଲାର ବୈଭବ ଓ ଗିଲ୍‌ଙ୍କ ଲକ୍ଷ୍ୟ ଗୋଟିଏ ଥିଲା । ବୈଭବ ଓ ଗିଲ୍ ପ୍ରାୟ ଗୋଟିଏ କାମ କରିଛନ୍ତି । କିନ୍ତୁ ଉଭୟଙ୍କ ତରିକା ସମ୍ପୂର୍ଣ୍ଣ ଭିନ୍ନ ଥିଲା । ବୈଭବ ଆକ୍ରମଣାତ୍ମକ ଭାବେ ଖେଳୁଥିଲେ । ବୋଲରଙ୍କ ଉପରେ ଚାପ ପ୍ରୟୋଗ କରି ବଡ଼ ସଟ୍ସ ମାରୁଥିଲେ । ମ୍ୟାଚ୍‌ର ଦିଗ ବଦଳାଇବାକୁ ପ୍ରୟାସ କରୁଥିଲେ ।

ଅନ୍ୟପଟେ ଗିଲ୍ ଚଉକା ସହାୟତାରେ ସ୍କୋର୍ କରୁଥିଲେ । ଗ୍ୟାପ୍‌ ଖୋଜି ମ୍ୟାଚ୍‌କୁ ନିୟନ୍ତ୍ରଣରେ ରଖୁଥିଲେ । ଜଣେ ଛକା ମାରୁଥିଲା, ଜଣେ ଚଉକା । ଉଭୟଙ୍କ ଲକ୍ଷ୍ୟ ଥିଲା ଦଳକୁ ଫାଇନାଲ୍‌ରେ ପହଞ୍ଚାଇବା ।