ଭାରତୀୟ କ୍ରିକେଟ ଟି-୨୦ ବିଶ୍ବକପ ୨୦୨୬ରେ ଖେଳାଯିବ। ବିଶ୍ବକପ ଅଧିନାୟକ ସୂର୍ଯ୍ୟ କୁମର ଯାଦବଙ୍କ ନେତୃତ୍ବରେ ଖେଳାଯିବ। କିନ୍ତୁ ବିଶ୍ବକପ ସରିବାପରେ ସୂର୍ଯ୍ୟାଙ୍କୁ ଏହି ଦାୟିତ୍ବରୁ ମୁକ୍ତ କରାଯିବ ବୋଲି ଚର୍ଚ୍ଚା ହେଉଛି। ସୂର୍ଯ୍ୟକୁମାରଙ୍କ ବୟସ, ସାମ୍ପ୍ରତିକ ଫର୍ମ ଏବଂ ବିସିସିଆଇର ଭବିଷ୍ୟତ ଯୋଜନାକୁ ବିଚାରକୁ ନେଇ, ଯଦି ସେ ପଦ ଛାଡି ଦିଅନ୍ତି ତେବେ ପରବର୍ତ୍ତୀ ଟି୨୦ ଅଧିନାୟକ କିଏ ହେବେ ତାହା ପ୍ରଶ୍ନ ଉଠିବା ସ୍ବାଭାବିକ।

ଏହାସହ ପଢ଼ନ୍ତୁ: ଦିନିକିଆ ଅଧିନାୟକ ପଦରୁ ବିଦା ହେବେ ଶୁଭମନ ଗିଲ...ଏହି ଖେଳାଳି ଏବେ ହେବେ ଟିମ ଇଣ୍ଡିଆର ନୂଆ କ୍ୟାପଟେନ

ରୋହିତ ଶର୍ମାଙ୍କ ଟି୨୦ କ୍ରିକେଟରୁ ଅବସର ପରେ, ବିସିସିଆଇ ସୂର୍ଯ୍ୟକୁମାର ଯାଦବଙ୍କୁ ଅଧିନାୟକ ଭାବରେ ନିଯୁକ୍ତ କରିଥିଲା। ତାଙ୍କୁ ପାଣ୍ଡ୍ୟାଙ୍କ ଅପେକ୍ଷା ଅଧିକ ପସନ୍ଦ କରାଯାଇଥିଲା। ଅଧିନାୟକ ଭାବରେ ସୂର୍ଯ୍ୟଙ୍କ ରେକର୍ଡ ପ୍ରଭାବଶାଳୀ ରହିଛି। ତାଙ୍କ ଅଧିନାୟକତ୍ୱରେ ଭାରତ କୌଣସି ଟି୨୦ ସିରିଜ ହାରିନାହିଁ। ୩୯ ଟି୨୦ ଆନ୍ତର୍ଜାତୀୟ ମ୍ୟାଚରେ ଭାରତ ୨୮ ଟି ମ୍ୟାଚ ଜିତିଛି ଏବଂ କେବଳ ଛଅଟି ହାରିଛି। ତଥାପି, ୨୦୨୫ ରେ ତାଙ୍କ ବ୍ୟାଟିଂ ପ୍ରଦର୍ଶନରେ ସ୍ଥିରତାର ଅଭାବ ଦେଖାଦେଇଛି, ଯାହା ଚୟନକର୍ତ୍ତାଙ୍କ ପାଇଁ ଚିନ୍ତାର ବିଷୟ। ଯଦି ୨୦୨୬ ଟି୨୦ ବିଶ୍ୱକପ ସୁଦ୍ଧା ତାଙ୍କ ପ୍ରଦର୍ଶନରେ ଉନ୍ନତି ନହୁଏ, ତେବେ ତାଙ୍କ ଅଧିନାୟକତ୍ୱ ପ୍ରଶ୍ନବାଚୀ ହୋଇପାରେ। ବର୍ତ୍ତମାନ, ଏହି ଦୌଡ଼ରେ ତିନି ଜଣ ଖେଳାଳି ସବୁଠାରୁ ଆଗରେ ଅଛନ୍ତି।

ଶୁଭମନ ଗିଲ:
ଯଦିଓ ଖରାପ ଫର୍ମ ଯୋଗୁ ଶୁଭମନ ଗିଲଙ୍କୁ ବର୍ତ୍ତମାନର ଟି-୨୦ ଦଳରେ ସାମିଲ କରାଯାଇ ନାହିଁ, କିନ୍ତୁ ତାଙ୍କୁ ଅଧିନାୟକ ପଦ ପାଇଁ ଆଗୁଆ ଦାବିଦାର ବୋଲି ବିବେଚନା କରାଯାଉଛି। ବିସିସିଆଇ ଆଗକୁ ତିନୋଟି ଫର୍ମାଟ ପାଇଁ ଜଣେ ଅଧିନାୟକ ରଖିବା ବିଷୟରେ ବିଚାର କରୁଛି। ଗିଲ ପୂର୍ବରୁ ଟେଷ୍ଟ ଏବଂ ଏକଦିବସୀୟ ଦଳର ନେତୃତ୍ୱ ନେଉଛନ୍ତି। ତେଣୁ, ସୂର୍ଯ୍ୟକୁମାର ଯାଦବଙ୍କ ପରେ ତାଙ୍କୁ ଟି-୨୦ ଦଳର ଦାୟିତ୍ୱ ଦେବା ଏକ ସୱାଭାବିକ ପଦକ୍ଷେପ ହେବ। ତାଙ୍କ ବୟସ ଏବଂ ଭବିଷ୍ୟତକୁ ବିଚାରକୁ ନେଇ ଚୟନକର୍ତ୍ତାମାନେ ଗିଲଙ୍କୁ ଏକ ଦୀର୍ଘକାଳୀନ ବିକଳ୍ପ ବୋଲି ବିବେଚନା କରନ୍ତି।

ଏହାସହ ପଢ଼ନ୍ତୁ: ଯେଉଁଦିନ ମୁଁ ମୁଁହ ଖୋଲିବି ନା…ବିସ୍ଫୋରଣ ହେବ...ବିବାଦ ଭିତରେ ସୂର୍ଯ୍ୟକୁମାର କହିଲେ ଏମିତି

ଶ୍ରେୟସ ଆୟର:
ଶ୍ରେୟସ ଆୟର ଅଧିନାୟକ ପଦ ପାଇଁ ଜଣେ ଦୃଢ଼ ଦାବିଦାର। ଆଇପିଏଲ ୨୦୨୪ରେ କେକେଆରକୁ ଟାଇଟଲ ଏବଂ ଆଇପିଏଲ ୨୦୨୫ରେ ପଞ୍ଜାବ କିଙ୍ଗସକୁ ଫାଇନାଲରେ ପହଞ୍ଚାଇବା ପରେ ତାଙ୍କ ନେତୃତ୍ୱକୁ ବ୍ୟାପକ ଭାବରେ ପ୍ରଶଂସା କରାଯାଇଛି। ଶ୍ରେୟସଙ୍କ ନେତୃତ୍ୱ ଗୁଣ ସ୍ପଷ୍ଟ ଭାବରେ ଦେଖାଯାଉଛି, ଏବଂ ଅଧିନାୟକ ଭାବରେ ତାଙ୍କର ପ୍ରଦର୍ଶନ ଆହୁରି ଉନ୍ନତ ହୋଇଛି। ସେ IPL ୨୦୨୫ ରେ ୬୦୪ ରନ କରିଥିଲେ, ୫୦ରୁ ଅଧିକ ହାରାହାରି ଏବଂ ୧୭୫ ରୁ ଅଧିକ ଷ୍ଟ୍ରାଇକ ରେଟ ଥିଲା। ଯଦି ସେ T20 ଅନ୍ତର୍ଜାତୀୟ ମ୍ୟାଚରେ ଭଲ ପ୍ରଦର୍ଶନ ଜାରି ରଖନ୍ତି, ତେବେ ଚୟନକର୍ତ୍ତାଙ୍କ ପାଇଁ ତାଙ୍କୁ ଅଣଦେଖା କରିବା କଷ୍ଟକର ହେବ।

ଅକ୍ଷର ପଟେଲ:
ଅକ୍ଷର ପଟେଲଙ୍କୁ ନିକଟରେ T20 ଦଳର ଉପ-ଅଧିନାୟକ ନିଯୁକ୍ତ କରାଯାଇଛି, ଯାହା ତାଙ୍କ ବର୍ଦ୍ଧିତ ପ୍ରତିଷ୍ଠାକୁ ପ୍ରତିଫଳିତ କରେ। ସେ ଡ୍ରେସିଂ ରୁମର ଜଣେ ବରିଷ୍ଠ ଖେଳାଳି ଏବଂ ପ୍ରମୁଖ ଟୁର୍ଣ୍ଣାମେଣ୍ଟ ଜିତିଛନ୍ତି। IPL ରେ ତାଙ୍କର ଅଧିନାୟକତ୍ୱ ଅଭିଜ୍ଞତା ମଧ୍ୟ ତାଙ୍କ ସପକ୍ଷରେ କାମ କରେ। ଯଦି ଚୟନକର୍ତ୍ତାମାନେ ଜଣେ ଶାନ୍ତ ଏବଂ ସନ୍ତୁଳିତ ଅଧିନାୟକ ଖୋଜୁଛନ୍ତି, ତେବେ ଅକ୍ଷର ଏକ ଦୃଢ଼ ପସନ୍ଦ ହୋଇପାରନ୍ତି