କେନିଙ୍ଗଟନ ଓଭାଲ ଟେଷ୍ଟରେ ଭାରତର ଐତିହାସିକ ବିଜୟ ହାସଲ କରିଛି । ଏକ ରୋମାଞ୍ଚକର ମ୍ୟାଚରେ ଭାରତ ଇଂଲଣ୍ଡକୁ ୬ ରନରେ ପରାସ୍ତ କରିଛି । ଏହା ସହିତ ୫ ଟିକିଆ ସିରିଜ ୨-୨ରେ ଡ୍ର ହୋଇଛି । ପଞ୍ଚମ ଟେଷ୍ଟରେ ଭାରତର ଦମଦାର ବିଜୟ ହୋଇଛି। ଏହି ବିଜୟ ସହିତ ୫ ମ୍ୟାଚ ବିଶିଷ୍ଟ ଏହି ସିରିଜର ସମାପନ ହୋଇଛି। ଏହି ସିରିଜରେ ୨-୨ରେ ବରାବର ସ୍ଥିତିରେ ରହିଛି। ଆଟକିନସନଙ୍କୁ ବୋଲ୍ଡ କରି ସିରିଜ ଜିତିଲା ଭାରତ। ପଞ୍ଚମ ଟେଷ୍ଟ ରେ ଭାରତ ର ଦମଦାର ବିଜୟ । ଆଜି ଥିଲା ମ୍ୟାଚର ୫ମ ତଥା ଶେଷ ଦିନ । ଶେଷ ଦିନରେ ବିଜୟ ପାଇଁ ଇଂଲଣ୍ଡ ୩୫ ରନ ଆବଶ୍ୟକ ଥିବାବେଳେ ଭାରତ ୪ଟି ଓ୍ବିକେଟ ଆବଶ୍ୟକ କରୁଥିଲା ।

କିନ୍ତୁ ଆଜି ଭାରତୀୟ ବୋଲରମାନେ ଚମତ୍କାର ବୋଲିଂର ପ୍ରଦର୍ଶନ କରି ଇଂଲଣ୍ଡର ଅବଶିଷ୍ଟ ୪ଟି ଓ୍ବିକେଟ ଖସାଇବାରେ ସକ୍ଷମ ହୋଇଥିଲେ । ୩୫୭ ରନରେ ଇଂଲଣ୍ଡ ୯ଟି ଓ୍ବିକେଟ ହରାଇସାରିଥିବାବେଳେ ବ୍ୟାଟିଂ କରିବାକୁ ଆସିଥିଲେ ଆହତ କ୍ରିସ ଓକ୍ସ । ଓକ୍ସଙ୍କର କାନ୍ଧରେ ଆଘାତ ଲାଗିଥିବାରୁ ତାଙ୍କର ଗୋଟିଏ ହାତ ବ୍ୟାଣ୍ଡେଜ ହୋଇଥିଲା। ଏହା ସତ୍ତ୍ବେ ସେ ବ୍ୟାଟିଂ କରିବାକୁ ଆସିଥିଲେ । ଇଂଲଣ୍ଡ ଆଉ ୧୭ ରନ ଆବଶ୍ୟକ କରୁଥିବାବେଳେ ଗସ ଅଟକିନ୍ସନ ଗୋଟିଏ ଛକା ମାରି ମ୍ୟାଚର ରୋମାଞ୍ଚ ବଢାଇଦେଇଥିଲେ । ତେବେ ଇଂଲଣ୍ଡ ଆଉ ୭ ରନ ଆବଶ୍ୟକ କରୁଥିବାବେଳେ ସେ ମହମ୍ମଦ ସିରାଜଙ୍କ ବଲରେ ବୋଲ଼ଡ୍ ହୋଇଥିଲେ । ଏହା ସହିତ ଭାରତ ବିଜୟୀ ହୋଇଥିଲା । ଭାରତ ପକ୍ଷରୁ ସିରାଜ ୫ଟି ଓ ପ୍ରସିଧ କ୍ରିଷ୍ଣା ୪ଟି ଓ୍ବିକେଟ ନେଇଥିଲେ ।