Vaibhav Suryavanshi / ୨୫୧ ଦିନ ପରେ ଭାଙ୍ଗିଲା ବୈଭବଙ୍କ ରେକର୍ଡ… ସିଙ୍ଗଲ ଡିଜିଟରେ ହେଲେ OUT…ପ୍ରଥମ ଥର ଏମିତି ଘଟିଲା

ଦୁଲୀପ ଟ୍ରଫି ଫାଇନାଲରେ ସାଉଥ ଜୋନର ପ୍ରଥମ ଇନିଂସ୍‌କୁ ୩୩୬ ରନରେ ସୀମିତ କରିବା ପରେ ଇଷ୍ଟ ଜୋନ ଦ୍ୱିତୀୟ ଇନିଂସ ଖେଳିବାକୁ ମଇଦାନକୁ ଓହ୍ଲାଇଛି। ପୁଣିଥରେ ଅଭିମନ୍ୟୁ ଈଶ୍ୱରନ୍‌ଙ୍କ ସହ ଓପନିଂ ଦାୟିତ୍ୱ ସମ୍ଭାଳିଥିଲେ ଯୁବ ବ୍ୟାଟର ବୈଭବ ସୂର୍ଯ୍ୟବଂଶୀ। କିନ୍ତୁ ଏଥର ତାଙ୍କ ସହ ଏମିତି କିଛି ଘଟିଛି, ଯାହା ୨୦୨୬ରେ ପୂର୍ବରୁ କେବେ ଦେଖିବାକୁ ମିଳିନଥିଲା।

ଦୁଲୀପ ଟ୍ରଫି ଫାଇନାଲର ଦ୍ୱିତୀୟ ଇନିଂସରେ ମାତ୍ର ୮ ରନ କରି ଆଉଟ ହେବା ସହ ବୈଭବଙ୍କ ୨୫୧ ଦିନର ଲଗାତାର ଡବଲ ଡିଜିଟ ସ୍କୋରର ଧାରା ଭାଙ୍ଗିଛି। ଚଳିତ ବର୍ଷ କୌଣସି ନକଆଉଟ ମ୍ୟାଚରେ ସିଙ୍ଗଲ ଡିଜିଟ ସ୍କୋରରେ ଆଉଟ ହେବା ତାଙ୍କ ପାଇଁ ପ୍ରଥମ ଘଟଣା।
ଦ୍ୱିତୀୟ ଇନିଂସରେ ବୈଭବ ୧୬ଟି ବଲ୍‌ର ସାମ୍ନା କରି ମାତ୍ର ୮ ରନ କରିଥିଲେ। ଏହା ସହ ୨୦୨୬ରେ ନକଆଉଟ ମ୍ୟାଚରେ ତାଙ୍କର ଡବଲ ଡିଜିଟ ସ୍କୋର କରିବାର ଧାରା ଶେଷ ହୋଇଛି।

ଜାନୁଆରୀ ୧ରୁ ସେପ୍ଟେମ୍ବର ୯ ମଧ୍ୟରେ ବୈଭବ ମୋଟ ୯ଟି ଇନିଂସ ଖେଳିଥିଲେ। ଏଥିରୁ ପ୍ରଥମ ୮ଟି ଇନିଂସରେ ସେ ଡବଲ ଡିଜିଟ ସ୍କୋର କରିଥିଲେ। କିନ୍ତୁ ନବମ ଇନିଂସରେ ୮ ରନରେ ଆଉଟ ହୋଇ ଏହି ଧାରାକୁ ଭାଙ୍ଗିଛନ୍ତି।
ଦୁଲୀପ ଟ୍ରଫିର ଫାଇନାଲର ପ୍ରଥମ ଇନିଂସରେ ବୈଭବ ୩୭ ବଲର ୪୪ ରନ କରିଥିଲେ। ଏହା ପୂର୍ବରୁ ସେମିଫାଇନାଲରେ ଦୁଇଟି ଇନିଂସରେ ତାଙ୍କ ବ୍ୟାଟ୍‌ରୁ ୯୨ ଓ ୪୦ ରନ ଆସିଥିଲା।

ପ୍ରଥମ ଥର ଦୁଲୀପ ଟ୍ରଫି ଖେଳି ବୈଭବ ୩ଟି ମ୍ୟାଚରେ ୫ଟି ଇନିଂସରେ ମୋଟ ୧୯୨ ରନ କରିଛନ୍ତି। ତାଙ୍କ ବ୍ୟାଟିଂ ଆଭେରେଜ ୩୮.୪୦ ରହିଛି। ଫାଇନାଲର ଦ୍ୱିତୀୟ ଇନିଂସରେ ବଡ଼ ସ୍କୋର କରିପାରିନଥିଲେ ମଧ୍ୟ ଚଳିତ ଦୁଲୀପ ଟ୍ରଫିରେ ତାଙ୍କ ପ୍ରଦର୍ଶନ ଚର୍ଚ୍ଚାରେ ରହିଛି।