Vaibhav Suryavanshi / ସୂର୍ଯ୍ୟବଂଶୀଙ୍କୁ ନେଇ କ'ଣ ରହିଛି ଭାରତୀୟ ଦଳର ଦୀର୍ଘକାଳୀନ ରଣନୀତି ? କହିଦେଲେ କୋଚ୍...

ମୁମ୍ବାଇ: ୧୫ ବର୍ଷର ବୈଭବ ସୂର୍ଯ୍ୟବଂଶୀ ତାଙ୍କ ତୁଫାନୀ ବ୍ୟାଟିଂ ଦମ୍‌ରେ ଅନ୍ତର୍ଜାତୀୟ କ୍ରିକେଟ୍‌ରେ ଚହଳ ପକାଇଛନ୍ତି । ଜିମ୍ବାୱେ ବିପକ୍ଷ ପ୍ରଥମ ଟି-ଟ୍ଵେଣ୍ଟିରେ ବୈଭବ ୧୮ ବଲ୍‌ରେ ଅର୍ଦ୍ଧଶତକ ମାରିଛନ୍ତି । ଏଥିସହ ସେ ଅନ୍ତର୍ଜାତୀୟ କ୍ରିକେଟ୍‌ର କୌଣସି ବି ଫର୍ମାଟରେ ଅର୍ଦ୍ଧଶତକ ହାସଲ କରିଥିବା ସର୍ବକନିଷ୍ଠ ଖେଳାଳି ହୋଇଛନ୍ତି ।

ବୟସରେ ସାନ ବୈଭବ ଭାରତୀୟ ଦଳ ପାଇଁ ଦୀର୍ଘ ସମୟ ଖେଳିପାରିବେ । ତେଣୁ ଏବେ କୋଚ୍ ବୈଭବଙ୍କ ବ୍ୟାଟିଂ ସହିତ ତାଙ୍କର ବୋଲିଂ ଉପରେ କାମ କରିବା ଆରମ୍ଭ କରି ଦେଇଛନ୍ତି । ବୈଭବଙ୍କୁ ବୋଲିଂ କରାଇବା ଟିମ୍ ଇଣ୍ଡିଆର ଭବିଷ୍ୟତ ରଣନୀତିର ଅଂଶ ଅଟେ ।

ଏଥିସହ ପଢ଼ନ୍ତୁ: ଶ୍ରୀଲଙ୍କା ଟେଷ୍ଟ ସିରିଜ ପାଇଁ ଟିମ୍ ଇଣ୍ଡିଆ ଚୟନକୁ ନେଇ ବଡ଼ ଅପଡେଟ 

'ବୈଭବଙ୍କ ବୋଲିଂ ଉପରେ ଫୋକସ୍ ଦିଆଯିବ'

ଭାରତୀୟ ଦଳର ବୋଲିଂ କୋଚ୍ ସୁନୀଲ ଜୋଶୀ ସାମ୍ବାଦିକ ସମ୍ମିଳନୀରେ କହିଛନ୍ତି, "ମୋତେ ଲାଗୁଛି ପ୍ରଥମେ, ବୈଭବଙ୍କୁ ବ୍ୟାଟିଂ ଉପରେ ଫୋକସ୍ କରିବା ଦରକାର । ସେ ଭଲ ଖେଳୁଛନ୍ତି, ତାଙ୍କ ପାଇଁ ସୁଯୋଗ ରହିଛି । ସେ ଏଠାରେ U19 ବିଶ୍ଵକପ୍ ଫାଇନାଲ୍ ଖେଳି ଉନ୍ନତ ପ୍ରଦର୍ଶନ କରିଛନ୍ତି । ପ୍ରଥମ ମ୍ୟାଚ୍‌ରେ ତାଙ୍କ ପ୍ରଦର୍ଶନ ଉତ୍ତମ ରହିଛି ।"

ସେ ଆହୁରି କହିଛନ୍ତି, "ସୂର୍ଯ୍ୟବଂଶୀଙ୍କୁ ବୋଲିଂ କରାଇବା ଦଳର ଦୀର୍ଘକାଳୀନ ଯୋଜନାର ଅଂଶ ଅଟେ । ବୈଭବ ଏବେ ତାଙ୍କ ବ୍ୟାଟିଂକୁ ନେଇ କମ୍ପର୍ଟେବୁଲ୍ ଅଛନ୍ତି । ଯେତେବେଳେ କି ସେ ବୋଲିଂ କରିବାକୁ ସମୟ ଲାଗିବ ।"

ମୁଁ ବୈଭବଙ୍କ ସହ ବିସିସିଆଇର ସେଣ୍ଟର ଅଫ୍ ଏକ୍ସଲେନ୍ସରେ କାମ କରିବି । ଯେତେବେଳେ ସେ ଭଲ ବୋଲିଂ କରୁଥିବା ଦେଖିବୁ । ସେତେବେଳେ ନିଶ୍ଚିତ ଭାବେ ଆହୁରି ତା ଉପରେ ଗୁରୁତ୍ଵ ଦିଆଯିବ ବୋଲି କହିଛନ୍ତି ବୋଲିଂ କୋଚ୍ ସୁନୀଲ ଜୋଶୀ ।

ବୈଭବଙ୍କ ସହ ଏମାନଙ୍କ ଉପରେ ନଜର

ଅଭିଷେକ ଶର୍ମା, ତିଲକ ବର୍ମା ଓ ବୈଭବ ସୂର୍ଯ୍ୟବଂଶୀଙ୍କୁ ଭବିଷ୍ୟତରେ କାମ ଚଳା ବୋଲର୍ ଭାବେ ନେବା ପ୍ରଶ୍ନରେ ଜୋଶୀ କହିଛନ୍ତି, "୩ ଜଣ ଯାକ ଭଲ ବୋଲର ଓ ଅଲରାଉଣ୍ଡର ଅଟନ୍ତି । ଅଭିଷେକଙ୍କ ବୋଲିଂରେ ବହୁତ ସୁଧାର ଆସିଛି । ତିଲକ ବର୍ମା ପାଇଁ ଜଣେ ଅତିରିକ୍ତ ବୋଲରର ବିକଳ୍ପ ଅଟନ୍ତି ।"

ଏଥିସହ ପଢ଼ନ୍ତୁ: ୱେଷ୍ଟଇଣ୍ଡିଜ୍ ODI ସିରିଜରେ ଟିମ୍ ଇଣ୍ଡିଆକୁ ବଡ଼ ଝଟକା 

ସୂର୍ଯ୍ୟାଂଶଙ୍କଠୁ ଆଶା

ବୋଲିଂ କୋଚ୍ ସୁନୀଲ ଜୋଶୀ କହିଛନ୍ତି, "ସୂର୍ଯ୍ୟାଂଶ ଶେଡଗେ ଜଣେ ପ୍ରତିଭାଶାଳୀ ଖେଳାଳି । ତାଙ୍କୁ ଟିମ୍‌ରେ ସ୍ଥାନ ମଜଭୁତ୍ କରିବା ଲାଗି ପର୍ଯ୍ୟାପ୍ତ ସମୟ ଦରକାର ।"