virat kohli / ପୁନର୍ବାର ଦଳାଚକଟା ଚାହୁଁନାହୁଁ, ଖାଁ ଖାଁ ଷ୍ଟାଡିୟମରେ ଖେଳିବେ ବିରାଟ: କର୍ଣ୍ଣାଟକ ସରକାର

ଖାଲି ଷ୍ଟାଡିୟମରେ ଖେଳିବେ ବିରାଟ କୋହଲି। ତାଙ୍କୁ ତାଙ୍କ ଫ୍ୟାନ୍ସ ଦେଖିପାରିବେ ନାହିଁ। କିନ୍ତୁ କାହିଁକି, କିଏ ଏହିପରି ରୁଲ୍ସ କରିଛି ତାକୁ ନେଇ ଉଠୁଛି ପ୍ରଶ୍ନ। ପ୍ରକୃତରେ କର୍ଣ୍ଣାଟକ ସରକାର ଏଭଳି କିଛି ନିଷ୍ପତ୍ତି ନେଇଛନ୍ତି । ଖାଁ ଖାଁ ଷ୍ଟାଡିୟମରେ ବିରାଟ ଏଥର ଖେଳିବେ ବୋଲି ସୂଚନା ମିଳିଛି । ପୂର୍ବରୁ କର୍ଣ୍ଣାଟକ କ୍ରିକେଟ୍ ଆସୋସିଏସନ ଗ୍ୟାଲେରୀରେ ୨ରୁ ୩ ହଜାର ଦର୍ଶକଙ୍କ ପାଇଁ ବ୍ୟବସ୍ଥା କରିଥିଲା । କିନ୍ତୁ ଏହାକୁ ରାଜ୍ୟ ସରକରା କଡା ବିରୋଧ କରିଥିଲେ । ସୁରକ୍ଷା ଏବଂ ଭିଡକୁ ନଜରରେ ରଖି ସରକାର ଫ୍ୟାନ୍ସଙ୍କ ଆଗମନ ଉପରେ ରୋକ୍ ଲଗାଇଛନ୍ତି । ଗେଟ୍ ବନ୍ଦ କରି ଟୁର୍ଣ୍ଣାମେଣ୍ଟର ଆୟୋଜନ ପାଇଁ ସରକାର ନିର୍ଦ୍ଦେଶ ଦେଇଛନ୍ତି ।

ସୂଚନାଯୋଗ୍ୟ, ବିରାଟ ଏବଂ ପନ୍ତ ସୋମବାର ରାତିରେ ବେଙ୍ଗାଲୁରୁରେ ପହଁଚିଛନ୍ତି । ମଙ୍ଗଳବାର ସକାଳେ ସେମାନେ ଦିଲ୍ଲୀ ଟିମ ସହ ଯୋଡି ହୋଇ ଅଭ୍ୟାସ କରିଛନ୍ତି । ବୁଧବାରଠୁ ଦିଲ୍ଲୀ ଆନ୍ଧ୍ର ପ୍ରଦେଶ ବିପକ୍ଷରେ ବିଜୟ ହଜାରେ ଟ୍ରଫିର ପ୍ରଥମ ମୁକାବିଲା ଖେଳିବ ।ଆଇପିଏଲ ବିଜୟ ରାଲିରେ ଘଟିଥିବା ଅଘଟଣ ପରେ ପ୍ରଥମ ଥର ପାଇଁ ବେଙ୍ଗାଲୁରରେ ନଜର ଆସିବେ ବିରାଟ । ଚଳିତ ବର୍ଷ ଜୁଲାଇ ୪ରେ ଘଟିଥିବା ବିଜୟ ଶୋଭାଯାତ୍ରାର ଦଳାଚକଟାରେ ୧୧ ଜଣ ପ୍ରାଣ ହରାଇଥିବା ବେଳେ ଏକାଧିକ ଆହତ ହୋଇଥିଲେ । ଇଏସପିଏନ କ୍ରିକ୍ ଇନଫୋ ଅନୁସାରେ, ରାଜ୍ୟ ସରକାର ପୁନର୍ବାର ଦଳାଚକଟା ଘଟଣା ଚାହୁଁ ନାହାଁନ୍ତି । ମୁକାବିଲାରେ ବିରାଟଙ୍କ ସହ ଋଷଭ ପନ୍ତ ନଜର ଆସିବେ ।

ଏଥିସହ ପଢ଼ନ୍ତୁ: ଋଷରେ ବାରମ୍ୱାର ବୋମା ବିସ୍ଫୋରଣ, ପୁଟିନ ନେବେ ବଡ଼ ଆକ୍ସନ

ତେଣୁ କ୍ରିକେଟ୍ ଆସୋସିଏସନ ଆଲୁରରୁ ଏମ୍ ଚିନ୍ନାସ୍ୱାମୀକୁ ମ୍ୟାଚ୍ ସ୍ଥାନାନ୍ତର କରିଛି । ଯାହା ଦ୍ୱାରା କୌଣସି ଅପ୍ରୀତିକର ପରିସ୍ଥିତିକୁ ଏ଼ଡାଇ ଦିଆଯାଇପାରିବ ।
ବିରାଟଙ୍କୁ ଦେଖିପାରିବେନି ଫ୍ୟାନ୍ସ । ବିରାଟ ବିରାଟ ନାରା ବି ଶୁଭିବନି ଷ୍ଟାଡିୟମରେ । ନିଜ ପସନ୍ଦର କ୍ରିକେଟରଙ୍କୁ ଆଉ ପାଖରୁ ଦେଖିବାକୁ ମିଳିବନି । କର୍ଣ୍ଣାଟକ ରାଜ୍ୟ କ୍ରିକେଟ ଆସୋସିଏସନର ନିଷ୍ପତ୍ତିକୁ ନେଇ ଏବେ ସବୁଆଡେ ଚର୍ଚ୍ଚା । ବିଜୟ ହଜାରେ ଟ୍ରଫି ଖେଳିବାକୁ କର୍ଣ୍ଣାଟକ ଆସିବେ ବିରାଟ କୋହଲି । କିନ୍ତୁ ତାଙ୍କୁ ମିଳିବନି ଆଗ ଭଲି ସ୍ୱାଗତ ।

ରିପୋର୍ଟ ଅନୁସାରେ, ଏଥର ବିରାଟ ବିଜୟ ହଜାରେ ଟ୍ରଫି ଖେଳିବେ । ସେ ଦିଲ୍ଲୀ ପାଇଁ ମୁକାବିଲା ଖେଳିଥାନ୍ତି । ଚଳିତ ଥର ଚିନ୍ନାସ୍ୱାମୀ ଷ୍ଟାଡିୟମରେ ମୁକାବିଲା ଖେଳାଯିବ । ପ୍ରାୟ ୧୦ ବର୍ଷ ପରେ ଚିନ୍ନାସ୍ୱାମୀରେ ମ୍ୟାଚ୍ ଖେଳାଯିବାକୁ ଥିବାରୁ ଫ୍ୟାନ୍ସ ଉତ୍ସାହିତ ରହିଛନ୍ତି । କିନ୍ତୁ ଏଥର ସେମାନେ ନିରାଶ ହେବେ । କାରଣ ବିରାଟଙ୍କୁ ଚିନ୍ନାସ୍ୱାମୀରେ ଗ୍ରାଣ୍ଡ୍ ଓ୍ୱେଲକମ୍ କରାଯିବ ନାହିଁ । ଗତବର୍ଷ ଆଇପିଏଲ ଚ୍ରଫି ଜିତିବା ପରେ ହୋଇଥିବା ଦଳାଚକଟା ପାଇଁ ଏପରି ନିଷ୍ପତ୍ତି ନିଆଯାଇଛି । ଏବାବଦରେ କର୍ଣ୍ଣାଟକ ସରକାର ମଧ୍ୟ ରାଜ୍ୟ କ୍ରିକେଟ୍ ଆସୋସିଏସନକୁ କଡା ନିର୍ଦ୍ଦେଶ ଦେଇଛନ୍ତି ।

ଅଧିକ ପଢ଼ନ୍ତୁ ବିଦେଶ ଖବର: