ଦକ୍ଷିଣ ଆଫ୍ରିକା ବିପକ୍ଷ ଦ୍ୱିତୀୟ ମ୍ୟାଚ୍‌ରେ ବିରାଟ କୋହଲି ଶତକ ହାସଲ କରିଥିଲେ। ପୂର୍ବରୁ ସେ ରାଞ୍ଚି ମ୍ୟାଚ୍‌ରେ ଶତକ ହାସଲ କରିଥିଲେ। ରାୟପୁରରେ ଖେଳାଯାଇଥିବା ଦ୍ୱିତୀୟ ମ୍ୟାଚ୍‌ରେ ଭାରତ ୩୫୮ ରନ୍‌ର ବିଶାଳ ସ୍କୋର କରିଥିଲା, ଯାହାର ଜବାବରେ ଦକ୍ଷିଣ ଆଫ୍ରିକା ୪ ୱିକେଟ୍‌ରେ ବିଜୟୀ ହୋଇଥିଲା। ବିରାଟ ତାଙ୍କ ଏକଦିବସୀୟ କ୍ୟାରିୟରର ୫୩ତମ ଶତକ ହାସଲ କରିଥିଲେ। ମ୍ୟାଚ୍‌ ପରେ ବିରାଟ କୋହଲି ନାଗିନ୍ ନୃତ୍ୟ ପ୍ରଦର୍ଶନ କରିଥିଲେ, ଯାହାର ଏକ ଭିଡିଓ ଭାଇରାଲ୍‌ ହେଉଛି। ଖୁବ ମଜାଳିଆ ଢଙ୍ଗରେ ନାଚିଥିଲେ କୋହଲି। ଯାହା ଦର୍ଶକଙ୍କୁ ବେଶ ଖୋରାକ ଯୋଗାଇଛି। 

Virat Kohli’s reaction after the wicket. 🤣 pic.twitter.com/CL8J0d8pzl

— Mufaddal Vohra (@mufaddal_vohra) December 3, 2025

ବିରାଟ କୋହଲିଙ୍କ ନାଗିନ୍ ଡ୍ୟାନ୍ସ ଭାଇରାଲ୍
ଦକ୍ଷିଣ ଆଫ୍ରିକାକୁ ୪.୫ତମ ଓଭରରେ ପ୍ରଥମ ଝଟକା ଲାଗିଲା। ଅର୍ଶଦୀପ ସିଂହ କ୍ୱିଣ୍ଟନ୍ ଡି କକ୍ ରୂପରେ ଭାରତକୁ ପ୍ରଥମ ସଫଳତା ଦେଇଥିଲେ। ସେ ଏକ ବଡ଼ ସଟ୍ ଚେଷ୍ଟା କରିବା ସମୟରେ ଆଉଟ୍ ହୋଇଥିଲେ। ତା’ପରେ ବିରାଟ କୋହଲି ପଡ଼ିଆରେ ନାଗିନ୍ ଡ୍ୟାନ୍ସ କରିଥିଲେ, ଯାହାର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ବିରାଟ କୋହଲି ପ୍ରାୟତଃ ଫିଲ୍ଡିଂ କରିବା ସମୟରେ ନାଚିଥାନ୍ତି। ତାଙ୍କର ଏକ ମଜାଦାର ଭିଡିଓ ଅନଲାଇନରେ ମଧ୍ୟ ଦ୍ରୂତ ଗତିରେ ଭାଇରାଲ ହେବାରେ ଲାଗିଛି। ପ୍ରଶଂସକମାନେ ଏବେ ବିରାଟଙ୍କ ନାଗିନ୍ ଡ୍ୟାନ୍ସକୁ ପସନ୍ଦ କରୁଛନ୍ତି।

ଏହାସହ ପଢ଼ନ୍ତୁ: ଦିନିକିଆରେ କୋହଲିଙ୍କ ୫୩ ତମ ଦିନିକିଆ ଶତକ, ରାଞ୍ଚି ପରେ ରାୟପୁରରେ ଦିନିକିଆରେ କଲେ ଧମାଲ୍

ବିରାଟ କୋହଲିଙ୍କ ଲଗାତାର ଶତକ 
ବ୍ୟାକ ଟୁ ବ୍ୟାକ ଶତକ କରି ଫ୍ୟାନ୍ସଙ୍କ ହୃଦୟ ଜିତୁଛନ୍ତି କୋହଲି। ଏବେ ବି ପୁରା ଫିଟ। କୋହଲି କ୍ରିଜକୁ ଆସିବା ମାତ୍ରେ ଇନଷ୍ଟା ଫିଡ୍‌ରେ କେବଳ ରାଜ କରନ୍ତି ବିରାଟ କୋହଲି। ରାଞ୍ଚିରେ ଖେଳାଯାଇଥିବା ପ୍ରଥମ ମ୍ୟାଚ୍‌ରେ ବିରାଟ କୋହଲି ୧୩୫ ରନ୍‌ର ଶତକ ହାସଲ କରିଥିଲେ। ଏହା ପରେ ରାୟପୁରରେ ମଧ୍ୟ ସେ ତାଙ୍କ ବ୍ୟାଟିଂରେ ଚମତ୍କାର ପ୍ରଦର୍ଶନ କରିଥିଲେ। ସେ ୯୩ ବଲ୍‌ରୁ ୧୦୨ ରନ୍‌ର ଏକ ଚମତ୍କାର ଇନିଂସ ଖେଳିଥିଲେ। ତାଙ୍କ ଇନିଂସ୍‌ରେ ସେ ୭ ଚୌକା ଏବଂ ୨ ଛକା ମାରିଥିଲେ।

ଏହାସହ ପଢ଼ନ୍ତୁ: ଟିମ୍‌ ଇଣ୍ଡିଆ ହାରିବାର କାରଣ କହିଲେ କେ.ଏଲ ରାହୁଲ....`ଏମାନଙ୍କ ପାଇଁ ଆମେ ମ୍ୟାଚ ହାରିଗଲୁ'

ଋତୁରାଜ ଗାଏକୱାଡ ମଧ୍ୟ ଏକ ଚମତ୍କାର ଇନିଂସ୍‌ ଖେଳି ୮୩ ବଲ୍‌ରୁ ୧୦୫ ରନ୍‌ କରିଥିଲେ। ଅଧିନାୟକ କେଏଲ୍ ରାହୁଲ ମଧ୍ୟ ୪୩ ବଲ୍‌ରୁ ୬୬ ରନ୍‌ କରିଥିଲେ। ଭାରତ ୫ ୱିକେଟ୍‌ ହରାଇ ୩୫୮/୫ ରନ୍‌ କରିଥିଲା, ଯାହାର ଜବାବରେ ଦକ୍ଷିଣ ଆଫ୍ରିକା ୪୯.୨ ଓଭରରେ ୩୬୨/୬ ରନ୍‌ କରି ମ୍ୟାଚ୍‌ ଜିତିଥିଲା। ତିନି ମ୍ୟାଚ୍‌ ବିଶିଷ୍ଟ ଦିନିକିଆ ସିରିଜ୍‌ ୧-୧ରେ ବରାବର ହୋଇଛି। ତେବେ ଶେଷ ମ୍ୟାଚ୍‌ରେ ଭାରତ ଜିତିବ ବୋଲି କୁହାଯାଇଛି।