ସ୍ତ୍ରୀଙ୍କ ଠାରୁ ଅଲଗା ହେବେ କି ହାର୍ଦ୍ଦିକ ପାଣ୍ଡ୍ୟା?
ଅର୍ଗସ ବ୍ୟୁରୋ: ଅଲଗା ହେବେ କି ଷ୍ଟାର୍ ଦମ୍ପତି କ୍ରିକେଟର୍ ହାର୍ଦ୍ଦିକ ପାଣ୍ଡ୍ୟା ଓ ତାଙ୍କ ପତ୍ନୀ ନତାଶା ଷ୍ଟୋନ୍କୋଭିକ୍? ଏପରି ଏକ ଚର୍ଚ୍ଚା ସୋସିଆଲ୍ ମିଡିଆରେ ଖୁବ୍ ଭାଇରାଲ ହେଉଛି।
କେତୋଟି ଛୋଟ ଛୋଟ କଥାକୁ ନେଇ ପ୍ରଶଂସକମାନେ ଏପରି ଅନୁମାନ କରୁଛନ୍ତି। ପୂର୍ବରୁ ଦୁହେଁ ଦୁହିଁଙ୍କ ଷ୍ଟୋରିରେ ଲଗାତର ପରସ୍ପରଙ୍କ ଫଟୋ ରଖୁଥିବା ବେଳେ କିଛି ଦିନ ହେବ ସେପରି କରୁନାହାନ୍ତି। ନତାଶା ମଧ୍ୟ ନିଜ ନାମରୁ ପାଣ୍ଡ୍ୟା ସରନେମକୁ ହଟାଇ ଦେଇଛନ୍ତି। ପୂର୍ବରୁ ସୋସିଆଲ୍ ମିଡିଆ ଆକାଉଣ୍ଟ୍ରେ ତାଙ୍କ ନାମ ନତାଶା ଷ୍ଟୋନ୍କୋଭିକ୍ ପାଣ୍ଡ୍ୟା ଥିବା ବେଳେ ଏବେ ସେଥିରୁ ପାଣ୍ଡ୍ୟାକୁ ହଟାଇ ଦେଇ କେବଳ ନତାଶା ଷ୍ଟୋନ୍କୋଭିକ୍ କରି ଦେଇଛନ୍ତି।
ସୋସିଅଲ୍ ମିଡିଆରେ ଏକ ରେଡ୍ଡିଟ୍ ପୋଷ୍ଟ୍ରେ ପାଣ୍ଡ୍ୟା ଓ ନତାଶା ଅଲଗା ହୋଇଛନ୍ତି ବୋଲି ପ୍ରଶ୍ନ ପଚାରିବା ଶୈଳୀରେ ଉଲ୍ଲେଖ କରାଯାଇଛି। ଏହି ଭାଇରାଲ୍ ପୋଷ୍ଟ୍ରେ ଆହୁରି ମଧ୍ୟ କୁହାଯାଇଛି ଯେ ଏହା କେବଳ ଅନୁମାନ କରାଯାଉଛି। ସେମାନଙ୍କ ସୋସିଆଲ୍ ମିଡିଆ କାର୍ଯ୍ୟକଳାକୁ ଲକ୍ଷ୍ୟ କରାଯାଇ ଏପର ଅନୁମାନ କରାଯାଉଛି।
ମାର୍ଚ୍ଚ ୪ ତାରିଖରେ ନତାଶାଙ୍କ ଜନ୍ମଦିନ ଥିଲା, ହେଲେ ଏହି ଦିନ ପାଣ୍ଡ୍ୟା କିଛି ବି ପୋଷ୍ଟ୍ କରି ନ ଥିଲେ। ଏହାଛଡ଼ା ନତାଶା ପାଣ୍ଡ୍ୟାଙ୍କ ସହ ଥିବା ତାଙ୍କର ଅନେକ ଫଟୋକୁ ହଟାଇ ଦେଇଛନ୍ତି। କେବଳ ସେଇ ଫଟୋଗୁଡ଼ିକ ଅଛି, ଯେଉଁଥିରେ ତାଙ୍କ ପୁଅ ଅଗସ୍ତ୍ୟା ଅଛି।
ହାର୍ଦ୍ଦିକ ଓ ନତାଶା ୨୦୨୦ ମସିହା ମେ ୩୧ ତାରିଖରେ ବିବାହ କରିଥିଲେ। ସେହିପରି ଜୁଲାଇ ୩୦ ତାରିଖରେ ନିଜର ପ୍ରଥମ ପିଲା ଅଗସ୍ତ୍ୟାକୁ ସ୍ବାଗତ କରିଥିଲେ।
📱 Get Argus News App
✨ଅଧିକ ପଢ଼ନ୍ତୁ କ୍ରୀଡ଼ା ଖବର